Saturday, 21 November 2026
Ads by

އިމްރާންގެ ދައުރުގައި ޕާޓީ ދޫކުރެއްވި އިލްމުވެރިންގެ ލިސްޓު އާންމުކޮށް، ޒިނާހު ފާޑުކިޔާ ފަރާތްތަކަށް ރައްދު ދެއްވައިފި

އިމްރާންގެ ދައުރުގައި ޕާޓީ ދޫކުރެއްވި އިލްމުވެރިންގެ ލިސްޓު އާންމުކޮށް، ޒިނާހު ފާޑުކިޔާ ފަރާތްތަކަށް ރައްދު ދެއްވައިފި

އަދާލަތުގެ ލީޑާޝިޕްގެ ބޭފުޅުން --

އަދާލަތު ޕާޓީގެ މިހާރުގެ ލީޑާޝިޕްގެ ނިންމުންތަކާ މެދު ހިތްހަމަނުޖެހި ފާޑުކިޔަމުންދާ ފަރާތްތަކަށް، ކުރީގެ ރައީސް ޝައިޚް އިމްރާން އަބްދުﷲ ގެ ރިޔާސަތުގައި އެ ޕާޓީއާ ފެއަށް ޖެހިވަޑައިގެންނެވި އިލްމުވެރިންގެ ލިސްޓު ހަނދާންކޮށްދެއްވައި އެ ޕާޓީގެ ސެކްރެޓަރީ ޖެނެރަލް ހުސައިން ޒިނާހު ވަރުގަދަ ރައްދެއް ދެއްވައިފިއެވެ.

Ad Image
Ads by

ސޯޝަލް މީޑިއާގައި ކުރެއްވި ޕޯސްޓެއްގައި ޒިނާހު ވިދާޅުވީ، ޝައިޚް އިމްރާން ޕާޓީގެ ރިޔާސަތާ ހަވާލުވެވަޑައިގެންނެވިތާ މާ ގިނަ ދުވަހެއް ނުވަނީސް އަދާލަތު ޕާޓީގެ މުއައްސިސް އަދި އިލްމުވެރިންގެ މަޖިލީހުގެ ރައީސް ޑރ. އަބްދުލްމަޖީދު އަބްދުލްބާރީ ޕާޓީއާ ދުރަށް ވަޑައިގެންނެވި ކަމަށެވެ.

އޭރުގެ ލީޑާޝިޕުން ނިންމި ނިންމުންތަކާ ގުޅިގެން ޕާޓީ ދޫކުރެއްވި އިތުރު އިލްމުވެރިންގެ ނަންތައް ވެސް ޒިނާހު ވަނީ ފާހަގަކުރައްވާފައެވެ. އެގޮތުން ޑރ. މުޙައްމަދު ޝަހީމް އަލީ ސައީދާއި، ޝައިޚް މުޙައްމަދު ދީދީއާއި، ޝައިޚް މުޙައްމަދު ލަޠީފްގެ އިތުރުން ޝައިޚް އިއްޒުއްދީނާއި ޝައިޚް އަލީ ރިޟާ ވެސް ޕާޓީއާ ދުރަށް ވަޑައިގެންނެވިކަން އޭނާ ހަނދާންކޮށްދެއްވިއެވެ.

މީގެ އިތުރުން ޝައިޚް ރުޝްދީއާއި، ޝައިޚް ހުސައިން ފަހުމީއާއި، ޝައިޚް ރަޒީން އަދި ޝައިޚް ނަސީމް ފަތުހީ ފަދަ ބޭފުޅުން ޕާޓީއާ ފެއަށް ޖެހިވަޑައިގެންނެވީ ވެސް އޭރުގެ ލީޑާޝިޕްގެ އަމަލުތައް ހުރި ގޮތުން ކަމަށް ޒިނާހު ވިދާޅުވިއެވެ.

ހަމައެއާއެކު، ކުރިން އަދާލަތު ޕާޓީއާ ނުހަނު ގާތުން މަސައްކަތް ކުރެއްވި ޖަމްއިއްޔަތުއް ސަލަފްގެ އިލްމުވެރިން އެ ޕާޓީއާ ދުރަށް ވަޑައިގެންނެވީ ވެސް އޭރުގެ ލީޑާޝިޕުން ކަންކަން ކުރަމުން ގެންދިޔަ ގޮތާ މެދު ހިތްހަމަޖެހިވަޑައިނުގެން ކަމަށް އޭނާ ވިދާޅުވިއެވެ.

މާޒީގެ މި ކަންކަމަށް އަލިއަޅުއްވާލައްވަމުން ޒިނާހު ވިދާޅުވީ، މިއަދު އަދާލަތު ޕާޓީގެ އާ ލީޑާޝިޕަށް ރާއްޖޭގެ ދީނީ އިލްމުވެރިންގެ އިތުބާރު އޮތްކަމީ ފެންނަން އޮތް ހަގީގަތެއް ކަމަށެވެ.

އަދާލަތު ޕާޓީގެ މިހާރުގެ ލީޑާޝިޕަށް ޝައިޚް އިމްރާނަށް ތާއީދުކުރައްވާ ބައެއް ބޭފުޅުންގެ ފާޑުކިޔުން އަމާޒުވެފައި މިވަނީ، ޕާޓީން މި ސަރުކާރާ ގުޅި، 2028 ވަނަ އަހަރުގެ ރިޔާސީ އިންތިޚާބުގައި ރައީސް ޑރ. މުޙައްމަދު މުޢިއްޒަށް ތާއީދު ކުރުމަށް ނިންމުމާ ގުޅިގެންނެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
large_thumb_1795178805320
ކަރާޗީ-މާލެ ސީދާ ކަނޑުދަތުރު ފަށައި، ވިޔަފާރި 200 މިލިއަން އިތުރުކުރަނީ
Kandhufathi 1421
މި ސަރުކާރުގެ 3 އަހަރު ތެރޭގައި ޖުމްލަ 111 ކަނދުފަތި ޤާއިމްކޮށްފި
Thimarafushi5556
ތ. އަދި ލ. އަތޮޅުގައި ޓޫރިސްޓް ހޮޓާ އަޅަން ހަތަރު ބިމެއް ބިޑަށް ލައިފި
madaaam
ބޭހަށް ނުގުޑާ ޖަރާސީމުން ރައްކާތެރިވެފައިވާ ވިލުންތެރި މުޖުތަމައެއް ބިނާކުރަންޖެހޭ: މެޑަމް ސާޖިދާ
Ads by
މަގުބޫލު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި