ޒުވާނުންގެ ނަފްސާނީ ދުޅަހެޔޮކަމަށް ޚާއްޞަކޮށްގެން ބާއްވާ ”ނޭޝަނަލް ޔޫތު މެންޓަލް ހެލްތު ކޮންފަރެންސް 2026“ މިއަދު ޔޫތު ހަބްގައި ފަށައިފިއެވެ.
މި ކޮންފަރެންސް ހުޅުވުމުގެ ރަސްމިއްޔާތު ޝަރަފުވެރިކޮށްދެއްވީ މިނިސްޓަރ އޮފް ހެލްތު، ފެމިލީ އެންޑް ވެލްފެއަރ ގީލާ ޢަލީއެވެ.
”ލިވްޑް އެކްސްޕީރިއަންސަސް ހާޑް: ރިއަލް ވޮއިސަސް، ރިއަލް ޗޭންޖް“ މި ޝިޢާރުގެ ދަށުން ކުރިއަށްގެންދާ ތިން ދުވަހުގެ މި ކޮންފަރެންސްގެ މައިގަނޑު މަޤްޞަދަކީ، ޤައުމީ ފެންވަރުގައި ނަފްސާނީ ދުޅަހެޔޮކަމާ ގުޅޭ ސިޔާސަތުތައް އެކުލަވާލުމުގައި ޒުވާނުންނަށް އެންމެ އިސް ދައުރެއް ދިނުމެވެ.
The National Youth Mental Health Conference 2026 commenced today at Youth Hub, with the opening ceremony graced by Chief Guest Minister of Health, Family and Welfare, Geela Ali.
Held under the theme “Lived Experiences Heard: Real Voices, Real Change,” the three-day conference… pic.twitter.com/lVWGoTpWSy
— Ministry of Youth Empowerment, Sports and Fitness (@MoYSF_mv) November 22, 2026
މީގެ އިތުރުން، މަޝްވަރާތަކާއި، ތަޖުރިބާ ހިއްސާކުރުމާއި، ގުޅިގެން މަސައްކަތްކުރުމުގެ ތެރެއިން މުޖުތަމަޢު ބަލައިގަންނަ ފަދަ ޙައްލުތައް ކުރިއެރުވުމަކީވެސް މި ކޮންފަރެންސްގެ އަމާޒެކެވެ.
މިނިސްޓްރީ އޮފް ޔޫތު އެމްޕަވަރމަންޓް، ސްޕޯޓްސް އެންޑް ފިޓްނަސްއިން އިންތިޒާމުކުރާ މި ކޮންފަރެންސްގެ އޮފިޝަލް ޑިޖިޓަލް ޕާޓްނަރަކީ އުރީދޫއެވެ.
މި ކޮންފަރެންސް ކުރިއަށްގެންދިއުމުގައި މިނިސްޓްރީ އޮފް އިސްލާމިކް އެފެއާޒް އެންޑް އެންޑޯމަންޓްސް، ދިވެހި ފުލުހުންގެ ޚިދުމަތް، ނޭޝަނަލް މެންޓަލް ހެލްތު ޑިޕާޓްމަންޓް، އައި.ޖީ.އެމް.އެޗްގެ ސެންޓަރ ފޮރ މެންޓަލް ހެލްތު، ހުޅުމާލެ ހޮސްޕިޓަލް، މައިންޑްކޯ (MINDCO) އަދި ޔުނިސެފްގެ އެހީތެރިކަން ލިބިފައިވެއެވެ.











