އަވަށްޓެރި ސްރީލަންކާގެ ނުވަރައެލިއާގެ ފިނިހޫނުމިން ދަށް ވުމާއެކު ފިނި ގަނޑު ވުމުގެ އަސަރު ކުރަމުންދާ ކަމަށް އެ ޤައުމުގެ މޫސުމާބެހޭ އިދާރާއިން ރިޕޯޓްކޮށްފިއެވެ.
ލަންކާގެ ޑިޕާޓްމަންޓް އޮފް މީޓިއޮރޮލޮޖީން ބުނެފައިވަނީ ނޫރަލިއާގެ ފިނިހޫނުމިން 7.8 ޑިގްރީ ސެލްސިއަސް އަށް ދަށަށް ގޮސްފައިވާ ކަމަށެވެ. މި ފިނީގައި އިއްޔެ ހެނދުނު ބައެއް ހިސާބުތަކުގައި ވަނީ ފިނި ގަނޑުވުމުގެ އަސަރު ކޮށްފައެވެ.
ފިނި ގަނޑުވުމުގެ އަސަރު ކުރި ތަންތަނުގެ ތެރޭގައި ނުވަރައެލިއާ އަދި ހެޓަން، ކޮލަންބޯއަށް ދަތުރު ކުރާ މައި މަގުތަކާއި އަދި ގުޅިފައިވާ މަގުތައް ހިމެނެއެވެ.
މި ދުވަސްވަރުގައި މި ސަރަހައްދު ތަކުން ދަތުރު ފަތުރު ކުރުމުގައި ބާރަށް ނުދުއްވުމަށާއި އަދި ދަތުރު ކުރުމުގެ ކުރިން އުޅަނދު ތަކުގެ ހެޑްލައިޓް ޖައްސައިގެން ދަތުރު ކުރުމަށް ހެޓަން ފުލުހުން ވަނީ އިލްތިމާސް ކޮށްފައެވެ.
