Saturday, 21 November 2026
Ads by

ބޭހަށް ނުގުޑާ ޖަރާސީމުން ރައްކާތެރިވެފައިވާ ވިލުންތެރި މުޖުތަމައެއް ބިނާކުރަންޖެހޭ: މެޑަމް ސާޖިދާ

ބޭހަށް ނުގުޑާ ޖަރާސީމުން ރައްކާތެރިވެފައިވާ ވިލުންތެރި މުޖުތަމައެއް ބިނާކުރަންޖެހޭ: މެޑަމް ސާޖިދާ

ބޭހަށް ނުގުޑާ ޖަރާސީމުގެ އެކި ބާވަތްތަކުން ރައްކާތެރިވެފައިވާ، ވިލުންތެރި މުޖުތަމައެއް ބިނާކުރުމަށް އެންމެން އެކުގައި މަސައްކަތްކުރަންޖެހޭ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އަނބިކަނބަލުން، މެޑަމް ސާޖިދާ މުޙައްމަދު ވިދާޅުވެއްޖެއެވެ.

Ad Image
Ads by

ދުނިޔޭގެ އެންޓިމައިކްރޯބިއަލް އެވެއާނަސް ހަފުތާއާ ގުޅިގެން ސޯޝަލް މީޑިއާގައި ކުރެއްވި ޕޯސްޓެއްގައި މެޑަމް ސާޖިދާ ވިދާޅުވީ، ބޭހަށް ނުގުޑާ ޖަރާސީމުތައް އިތުރުވުމަކީ މުޅި ދުނިޔެއަށްވެސް ކުރިމަތިވަމުން އަންނަ ބޮޑު ނުރައްކަލެއް ކަމަށެވެ. އަދި މީގެ ސަބަބުން އިންސާނުންނާއި ޖަނަވާރުންގެ އިތުރުން ގަސްގަހާގެއްސާއި މުޅި ތިމާވެށީގެ ދުޅަހެޔޮކަން ނުރައްކަލުގެ ތެރެއަށް ވެއްޓެމުންދާ ކަމަށް އެކަމަނާ ފާހަގަކުރެއްވިއެވެ.

އެކަމަނާ ވިދާޅުވި ގޮތުގައި އެންޓިމައިކްރޯބިއަލް ބޭސްތަކުގެ އަސަރު ކެނޑި، ބޭހަށް ނުގުޑާ ގޮތް ވުމުން އިންފެކްޝަންތައް އިތުރުވެ، ބަލިތަކަށް ފަރުވާ ދިނުމަށް ދަތިވެގެންދެއެވެ. މީގެ ސަބަބުން ދުވަހީ ދިރިއުޅުމަށް ބޮޑެތި ގޮންޖެހުންތަކާ ކުރިމަތިލާންޖެހޭ ކަމަށްވެސް ވިދާޅުވިއެވެ. އެހެންކަމުން، އަންނަން އޮތް ޖީލުތަކަށް ވިލުންތެރި އަދި ދުޅަހެޔޮ މުސްތަޤުބަލެއް ހޯދައިދެވޭނީ ޒިންމާދާރުކަމާއެކު އެންޓިބައޮޓިކްސް ބޭނުންކޮށްގެންނާއި، ދެމެހެއްޓެނިވި ދަނޑުވެރިކަމުގެ އުސޫލުތައް ކުރިއަރުވައިގެން އަދި ތިމާވެށި ރައްކާތެރިކޮށްގެން ކަމަށް ވިދާޅުވެ، ”ވަން ހެލްތު“ އުސޫލު އިޚުތިޔާރުކޮށް އެންމެން އެކުގައި ފިޔަވަޅު އެޅުމަށް އެކަމަނާ ގޮވާލެއްވިއެވެ.

ކޮންމެ އަހަރެއްގެވެސް ނޮވެމްބަރު 18 އިން 24 އަށް ފާހަގަކުރާ ދުނިޔޭގެ އެންޓިމައިކްރޯބިއަލް އެވެއާނަސް ހަފުތާގެ މިއަހަރުގެ ޝިޢާރަކީ ”ވަން ހެލްތު، ވަން އެކްޝަން: ޕްރިވެންޓް އޭއެމްއާރް ނައު“ އެވެ. މިއީ ދުނިޔޭގެ ޞިއްޙަތު ޖަމްޢިއްޔާ (ޑަބްލިއުއެޗްއޯ) އާއި، އެފްއޭއޯ، ޔޫއެންއީޕީ އަދި ޑަބްލިއުއޯއޭއެޗް ފަދަ ބައިނަލްއަޤްވާމީ އިދާރާތައް ގުޅިގެން ކުރިއަށްގެންދާ ކެމްޕޭނެކެވެ. މި ކެމްޕޭނުގެ މައިގަނޑު މަޤްޞަދަކީ ބެކްޓީރިއާ، ވައިރަސް އަދި ފަންގަސް ފަދަ ޖަރާސީމުތައް ބޭހަށް ނުގުޑާ މައްސަލައަށް ހޭލުންތެރިކަން އިތުރުކޮށް، ސަރުކާރުތަކާއި، ޞިއްޙީ ޚިދުމަތްތެރިންނާއި، ދަނޑުވެރިން އަދި މުޅި މުޖުތަމަޢު ގުޅިގެން މިކަމަށް އަވަސް ޙައްލެއް ހޯދުމަށް ބާރުއެޅުމެވެ.

ބޭހަށް ނުގުޑާ ޖަރާސީމުގެ ސަބަބުން އަހަރުން އަހަރަށް މަރުވާ މީހުންގެ ޢަދަދު އިތުރުވަމުންދާތީ، އޭގެ ސަބަބުން އިޖުތިމާޢީ އަދި އިޤްތިޞާދީ ގޮތުން ބޮޑެތި ގޮންޖެހުންތަކެއް މުޅި ދުނިޔެއަށްވެސް ދަނީ ކުރިމަތިވަމުންނެވެ.

މި ނުރައްކާތަކުން ރައްކާތެރިވެ، މައްސަލައިން އަރައިގަތުމަށްޓަކައި ދިވެހިރާއްޖެއިންވެސް ވަނީ މުހިންމު ފިޔަވަޅުތަކެއް އަޅަން ފަށާފައެވެ. އެގޮތުން ”ނޭޝަނަލް އެކްޝަން ޕްލޭން އޮން އެންޓިމައިކްރޯބިއަލް ރެސިސްޓެންސް“ ގެ ނަމުގައި 2024 އިން 2029 ގެ ނިޔަލަށް ޚާއްޞަ ޤައުމީ އެކްޝަން ޕްލޭނެއް މިހާރު ވަނީ އެކުލަވާލާފައެވެ. ކުރިއަށް އޮތް ފަސް އަހަރަށް އަމާޒުކޮށްގެން އެކުލަވާލި މި ޕްލޭންގެ ދަށުން، ރާއްޖޭގެ ހުރިހާ ސަރަޙައްދެއްގައި މިކަމާ ގުޅޭގޮތުން ހޭލުންތެރިކަން އިތުރުކުރުމުގެ ޕްރޮގްރާމްތައް ކުރިއަށްގެންދިއުމަށް ވަނީ ހަމަޖެހިފައެވެ. މީގެއިތުރުން، މިހާރު ހުރި އުސޫލުތަކަށް ގެންނަންޖެހޭ ބަދަލުތައް ދެނެގަނެ، ދައުލަތުގެ ކަމާގުޅޭ އެންމެހައި އިދާރާތައް ގުޅިގެން މި ނުރައްކަލުން ރައްކާތެރިވުމަށް ހަރުދަނާ ފިޔަވަޅުތަކެއް އެޅުމަށް މި ޕްލޭންގައި ވަނީ ކަނޑައަޅާފައެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
large_thumb_1795178805320
ކަރާޗީ-މާލެ ސީދާ ކަނޑުދަތުރު ފަށައި، ވިޔަފާރި 200 މިލިއަން އިތުރުކުރަނީ
Kandhufathi 1421
މި ސަރުކާރުގެ 3 އަހަރު ތެރޭގައި ޖުމްލަ 111 ކަނދުފަތި ޤާއިމްކޮށްފި
Thimarafushi5556
ތ. އަދި ލ. އަތޮޅުގައި ޓޫރިސްޓް ހޮޓާ އަޅަން ހަތަރު ބިމެއް ބިޑަށް ލައިފި
madaaam
ބޭހަށް ނުގުޑާ ޖަރާސީމުން ރައްކާތެރިވެފައިވާ ވިލުންތެރި މުޖުތަމައެއް ބިނާކުރަންޖެހޭ: މެޑަމް ސާޖިދާ
Ads by
މަގުބޫލު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި