މިފްކޯއަށް މަސްކިރުވާފައިވާ މަސްވެރިންނަށް ދޭންޖެހޭ ހުރިހާ ފައިސާއެއް ދީ ހަލާސްކޮށްފިއެވެ.
މިފްކޯއިން ވިދާޅުވީ މަސްވެރިން ކިރުވި މަހަށް ދޭންޖެހިފައިވާ 17.3 މިލިޔަން ރުފިޔާ މިހާރު ދޫކޮށްފައިވާކަމަށެވެ. މިފްކޯއިން ވިދާޅުވީ މިއީ މިދިޔަ މަހުގެ 24 އިން މިމަހުގެ 26 ވަނަ ދުވަހުގެ ނިޔަލަށް މިފްކޯއަށް ކިރުވާފައިވާ މަހަށް މަސްވެރިންނަށް ދޭން ޖެހިފައިހުރި ފައިސާކަމަށެވެ.
ސަރުކާރުން މިހާތަނަށް މަސްވެރިންނަށްވަނީ ބިލިޔަނަކަށްވުރެ ގިނަ ރުފިޔާ ދޫކޮށްފައެވެ. އަދި މަސްވެރިން ކިރުވާ މަހަށް ގަވާއިދުން ފައިސާ ދެއްކުމަށް އެ ކުންފުނިން އަންނަނީ މަސައްކަތް ކުރައްވަމުންނެވެ.
މިފްކޯއިން ވިދާލުވެފައިވަނީ އެ ކުންފުނީގެ ހިންގުން ހަރުދަނާކޮށް އާމްދަނީ އިތުރުކުރެވޭނެ އިތުރު ގޮތްތައް ބަލައި، ޚަރަދުތައް ކުޑަކުރުމަށް ހަރުދަނާ ފިޔަވަޅުތައް އަޅަމުންދާނެކަމަށެވެ.
