ހއ.މާރަންދޫ ކައުންސިލަށް މެންބަރަކު އިންތިހާބު ކުރުމަށް ބާއްވާ ބައި-އިލެކްޝަނުގެ ވޯޓުލުން ހެނދުނު 08:00 އިން ފެށިގެން ކުރިއަށްދާ ކަމަށް އިލެކްޝަންސް ކޮމިޝަން (އީސީ)އިން ހާމަކޮށްފިއެވެ.
މި އިންތިހާބުގައި ވާދަކުރަށްވަނީ
- އެމްޑީޕީގެ ކެންޑިޑޭޓް ހއ. މާރަންދޫ މިންވަރު
- ޝިހާމް މުޙައްމަދު
- ޕީއެންސީގެ ކެންޑިޑޭޓް ހއ. މާރަންދޫ ސްކައި، އަބްދުލްޙަމީދު ޢަބްދުއްސައްތާރު
އީސީން ބުނެފައިވަނީ މި އިންތިހާބުގައި މިއަދު 12:00 އާ ހަމައަށް ވޯޓުލާފައިވަނީ 246 މީހުން ކަމަށެވެ. އެއީ މި އިންތިޚާބުގައި ވޯޓުލެވޭ މީހުންގެ 33.42 އިންސައްތައެވެ. މި އިންތިޚާބުގައި ވޯޓުލުމުގެ ޙައްޤު 736 މީހުންނަށް ލިބިފައިވެއެވެ.
މި އިންތިހާބުގައި ވޯޓު ލުމަށް 2 ވޯޓު ފޮއްޓެއް ބަހައްޓާފައިވެއެވެ. އެއީ މާރަންދޫ ސްކޫލުގައި ބަހައްޓާފައިވާ ވޯޓު ފޮއްޓާއި މާލޭ، ފެކަލްޓި އޮފް ހެލްތް ސައިންސްގެ ކޮންފަރެންސް ހޯލުގައި ބަހައްޓާފައިވާ ވޯޓު ފޮއްޓެވެ.
