Thursday, 19 November 2026
Ads by

އެމްޑީޕީގެ ސިޔާސީ ފިކުރު އުފެދިގެން އައީ އިސްރާއީލުގެ މީހުންގެ އެހީތެރިކަމާއެކު: ޝުޖާއު

އެމްޑީޕީގެ ސިޔާސީ ފިކުރު އުފެދިގެން އައީ އިސްރާއީލުގެ މީހުންގެ އެހީތެރިކަމާއެކު: ޝުޖާއު

ރައްޔިތުންގެ މަޖިލީހުގެ ބާރަށު ދާއިރާގެ ޕީ.އެން.ސީ މެންބަރު އިބްރާހީމް ޝުޖާޢު --

އިދިކޮޅު މައި ޕާޓީ އެމްޑީޕީގެ ސިޔާސީ ފިކުރު އުފެދިގެން އައީ އިސްރާއީލުގެ މީހުންގެ އެހީތެރިކަމާއެކުގައި ކަމަށާއި، ދިވެހި ރައްޔިތުންގެ ލޮލަށް ފަރުވާދިނުމަށްޓަކައި އިސްރާއީލުގެ ޑޮކްޓަރުން މި ޤައުމަށް ގެންނަން މަޝްވަރާކުރި ބަޔަކަށް، އިސްރާއީލު ޕާސްޕޯޓު މަނާކުރުމުގެ މައްސަލައިގައި ވާހަކަ ދެއްކުމުގެ އެއްވެސް ޤާބިލުކަމެއް ނުހުންނާނެ ކަމަށް ރައްޔިތުންގެ މަޖިލީހުގެ ބާރަށު ދާއިރާގެ ޕީއެންސީ މެންބަރު އިބްރާހީމް ޝުޖާޢު ވިދާޅުވެއްޖެއެވެ.

Ad Image
Ads by

ރައްޔިތުންގެ މަޖިލީހުގެ ޖަލްސާގައި ވާހަކަފުޅު ދައްކަވަމުން ޝުޖާޢު މިފަދައިން ވިދާޅުވީ، އިސްރާއީލު ޕާސްޕޯޓު މަނާކުރުމުގެ ބިލާ ގުޅިގެން ގަލޮޅު ދެކުނު ދާއިރާގެ އެމްޑީޕީ މެންބަރު މީކާއީލް އަޙްމަދު ނަސީމް ދައްކަވާ ވާހަކަތަކަށް ރައްދު ދެއްވަމުންނެވެ.

ޝުޖާޢު ވިދާޅުވީ، އެމްޑީޕީގެ އޭރުގެ ޗެއަރޕާސަން އަދި ޕާޓީގެ ވެރިމީހާގެ ޒަޢާމަތުގައި އިސްރާއީލުގެ ޑޮކްޓަރުން ރާއްޖެ ގެންނަން މަސައްކަތްކުރިކަން ހަނދާންކޮށް، އެ ޕާޓީގެ މެންބަރުން ވާހަކަ ދައްކަވާއިރު ތިމާމެންގެ ފަސްބައިގައި ހޭކިފައި ހުރީ ކިހާ މިންވަރެއްގެ ވަސްދުވާ އެއްޗެއްތޯ ބަލާލަންޖެހޭނެ ކަމަށެވެ.

މީކާއީލް މިހާރަކަށް އައިސް މަޖިލީހުގައި ޢަމަލުކުރައްވާ ގޮތަކީ ވަކިން ޚާއްޞަކޮށް އެމްޑީޕީގެ އެތެރޭގެ އިންތިޚާބަށްފަހު އޭނާއަށް ޖެހިގެން އުޅޭ ބައްޔެއް ކަމަށާއި، އޭނާ މަޖިލީހަށް ވަޑައިގެން ހިތަށް އެރި ވާހަކައެއް ދައްކަވާފައި ވަޑައިގަންނަވަނީ ކަމަށް ޝުޖާޢު ތުހުމަތު ކުރެއްވިއެވެ.

އިސްރާއީލުގެ މީހުންނަށް ދިވެހިރާއްޖެ ނާދެވޭ ގޮތަށް މީކާއީލް ހުށަހެޅުއްވި ބިލުގައި ވަރަށް ޙީލަތްތެރި ކަންތައްތަކެއް ހުރި ކަމަށް ވިދާޅުވެ ޝުޖާޢު ވަނީ، އެ ބިލު ފާސްކުރިއިރު ޑުއަލް ޕާސްޕޯޓުންވެސް އިސްރާއީލު މީހުންނަށް ރާއްޖެ އެތެރެވެވޭނެ ގޮތް އޮތްކަން އޭރު ބެލިފައި ނެތްކަން ފާހަގަކުރައްވާފައެވެ.

އެހެންކަމުން، މީކާއީލްގެ ނިޔަތް އެދުވަހު ރަނގަޅު ނަމަ، އިއްޔެ މަޖިލީހުން ފާސްކުރި ޓެކްސްއާ ގުޅޭ ބިލުތަކަށް ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް (ކުޑޫ) ފުލުފުލުގައި އިޞްލާޙުތައް ހުށަހެޅުއްވި ފަދައިން، މިހާރުވެސް އިޞްލާޙެއް ލައިގެން ޑުއަލް ޕާސްޕޯޓުގައި އެތެރެނުވެވޭނެ ގޮތް ހަދަންވީ ނޫންތޯ ޝުޖާޢު ސުވާލު އުފެއްދެވިއެވެ.

ނަމަވެސް، މީކާއީލްގެ ކިބައިގައި އެފަދަ އިޚްލާޞްތެރި ނިޔަތެއް އަދި އިޚްލާޞްތެރިކަމެއްވެސް ނެތް ކަމަށް ވިދާޅުވެ، އެމްޑީޕީގެ ސިޔާސީ ފިކުރު އުފެދިގެން އައީ އިސްރާއީލުގެ މީހުންގެ އެހީތެރިކަމާއެކު ކަމަށް ޝުޖާޢު ތުހުމަތު ކުރެއްވިއެވެ. އަދި އެމްޑީޕީގެ މެންބަރުންގެ ކިބައިގައި ހުންނަނީ ޔަހޫދީންގެ ވިސްނުމާއި އަބަދުވެސް ޙީލަތްތެރި ނިޔަތް ކަމަށްވެސް އޭނާ ވިދާޅުވިއެވެ.

މީގެ އިތުރުން، އިސްރާއީލުގެ އެއްވެސް ރައްޔިތަކަށް ދިވެހިރާއްޖެއަށް އެތެރެނުވެވޭނެ ގޮތް ކަށަވަރުކުރުމަކީ ސަރުކާރުގެ މައިގަނޑު އަމާޒު ކަމަށާއި، އާ އިމިގްރޭޝަން ބިލުގައި އެކަން ވަރަށް ސާފުކޮށް ބަޔާންކޮށްފައި އޮންނާނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުވެސް ވަނީ ޔަޤީންކަން ދެއްވާފައެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
034410-baarah-mp-shujau
އެމްޑީޕީގެ ސިޔާސީ ފިކުރު އުފެދިގެން އައީ އިސްރާއީލުގެ މީހުންގެ އެހީތެރިކަމާއެކު: ޝުޖާއު
Screenshot_20261119_102939_Chrome
ކުޑަކުދިންނަށް ކުރާ އަނިޔާތައް ރިޕޯޓްކުރުމަކީ ގާނޫނީ ގޮތުން ލާޒިމު ކަމެއް: މިނިސްޓްރީ
fgd
ގުރައިދޫގައި ތޫނު އެއްޗަކުން ހަމަލާދީ ހިންގި މާރާމާރީއާ ގުޅިގެން 2 މީހަކު ހައްޔަރުކޮށްފި
693278370
ބަޣުދާދުގައި ޔަހޫދީންގެ ތަރިކަ ދާރުލްއާސާރެއް ހުޅުވުމާ ގުޅިގެން އީރާނަށް ތާއީދުކުރާ ޖަމާއަތަކުން އިންޒާރު ދީފި
Ads by
މަގުބޫލު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި