”ބަގާވާތް“ މި ލަފްޒަކީ ކުޅޭ ކުޅިވަރަކަށް ބޭނުންކުރާ ލަފްޒަކަށް ހަދާކަށް ނުވާނެ ކަމަށް މަޖިލީހުގެ އުނގޫފާރު ދާއިރާގެ ކުރީގެ މެމްބަރު މުހައްމަދު ވަހީދު ވިދާޅުވެއްޖެއެވެ.
ވައްޑެ މިފަދައިން ވިދާޅުވީ އިދިކޮޅު އެމްޑީޕީ އާ ގުޅިގެން މިދިޔަ އާދީއްތަ ދުވަހު ގެންނަން މަސައްކަތް ކުރި ކަމަށް ސަރުކާރުން ބުނާ “ބަގާވާތާ” ގުޅިގެން އެއްވެސް މީހަކަށް ޝައްކު ކުރެވޭ ކަމަށް އަދި ފުލުހުން ނުނިންމާ ކަމަށް ހޯމް މިނިސްޓަރު އަލީ އިހުސާން ވިދާޅުވުމާއި ގުޅިގެންނެވެ.
މިކަމާއި ގުޅިގެން އެކްސްގައި ކުރެއްވި ޕޯސްޓެއްގައި ވައްޑެ ވިދާޅުވީ ބަގާވާތަކީ ވަރަށް ބޮޑު ކަމެއް ކަމަށާއި އެއީ ކުޅޭ ކުޅިވަރަކަށް ބޭނުންކުރާ ލަފްޒަކަށް ހަދައިގެން ނުވާނެ ކަމަށެވެ.
“ބަގާވާތް, މި ލަފްޒަކީ ކުޅޭ ކުޅިވަރަކަށް ބޭނުންކުރާ ލަފްޒަކަށް ހަދާކަށް ނުވާނެއެވެ. ބަގާވާތަކީ ނިކަން ބޮޑު ކަމެކެވެ. އަހަރެމެން ބަގާވާތެކޭ ކިއީ ސިފައިންނާ ފުލުހުން ތަޅައި ރޯމާދުވާލު ވެރިކަމެއް ބަދަލުކުރި ދުވަހަކަށެވެ” ވައްޑެ ވިދާޅުވިއެވެ.
“ބަގާވާތް” މި ލަފްޒަކީ ކުޅޭ ކުޅިވަރަކަށް ބޭނުންކުރާ ލަފްޒަކަށް ހަދާކަށް ނުވާނެއެވެ. ބަގާވާތަކީ ނިކަން ބޮޑު ކަމެކެވެ. އަހަރެމެން ބަގާވާތެކޭ ކިއީ ސިފައިންނާ ފުލުހުން ތަޅައި ރޯމާދުވާލު ވެރިކަމެއް ބަދަލުކުރި ދުވަހަކަށެވެ. https://t.co/oZ1EL0cygw pic.twitter.com/M4OogFl0AZ
— Waddey (@waddey_) August 30, 2024
އިއްޔެ ބޭއްވި ނޫސްވެރިންގެ ބައްދަލުވުމެއްގައި މިނިސްޓަރު އިހުސާން ވިދާޅުވީ އެކި މީސްމީހުން ކުރާ ތުހުމަތާ ފުލުހުންގެ ތަހުގީގާ އެއްވެސް ގުޅުމެއް ނެތް ކަމަށެވެ. އަދި، ފުލުހުން ތަހުގީގު ކުރަމުން ދަނީ ބަގާވާތެއް ގެންނަން ބަޔަކު މަސައްކަތް ކުރިތޯ ނުވަތަ ނޫންތޯ ކަމަށެވެ.
ބަގާވާތް ކުރުމުގެ ރަން މެޑެލް އޮތީ އެމްޑީޕީގައި ތިބި ބައެއްގެ ކަރުގައިކަމަށް މީހުން ގޮވަނީ އޭގެ ހަގީގަތް ލޮލުން ފެނިފައި ތަޖުރިބާ ކޮށްފައިވާ ބައެއް މީހުންނޯ.