އިންސާނުންނަކީ ކުށަށް ހުށަހެޅިފައިވާ ބައެއް ކަމަށާއި ފާފަފުއްސެއްވުމަށް އެދި މާތް اللهގެ ޙަޟްރަތުގައި ދެންނެވުމުން ފާފަފުއްސަވާނެ ކަމަށް ހުކުރު ހުތުބާގައި ބުނެފިއެެވެ.
މިއަދުގެ ހުކުރު ހުތުބާގައި އަލިއަޅުވާފައިވާ މައުޟޫއުއަކީ “ދީނަށްޓަކައި ހިދުމަތްކުރުން” މިއެވެ.
ހުތުބާގައި ބުނީ ކުށްކުރުމަކީ އަހަރެމެން އެކަނި ކުރާ ކަމެއް ނޫން ކަމަށާއި އިންސާނުންނަކީ ކުށަށް ހުށަހެޅިފައިވާ ބައެއް ކަމަަށެވެ. އަދި ހުރިހާ ސާލިޙް އަޅުންނަކީވެސް ފާފަ ކުރެވޭނެ މީހުން ކަމަށާއި ހިތާމައަކީ ފާފަތަކުގެ ނާޖާއިޒް ފައިދާ ހޯދުމުގެ ފުރުސަތު ޝައިތާނާއަށް ދެވޭތީ ކަމަށް ހުތުބާގައި ބުންޏެވެ.
ހުތުބާގައި ބުނީ ކުށާއި ފާފައިގެ ސަބަބުން ދީނަށް އަމަލުކުރުމާއި ދީން ދެކެވާ ލޯތްބާއި މުސްލިމުންނަށް ވާގިވެރިވުމަށް ބަދަލެއް ނާންނާނެ ކަމަށާއި ޤައުމުތަކުގެ މުސްތަގްބަލް ބިނާކުރަމުން އަންނަ ހިނދު ތިބާއަކީ މި އުންމަތުގެ އެންމެ އިސް ސަފުގައި ހުންނާނެ ފަރުދެއް ކަމަށް ދެކެން ޖެހޭ ކަމަށެވެ.
