ހއ. މާރަންދޫ ކައުންސިލްގެ ހުސްވެފައިވާ ގޮނޑިއަށް މެމްބަރަކު އިންތިޚާބުކުރުމަށް ބޭއްވި ބައި-އިލެކްޝަންގައި ސަރުކާރު ހިންގާ ޕާޓީ ޕީއެންސީގެ ކެންޑިޑޭޓް، އަބްދުލްހަމީދު އަބްދުއްސައްތާރު ކާމިޔާބު ކުރައްވައިފިއެވެ.
މާރަންދޫ ކައުންސިލްގެ ހުސްވެފައިވާ ގޮނޑިއަށް ކައުންސިލަރަކު އިންތިޚާބުކުރުމަށް މިއަދު ވޯޓްލުން ކުރިއަށް ގެންދިޔައީ ހެނދުނު 08:00 އިން ފެށިގެން މިއަދު ހަވީރު 16:00 ގެ ނިޔަލަށެވެ.
މާރަންދޫ ކައުންސިލަށް މެމްބަރަކު އިންތިހާބު ކުރުމަށް މިއަދު ބޭއްވި އިންތިހާބުގައި ވާދަކުރެއްވީ ޕީއެންސީގެ ކެންޑިޑޭޓް އަބްދުލްހަމީދު އަބްދުއްސައްތާރާއި އެމްޑީޕީގެ ކެންޑިޑޭޓް ޝިހާމް މުޙައްމަދެވެެ.
ޕީއެންސީގެ ކެންޑިޑޭޓް އަބްދުލްހަމީދު އިންތިހާބު ކާމިޔާބުކުރެއްވީ 285 ވޯޓް ހޯއްދަވައިގެންނެވެެ. އެމްޑީޕީގެ ކެންޑިޑޭޓް ޝިހާމް މުހައްމަދަށް ލިބިވަޑައިގެންފައިވަނީ 250 ވޯޓެެވެ.
އީސީން ބުނެފައިވަނީ ވޯޓުލުމުގެ ވަގުތު ހަމަވިއިރު ވޯޓުލާފައި ވަނީ 560 މީހުން ކަމަށެވެ. އެއީ ވޯޓު ދިނުމުގެ ހައްގު ލިބިގެންވާ 76.09 އިންސައްތަ މީހުންނެވެ.
