މާލޭ ހެންވޭރު ހުރި ގެސްޓް ހައުސްގެ ކޮޓަރިއެއްގެ ތެރެއިން ޒަހަމްތަކެއް ލިބިފައި އޮތް މީހަކު ފެނިއްޖެއެވެ.
މީޑިއާތަކަށް މިއަދު ފޮނުވި މެސެޖެއްގައި ފުލުހުން ބުނީ ގެސްޓް ހައުސްގެ ކޮޓަރިއެއްގެ އުޅޭ މީހެއްގެ ހަބަރެއްނުވާ ކަމަށް ލިބުނު މައުލޫމާތަކާ އެޓެންޑްވެފައިވާ ކަމަށެވެ.
ފުލުހުން ގޮސް އެ ކޮޓަރިއަށް ވަދެ ބެލި އިރު ޒަޚަމްތަކަކާއެކު އޮތް މީހަކު ފެނިފައިވާ ކަމަށާއި އެ މީހާ މިހާރު އައިޖީއެމް ހޮސްޕިޓަލަށް ގެންގޮސްފައިވާ ކަމަށް ފުލުހުން މައުލޫމާތު ދެއެވެ. އެއީ 27 އަހަރުގެ ދިވެހި ފިރިހެނެކެވެ.
ނަމަވެސް އޭނާއަށް ލިބިފައިވާ ޒަޚަމްތަކުގެ ތަފްސީލެއް ހާމަކޮށްފައެއް ނުވެއެވެ. ފުލުހުން ދަނީ މިވަގުތު ސީން ގައި ހަރަކާތްތެރި ވަމުންނެވެ.
