މަގުމަތީގެ ރައްކާތެރިކަން ކަށަވަރުކުރުމަށް 24 ގަޑިއިރުތެރޭ 259 އުޅަނދެއް ބަލައިފާސްކޮށްފިއެވެ.
މަގުމަތީގެ ރައްކާތެރިކަން ކަށަވަރުކުރުމަށް ފުލުހުން ކުރަމުން ގެންދާ މަސައްކަތްތަކާއި ބެހޭގޮތުން މައުލޫމާތު ހިއްސާކުރަމުން ފުލުހުން މިއަދު ”އެކްސް“ގައި ހިއްސާކުރި ތަފާސްހިސާބުތަކުން ދައްކާގޮތުން ސެޕްޓެންބަރު 8 ވަނަ ދުވަހުގެ 18:00 އިން ފެށިގެން ސެޕްޓެންބަރު 9 ވަނަ ދުވަހުގެ 18:00 އަށް ޖުމްލަ 259 އުޅަނދެއް ބަލައިފާސްކޮށްފައިވެއެވެ.
ބަލައިފާސްކުރި އުޅަނދުތަކުގެ ތެރޭގައި 30 ކާރާއި 229 ސައިކަލު ހިމެނޭކަމަށް ފުލުހުން މައުލޫމާތުދީފައިވެއެވެ.
މަގުމަތީގެ ސަލާމަތާއި ރައްކާތެރިކަން ކަށަވަރުކުރުމަށް ފުލުހުން ކުރަމުންދާ މަސައްކަތުގެ ތެރެއިން ސެޕްޓެންބަރު 8 ވަނަ ދުވަހުގެ 18:00 އިން ފެށިގެން ސެޕްޓެންބަރު 9 ވަނަ ދުވަހުގެ 18:00 އަށް ހުޅުމާލޭގައި ކޮށްފައިވާ މަސައްކަތުގެ ތަފާސް ހިސާބު pic.twitter.com/eeIpmFK70F
— Maldives Police (@PoliceMv) September 11, 2024
މީގެ ތެރެއިން 8 ސައިކަލެއް ލައިސަންސް ނެތި ދުއްވާފައިވާއިރު، 14 ސައިކަލަކާއި 3 ކާރެއް ޓޯކޮށްފައިވާކަމަށް ފުލުހުން މައުލޫމާތުދީފައިވެއެވެ. އަދި މީގެ އިތުރުން ސައިކަލު ދުއްވި 37 ފަރާތަކަށް ނަސޭހަތްދެވިފައިވާކަމަށާއި، ނުރައްކާކޮށް ސައިކަލު ދުއްވި 5 ފަރާތެއް ހުއްޓުވާފައިވާކަމަށްވެސް ފުލުހުން ބުނެފައިވެއެވެ. އޭގެ އިތުރުން 2 ކާރަކާއި 53 ސައިކަލަކަށް ފިޔަވަޅު އަޅަފައިވާކަމަށް ފުލުހުން ބުނެއެވެ.
ފުލުހުން މާލެ އާއި ހުޅުމާލޭގެ މަގުތައް ބެލެހެއްޓުމަށް ކުރާ މަސައްކަތް އިތުރުކޮށްފައި މިވަނީ ނުރައްކާތެރި އެކްސިޑެންޓްތަށް މި ފަހަކުން ގިނަވުމާއި ގުޅިގެންނެވެ.
