ބަންގްލަދޭޝްގައި މިހާރު ހިނގަމުންދާ ސިޔާސީ ހަމަނުޖެހުންތަކާއި ގުޅިގެން، ގައުމީ އެއަރލައިން މޯލްޑިވިއަނުން ޑާކާއަށް ކުރަމުން އައި ދަތުރުތައް ވަގުތީގޮތުން މެދުކަނޑާލައިފިއެވެ.
ޤައުމީ އެއަރލައިންގެ ފަރާތުން އެކްސްގައި ހިއްސާކުރި މަޢުލޫމާތުގައިވާ ގޮތުން، އެ ޤައުމުގެ ހާލަތު ގާތުން ބަލަމުންދާ ކަމަށާއި، ދަތުރުވެރިންނާއި މުވައްޒަފުންގެ ރައްކާތެރިކަމަށް އެންމެ އިސްކަމެއް ދޭ ކަމަށް ބަޔާންކޮށްފައިވެއެވެ.
Due to the emerging situation in Bangladesh, we are not able to operate and have cancelled our flights to and from Dhaka on 6th August 2024. We are closely monitoring the situation and are committed to providing support to our passengers during this time.
— MaldivianAero (@MaldivianAero) August 6, 2024
ބަންގްލަދޭޝްގެ ސިޔާސީ ހަމަނުޖެހުންތަކުގެ ސަބަބުން އެ ޤައުމުގެ އެއަރޕޯޓު ވަނީ 6 ގަޑިއިރަށް ބަންދުކޮށްފައެވެ. މި ހަމަނުޖެހުންތައް ފެށުނީ ސަރުކާރުގެ ވަޒީފާތަކަށް މުވައްޒަފުން ހޯދުމުގައި ގެންގުޅޭ އުސޫލުތަކާމެދު ޔުނިވަރސިޓީ ދަރިވަރުން ހިތްހަމަނުޖެހިގެން ފާއިތުވި މަހު ފެށި މުޒާހަރާތަކާ ގުޅިގެންނެވެ.
އިއްޔެ މި ހަމަނުޖެހުންތައް އިތުރަށް ގޯސްވެ، ބޮޑުވަޒީރު ޝެއިޚް ހަސީނާއަށް ޤައުމު ދޫކޮށް ދިއުމަށް މަޖުބޫރުވި ހިސާބަށް ކަންތައްތައް ގޮސްފައިވެއެވެ. މި ހާދިސާތަކާ ގުޅިގެން ހަސީނާ ވަނީ މަޤާމުން އިސްތިއުފާ ދެއްވާފައެވެ. އަދި އަސްކަރިއްޔާއިން ވަނީ ވަގުތީ ސަރުކާރެއް އުފެއްދުމަށް ނިންމާފައެވެ.
މަ ނުދެނަ ހުރިން ތިވަރުކަމެއް ހިނގާ ނިމިގެން ދިޔައިރު