Saturday, 21 November 2026
Ads by

މާލޭގެ 14 ބިމެއް ނެގުން ހުއްޓުވަން އެދުނު ވަގުތީ އަމުރު ކޯޓުން ނުދިން

މާލޭގެ 14 ބިމެއް ނެގުން ހުއްޓުވަން އެދުނު ވަގުތީ އަމުރު ކޯޓުން ނުދިން

މާލެ ސިޓީ ކައުންސިލުން މީގެ ކުރިން ބޭއްވި ބައްދަލުވުމެއްގައި މެމްބަރުންތަކެއް ބައިވެރިވަނީ - ފޮޓޯ؛ މާލެ ސިޓީ ކައުންސިލް

މާލެ ސިޓީ ކައުންސިލުގެ ބެލުމުގެ ދަށުގައި ހުރި 14 ބިމެއް ދައުލަތަށް ނެގުމަށް ސަރުކާރުން ނިންމި ނިންމުމަށް އަމަލުކުރުން ހުއްޓުވުމުގެ ވަގުތީ އަމުރަކަށް އެ ކައުންސިލުން އެދުނު ނަމަވެސް، އެފަދަ އަމުރެއް ނެރެދެވެން ނެތް ކަމަށް ސިވިލް ކޯޓުން ކަނޑައަޅައިފިއެވެ.

Ad Image
Ads by

ސިވިލް ކޯޓުގެ ފަނޑިޔާރު ހާފިޒާ އަބްދުއްސައްތާރު ނިންމެވި މި ނިންމުމުގައި ބަޔާންކޮށްފައިވަނީ، ވަގުތީ އަމުރެއް ނެރެދިނުމަށްޓަކައި މަދަނީ އިޖުރާއަތުގެ ގާނޫނުގައި ކަނޑައަޅާފައިވާ ޝަރުތުތައް މި މައްސަލައިގައި ފުރިހަމަވެފައި ނުވާ ކަމަށެވެ.

ދައުލަތުގެ ތަރައްގީގެ މަޝްރޫއުތައް ހިންގުމަށްޓަކައި މި ބިންތައް ސަރުކާރަށް ނެގުމަށް ހައުސިން މިނިސްޓްރީން ކައުންސިލަށް އެންގީ މިދިޔަ އޮކްޓޯބަރު މަހުގެ ތެރޭގައެވެ.

އެ އެންގުމާ ގުޅިގެން ސިޓީ ކައުންސިލުން ކޯޓަށް ހުށަހެޅީ، ބިންތައް ނެގުމުގެ މައި މައްސަލައިގައި ޝަރީއަތުން ވަކި ގޮތެއް ނިންމަންދެން ސަރުކާރުގެ ނިންމުން ތަންފީޒުކުރުން ހުއްޓުވައިދިނުމުގެ އަމުރަކަށެވެ.

ކޯޓުގެ ނިންމުމުގައި ފާހަގަކޮށްފައިވާ ގޮތުން، ލާމަރުކަޒީ ގާނޫނުގެ ދަށުން ވަޒީރުންގެ މަޖިލީހުގެ ނިންމުމަކާ އެކު ކައުންސިލްތަކުގެ ބާރުގެ ދަށުން ބިން ވަކިކުރުމުގެ އިހުތިޔާރު ސަރުކާރަށް ލިބިގެންވާއިރު، މި ބިންތައް ނަގާފައިވަނީ ގަވާއިދާ އެއްގޮތަށްތޯ ކަނޑައެޅޭނީ މައި ދައުވާގެ ޝަރީއަތުގެ ތެރެއިންނެވެ.

މީގެ އިތުރުން، އެދިފައިވާ ވަގުތީ އަމުރު ނެރެނުދީފިނަމަ އަނބުރާ އިއާދަނުކުރެވޭ ފަދަ ބޮޑު ގެއްލުމެއް ކައުންސިލަށް ކުރިމަތިވެދާނެކަން ސާބިތުކޮށްދެވިފައި ނުވާ ކަމަށާއި، މި ހާލަތުގައި ބުރަވެވެނީ އާންމު މަސްލަހަތު އިސްކުރުމަށް ކަމަށް ވެސް ކޯޓުން ވަނީ ބުނެފައެވެ.

ވަގުތީ އަމުރު ނެރެނުދިނުމަށް ކޯޓުން ނިންމި ނަމަވެސް، މި ބިންތަކާ ގުޅޭގޮތުން ސިޓީ ކައުންސިލުން ހުށަހަޅާފައިވާ މައި މައްސަލައިގެ ޝަރީއަތް ސިވިލް ކޯޓުގައި ކުރިއަށްދާނެއެވެ.

ސަރުކާރަށް ނެގުމަށް ނިންމާފައިވާ ބިންތަކުގެ ތެރޭގައި މާލޭގެ އާންމުން ގިނައިން ބޭނުންކުރާ ސަލްޓަން ޕާކާއި، އާޓިފިޝަލް ބީޗާއި، ރަސްފަންނުގެ އިތުރުން މާރުކޭޓު ސަރަހައްދުތަކާއި ކާނިވާ ސަރަހައްދު ހިމެނެއެވެ.

މި މައްސަލައިގައި ސިޓީ ކައުންސިލުން މީގެ ކުރިން ބުނެފައިވަނީ ކައުންސިލުގެ ބެލުމުގެ ދަށުގައި ހުރި މި ބިންތައް ސަރުކާރަށް އަތުލުމަކީ ލާމަރުކަޒީ ނިޒާމުގެ އުސޫލުތަކާ ހިލާފަށް ކުރާ ކަމެއް ކަމަށެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
large_thumb_1795178805320
ކަރާޗީ-މާލެ ސީދާ ކަނޑުދަތުރު ފަށައި، ވިޔަފާރި 200 މިލިއަން އިތުރުކުރަނީ
Kandhufathi 1421
މި ސަރުކާރުގެ 3 އަހަރު ތެރޭގައި ޖުމްލަ 111 ކަނދުފަތި ޤާއިމްކޮށްފި
Thimarafushi5556
ތ. އަދި ލ. އަތޮޅުގައި ޓޫރިސްޓް ހޮޓާ އަޅަން ހަތަރު ބިމެއް ބިޑަށް ލައިފި
madaaam
ބޭހަށް ނުގުޑާ ޖަރާސީމުން ރައްކާތެރިވެފައިވާ ވިލުންތެރި މުޖުތަމައެއް ބިނާކުރަންޖެހޭ: މެޑަމް ސާޖިދާ
Ads by
މަގުބޫލު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި