ރޯދަ ހަދިޔާ ބެހުމުގެ މަސައްކަތް މިރޭ ފަށަނީ

ޚަބަރު

ރޯދަ ހަދިޔާގެ ގޮތުގައި ރާއްޖޭގެ ހުރިހާ ގޭބީސީތަކަށް ސަރުކާރުން ދެއްވާ މަސްދަޅު ކޭސް ބެހުމުގެ މަސައްކަތް މިރެއިން ފެށިގެން ކުރިއަށް ގެންދިއުމަށް ހަމަޖެހިފައިވާ ކަމަށް، ސިޓީސް މިނިސްޓްރީން ހާމަކޮށްފިއެވެ.

Ads by

މިކަމާ ގުޅިގެން ސިޓީސް މިނިސްޓަރު، އާދަމް ޝަރީމް އުމަރު މީގެ ކުރިން ވިދާޅުވީ، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެރިކަމަށް ވަޑައިގަތީއްސުރެ، ރައްޔިތުންނަށް ރޯދަ ހަދިޔާގެ ގޮތުގައި ކޮންމެވެސް މިންވަރެއް ސަރުކާރުގެ ފަރާތުން ހަދިޔާކުރައްވަމުން ގެންދަވާ ކަމަށެވެ. މިދިޔަ އަހަރެކޭ އެއްގޮތަށް މި އަހަރު ވެސް، ރާއްޖޭގެ ކޮންމެ ގޭބިސީއަކަށް 48 ދަޅު ހިމެނޭ މަސްދަޅު ކޭސް ބެހުމަށް ސަރުކާރުން ވަނީ ނިންމަވާފައެވެ.

މަސްދަޅު ކޭސް ނެގުމުގައި އެއްވެސް ފަރާތަކުން ކިއުގައި ޖެހެން ނުޖެހޭނެ ކަމުގެ ޔަގީންކަން މިނިސްޓަރު ވަނީ ދެއްވާފައެވެ. އެގޮތުން މި އަހަރު ވެސް ޕޯޓަލް މެދުވެރިކޮށް މި އިންތިޒާމު ހަމަޖެހިގެންދާނެ ކަމަށް މިނިސްޓަރު ވަނީ ވިދާޅުވެފައެވެ.

މަސްދަޅު ކޭސް ބެހުމުގެ މަސައްކަތް ކުރުމަށް ރާވާފައިވަނީ ހުކުރު ދުވަސް ފިޔަވައި ކޮންމެ ދުވަހެއްގެ ރޭގަނޑު 08:30 އިން ފެށިގެން 11:00 އާއި ހަމައަށެވެ. އަންނަ މަހުގެ 11 ވަނަ ދުވަހުގެ ކުރިން މަސްދަޅު ކޭސް ބެހުމުގެ މަސައްކަތް އެއްކޮށް ނިންމާލުމަކީ އަމާޒެއް ކަމަށް މިނިސްޓަރު ޝަރީފް ވަނީ ވިދާޅުވެފައެވެ.

މަސްދަޅު ކޭސް ބެހުމުގައި މާލެ ސިޓީގައި ބަލާ ހަމައަކީ، ގޭބިސީގެ ގޮތުގައި ވަކި ކަރަންޓު މީޓަރު ނަންބަރެއް ލިބިފައިވާ ކޮންމެ ބަޔަކީ ވެސް ވަކި ގޭބިސީއެއް ކަމަށެވެ. އަތޮޅުތެރޭގެ ރަށްރަށުގައި މަސްދަޅު ކޭސް ބެހުމުގެ މަސައްކަތް ކުރިއަށްގެންދިއުމުގައި ބަލާ ހަމައަކީ، އެ ރަށެއްގެ ގޭބިސީތަކުގެ ލިސްޓުގައިވާ ގޮތުގެ މަތިން މަސްދަޅު ކޭސްތައް ބެހުމުގެ މަސައްކަތް ކުރިއަށްގެންދިއުމެވެ. ފާހަގަކޮށްލެވޭ ގޮތުގައި، މި ވަގުތު އެކަނި ވެސް މާލޭ ސަރަހައްދުގައި 61،755 ގޭބިސީ ރަޖިސްޓްރީ ކޮށްފައިވެއެވެ. އަދި އަތޮޅުތެރޭގެ ރަށްރަށުގައި 56،918 ގޭބިސީ ވަނީ ރަޖިސްޓްރީ ކޮށްފައެވެ. އެހެން ކަމުން މުޅިއެކު 118،673 ގޭބިސީއަކަށް މި އަހަރު މަސްދަޅު ކޭސް ލިބުމަށް ވަނީ ހަމަޖެހިފައެވެ.

މާލޭ ސަރަހައްދުގައި ޖުމުލަ 15 ތަނަކުން މަސްދަޅު ކޭސް ބެހުމުގެ އިންތިޒާމު ވަނީ ހަމަޖެހިފައެވެ. އެއީ: