މިއަދު ހެނދުނު ހުޅުމާލޭގައި ހިނގި އެކްސިޑެންޓެއްގައި މީހަކަށް އަނިޔާވެއްޖެއެވެ.
ފުލުހުން ބުނެފައިވަނީ ހުޅުމާލޭ ފޭސް 1 އަދި 2 ގުޅޭ ބްރިޖް ކައިރިން ކާރަކާއި ސައިކަލެއް ޖެހިގެން އެކްސިޑެންޓެއް ހިންގާފައިވާ ކަމަށެވެ.
“މި އެކްސިޑެންޓް ގައި ސައިކަލް ދުއްވި މީހާގެ ގައިގެ ބައެއް ތަންތަން ހަންމެށިފައިވާ ކަމުގެ މަޢުލޫމާތު ލިބިފައިވޭ.” ފުލުހުން ހާމަކޮށްފައިވެއެވެ.
ފުލުހުން އިތުރަށް ބުނެފައިވަނީ މި އެކްސިޑެންޓާ ގުޅިގެން ބަލަންޖެހޭ ކަންތައްތައް ބަލަމުންދާ ކަމަށެވެ.
