ވޭސްޓް މެނޭޖްމަންޓް ކޯޕަރޭޝަން (ވެމްކޯ) ގެ ޑެޕިއުޓީ މެނޭޖިން ޑިރެކްޓަރުގެ މަގާމަށް އިބްރާހިމް ނާއިފް އައްޔަން ކުރައްވައިފިއެވެ.
ނާއިފް މީގެކުރިން ހުންނެވީ ފެނަކަ ކޯޕަރޭޝަންގެ ޑެޕިއުޓީ މެނޭޖިން ޑިރެކްޓަރުގެ މަގާމުގައެވެ. އެކަމަކު، މި ފަހުން އޭނާ އެ މަގާމުން ވަކި ކުރިއެވެ. ނާއިފު ފެނަކައިގެ ބޯޑުން ވަކިކުރީ 8 އޯގަސްޓު 2024 ގަ އެވެ. އޭނާގެ އިތުރަށް އެ ކުންފުނީގެ ބޯޑުގެ މެންބަރުންގެ ތެރެއިން ޗެއާމަން އަހްމަދު ޝަހީރާއި ބޯޑުގެ މެންބަރު އަހްމަދު އީހާބެވެ. އެ ބޭފުޅުން މަގާމުން ވަކިކުރި ސަބަބެއް ޕީސީބީން ހާމަކޮށްފައިނުވެއެވެ.
ނާއިފު ފެނަކައިން ވަކިކުރެއްވުމަށްފަހު އޭނާ ހުންނެވި މަގާމަށް އައްޔަންކުރައްވާފައިވަނީ ވެމްކޯގެ ޑެޕިއުޓީ މެނޭޖިން ޑިރެކްޓަރުގެ މަގާމުގައި ކުރިން ހުންނެވި މުހައްމަދު އަބްދުލްކަރީމެވެ.
ނާއިފަކީ ނިމުނު ރިޔާސީ އިންތިހާބުގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ އިންތިހާބީ އެޖެންޓުގެ ދައުރު އަދާކުރެއްވި ބޭފުޅާ އެވެ.
