މީހެއްގެ ޖީބުން މާލޭ މަގުމައްޗަށް ވެއްޓުނު 17000 ރުފިޔާ ފުލުހުން ހޯދައިފިއެވެ.
ދިވެހި ފުލުހުންގެ ޚިދުމަތުން ވިދާޅުވީ މިމަހުގެ 9 ވަނަ ދުވަހު މީހެއްގެ ޖީބުން މަގުމައްޗަށް 17000 ރުފިޔާ ވެއްޓި ގެއްލިފައިވާކަމުގެ ރިޕޯޓް ފުލުހުންނަށް ހުށައަޅާފައިވާކަމަށެވެ. މިމައްސަލައިގައި ފައިސާ ހޯދުމުގެ މަސައްކަތުގެ ތެރެއިން ސީސީޓީވީ ފޫޓޭޖް ބަލައި، މަގުމަތިން ފައިސާ ނެގި މީހާ ދެނެގަނެވިފައިވާކަމަށް ފުލުހުން ވިދާޅުވެއެވެ.
ފުލުހުން ވިދާޅުވީ ގަލޮޅު ޕޮލިހުން ކުރިމަސައްކަތުން މިފައިސާތައް ހޯދިފައިވަނީ ރޭގެ ވަގުތެއްގައިކަމަށެވެ.
މިމައްސަލައާ ގުޅިގެން މީހަކު ހައްޔަރުކޮށްފައިނުވާކަމަށް ފުލުހުން ވިދާޅުވެއެވެ. އެހެންނަމަވެސް މިމައްސަލަ ތަޙުގީގުކުރަމުންދާކަމަށް ފުލުހުންގެ ޚިދުމަތުން ވިދާޅުވެއެވެ.
