އަންނަ އަހަރުގެ ފެބްރުއަރީ މަހުގެ ތެރޭގައި ލޭނުގެ މަސްވެރިކަމަށް ހުޅުވައިލެވޭނެ ކަމަށް ފިޝަރީޒް މިނިސްޓަރު އަހުމަދު ޝިޔާމު ވިދާޅުވެއްޖެއެވެ.
Ads by MN Maldives
ޕީއެންސީން މިއަދު ބޭއްވި ނޫސްވެރިންގެ ބައްދަލުވުމުގައި ޝިޔާމް ވިދާޅުވީ ފެބްރުއަރީގައި ލޯންގް ލައިން ފިޝަރީޒްއަށް ހުޅުވުމަށް ކުރަން ޖެހޭ މަސައްކަތްތައް މިހާރު ކުރަމުންދާ ކަމަށެވެ.
އޭނަ ވިދާޅުވީ ލޭނު މަސްވެރިކަމަށް ހުޅުވާލާ އިރު އެކަމަށް އެކުލަވާލި ގަވާއިދު އާންމުންގެ ހިޔާލާއެކު ވީހާ ވެސް ރައްކާތެރިކޮށް، ގިނަ ދިވެހިންނަށް އެކަމުގައި ހަރަކާތްތެރިވެވޭނެ ގޮތަށް ބައްޓަން ކުރާނެ ކަމަށެވެ.
އަދި ލޭނުގެ މަސްވެރިކަން ކުރަން ހުއްދަ ދިނުމުން މަސްވެރިކަމުގެ ސިނާއަތުން ބޮޑު އާމްދަނީއެއް ލިބޭނެކަމަށާއި އެ މަސްވެރިކަމުގެ ސަބަބުން ރާއްޖެ އަށް އެއްވެސް ގެއްލުމެއް ނުލިބޭނެކަމަށްވެސް ޝިޔާމް ވިދާޅުވިއެވެ.
