މާލޭގައި ދޭ ބަހުގެ ހިދުމަތް ފަތިހު 05:00 އިން ފެށިގެން ފަށަން އެމްޓީސީސީން ނިންމައިފިއެވެ.
އެމްޓީސީސީން ބަހުގެ ދަތުރުތައް މިހާރު ފަށަނީ ކޮންމެ ދުވަހަކުވެސް ހެނދުނު 6 ޖަހާއިރުއެވެ. އަދި ރޭގަނޑު 12:30 ގައި ދަތުރުތައް ހުއްޓާލައެވެ.
އެކުންފުނިން ބުނެފައިވަނީ ހިދުމަތް ހޯދާ ފަރާތަތަކުން ބަހުގެ ދަތުރުތައް ފަށާ ވަގުތު އަވަސްކޮށްދިނުމަށް އެދިފައިވާތީ ފަތިހު 5 ޖަހާއިރު ބަސްތަކުގެ ދަތުރުތައް ފެށުމަށް ނިންމާފައިވާކަމަށެވެ. މި ބަދަލާއެކު އަންނަ އާދިއްތަ ދުވަހުން ފެށިގެން ބަހުގެ ހިދުމަތް ފަތިހު 5 ފެށިގެން ލިބެމުންދާނެކަމަށް އެކުންފުނިން ބުނެއެވެ.
ދަންވަރު ބަހުގެ ހިދުމަތް ނުދިންނަމަވެސް މާލެއާއި ހުޅުމާލެ އާއި ދެމެދު ދަންވަރުވެސް އެ ހިދުމައް އަންނަނީ ދެމުންނެވެ. އެގޮތުން ދަންވަރު 12:30 އިން ފެށިގެން 12:30 އިން ފެށިގެން ފަތިހު 5:30 އަށް ގަޑިއިރަކު އެއްފަހަރު ބަސް ދަތުރުތައް ބާއްވައެވެ.
އާންމު ދަތުރުފަތުރުގެ ނިޒާމު ލުއި ފަސޭހަ ކުރުމަށް މިދިޔަ ސަރުކާރުން މާލޭގައި މިނީ ބަހުގެ ހިދުމަތް ފެށީ 05 ސެޕްޓެމްބަރު 2022 ގައެވެ.
