ހުޅުމާލޭ ފޭސް 2 ބްރިޖު މަތީގައި ލޮރީއަކާއި ސައިކަލެއް ޖެހި ހިނގި އެކްސިޑެންޓެއްގައި ޒުވާނަކަށް އަނިޔާވެއްޖެއެވެ.
Ads by MN Maldives
ފުލުހުން ވިދާޅުވީ، ހުޅުމާލޭގެ ފޭސް 2 ބްރިޖު މަތީގައި ލޮރީއަކާއި ސައިކަލެއް ޖެހި ހިނގި އެކްސިޑެންޓުގައި އަނިޔާވެފައި ވަނީ ސައިކަލު ދުއްވަން އިން މީހާއަށް ކަމަށެވެ.
ސައިކަލު ދުއްވަން އިން އުމުރުން 24 އަހަރުގެ މީހާއަށް މިހާރު ހުޅުމާާލޭ ހޮސްޕިޓަލުގައި ފަރުވާދެމުންދާ ކަމަށް ފުލުހުން ވިދާޅުވިއެވެ. އޭނާއަށް ލިބުނު އަނިޔާތަކުގެ ތަފްސީލެއް އަދި އެނގިފައި ނުވެއެވެ.
މިދިޔަ ދެ ހަފްތާއެއްހާ ދުވަސް ތެރޭގައި މާލެ ސަރަހައްދުގައި ނުރައްކާތެރި އެކްސިޑެންޓްތަކެއް ހިނގާފައި ވެއެވެ. އަދި މި އެކްސިޑެންޓްތަކުގައި ދެ މީހަކު ނިޔާވެފައިވެއެވެ.
