މާލޭ އުސްފަސްގަނޑާ ދިމާލު މޫދުން މީހަކު މަރުވެފައި އޮއްވާ ފެނިއްޖެއެވެ.
ފުލުހުން މީޑިއާތަކަށް ފޮނުވި މެސެޖެެއްގައި ބުނެފައިވަނީ މާލޭ އުސްފަސްގަނޑާ ދިމާލު ކަނޑުމަތީގައި މީހަކު މަރުވެފައި އޮތް ކަމުގެ ރިޕޯޓް މިއަދު ހަވީރު 5:06 ހާއިރު ލިބިގެން ފުލުހުން ހަރަކާތްތެރިވަމުން އަންނަ ކަމަށެވެ.
ފުލުހުން އިތުރަށް ބުނެފައިވަނީ މަރުވެފައި އޮއްވާ ފެނިފައިވަނީ ހ. ވެލަސްފަރު އުމުރުން 62 އަހަރުގެ އިބްރާހިމް ޖައުހަރީ ނަމަކަށް ކިޔާ މީހެކެވެ.
އެމީހާގެ ހަށިގަނޑު މިހާރު އައިޖީއެމްއެޗަށް ގެންގޮސްފައިވާ ކަމަށާއި އޭނާ ގެންދިޔައިރު ވެސް މަރުވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ބުންޏެވެ.
