Thursday, 19 November 2026
Ads by

ބަޣުދާދުގައި ޔަހޫދީންގެ ތަރިކަ ދާރުލްއާސާރެއް ހުޅުވުމާ ގުޅިގެން އީރާނަށް ތާއީދުކުރާ ޖަމާއަތަކުން އިންޒާރު ދީފި

ބަޣުދާދުގައި ޔަހޫދީންގެ ތަރިކަ ދާރުލްއާސާރެއް ހުޅުވުމާ ގުޅިގެން އީރާނަށް ތާއީދުކުރާ ޖަމާއަތަކުން އިންޒާރު ދީފި

އިރާނަށް ތާއީދުކުރާ ޖަމާޢަތްތަކުން ބުނީ އިސްރާޢީލާ ގުޅުން ބަދަހިކުރާތަން ބަލަން ނުތިބޭނެކަމަށް ---

އިރާގުގެ ވެރިރަށް ބަޣުދާދުގައި އެ ގައުމުގެ ފުރަތަމަ ޔަހޫދީ ތަރިކަ ދާރުލްއާސާރު ހުޅުވުމާ ގުޅިގެން، އިސްރާއީލާއެކު ގުޅުން ބަދަހިކުރުމުގެ ނުވަތަ ”ނޯމަލައިޒޭޝަން“ ގެ މަސައްކަތްތަކަށް މަގުފަހިވާ ގޮތަށް އިރާގުގެ ސަގާފީ މުއައްސަސާތަކުގެ ބޭނުން ނަހަމަ ގޮތުގައި ނުހިފުމަށް އީރާނުގެ މަދަދު ލިބޭ ހަތިޔާރުއެޅި ޖަމާއަތެއް ކަމަށްވާ ހަރަކާތު އަލް-ނުޖަބާއިން އިރާގުގެ ކަމާބެހޭ ފަރާތްތަކަށް އިންޒާރު ދީފިއެވެ.

Ad Image
Ads by

ބަޣުދާދުގެ އަލް-ރަޝީދު މަގުގައި ހުންނަ ތާރީޚީ ޝަމާޝް ސްކޫލް އިމާރާތް ބަދަލުކޮށްގެން މިދިޔަ އޮކްޓޫބަރު މަހު ހުޅުވި މި ދާރުލްއާސާރުގައި، އިރާގުގައި ޔަހޫދީންގެ އެތައް ހާސް އަހަރެއްވީ ތާރީޚާއި ތަރިކަ ރައްކާތެރިކުރުމުގެ ގޮތުން ފޮޓޯތަކާއި، ލިޔެކިޔުންތަކާއި، ސަގާފީ ހެދުންތަކުގެ އިތުރުން ތާރީޚީ އެކި ތަކެތި ބަހައްޓާފައިވެއެވެ.

ހަރަކާތު އަލް-ނުޖަބާގެ އެގްޒެކެޓިވް ކައުންސިލުން ނެރުނު ބަޔާނެއްގައި ބުނެފައިވަނީ ”ތަރިކަ ދިރުވުން“ އަދި ”ތާރީޚީ ރެކޯޑުތައް ދިރާސާކުރުން“ ފަދަ ނަންނަމުގައި ބަޣުދާދުގެ އަލް-މުތަނައްބީ މަގާއި ކުރިން ޔަހޫދީން ބޭނުންކުރި ތާރީޚީ ބައެއް ސްކޫލްތަކުގައި ޝައްކުއުފެދޭ ފަދަ ހަރަކާތްތަކެއް މިހާރު އިތުރުވަމުންދާ ކަމަށެވެ.

އެ ޖަމާއަތުން ތުހުމަތުކުރާ ގޮތުގައި މި ދާރުލްއާސާރު ގާއިމުކުރުމަކީ އިރާގުގެ ޔަހޫދީންގެ ތަރިކަ ދިރުވުމަށް އިސްރާއީލުން ކުރަމުންދާ މަސައްކަތްތަކާ ގުޅިފައިވާ ކަމެއް ކަމަށާއި، މިކަމުގެ ފަހަތުގައި ތިބި ފޮރުވިފައިވާ ފަރާތްތަކުގެ ހަގީގަތް ދެފުށް ފެންނަ ގޮތަށް ހާމަކުރަންޖެހޭ ކަމަށް އެ ބަޔާނުގައިވެއެވެ.

އިރާގުގެ ގައުމީ ޒިންމާ އަދާކޮށް، ނޯމަލައިޒޭޝަންގެ އެޖެންޑާތައް ކުރިއެރުވުމަށް ގައުމުގެ ސަގާފީ މުއައްސަސާތައް ބޭނުންކުރުން ހުއްޓުވުމަށް ސަރުކާރާއި ސަލާމަތީ ބާރުތަކުގެ އިތުރުން ސަގާފީ އިދާރާތަކަށް އެ ޖަމާއަތުން ވަނީ ގޮވާލާފައެވެ.

ޔޫރަޕްގެ ބައެއް ގައުމުތަކުން ”ޒަޔަނިސްޓުންނަށް“ ޔޫރަޕްގެ ޕާސްޕޯޓް ދީގެން އެމީހުންގެ އަސްލު ފޮރުވައި، އިރާގަށް އެތެރެވުމަށް މަގުފަހިކޮށްދިނުމަށް ރޭވުންތެރި ފިޔަވަޅުތަކެއް އަޅަމުންދާ ކަމުގެ އިންޒާރުވެސް ހަރަކާތު އަލް-ނުޖަބާއިން ވަނީ ދީފައެވެ.

އިރާގު ސަރުކާރުން އިސްރާއީލަކީ ދައުލަތެއްގެ ގޮތުގައި ބަލައިނުގަންނަ އިރު، 2022 ވަނަ އަހަރު އިރާގުގައި ފާސްކުރި ގާނޫނެއްގެ ދަށުން އިސްރާއީލާއެކު އެއްވެސް ކަހަލަ ޑިޕްލޮމެޓިކް، އިގްތިސާދީ، ސިޔާސީ، އަސްކަރީ ނުވަތަ ސަގާފީ ގުޅުމެއް ގާއިމުކުރުމަކީ އުމުރަށް ޖަލަށްލުން ނުވަތަ މަރުގެ އަދަބު ލިބޭ ފަދަ ބޮޑު ކުށެކެވެ.

2020 ވަނަ އަހަރު އެމެރިކާ އިސްވެ އޮވެ އެކުލަވާލި އަބްރަހަމް އެކޯޑްސްގެ ދަށުން އެކުވެރި އަރަބި އިމާރާތާއި، ބަހްރޭން އަދި މޮރޮކޯއިން އިސްރާއީލާއެކު ގުޅުން ގާއިމުކޮށްފައިވީ ނަމަވެސް، އިރާގުން އަންނަނީ އެކަމާ ދެކޮޅަށް ހަރުކަށި ސިޔާސަތެއް ގެންގުޅެ، ފަލަސްތީނުގެ މިނިވަން ދައުލަތަކަށް ފުރިހަމައަށް ތާއީދުކުރަމުންނެވެ.

ދުނިޔޭގެ އެންމެ ގިނަދުވަސްވީ ޔަހޫދީ އާބާދީތަކުގެ ތެރޭގައި ހިމެނޭ އިރާގުގެ ޔަހޫދީންގެ ތާރީޚު 2,600 އަހަރަށްވުރެ ކުރިއަށް ދެމިގެންދާ އިރު، 20 ވަނަ ގަރުނުގެ މެދުތެރޭގައި އަރަބި ގައުމިއްޔަތުގެ ޝުއޫރުތައް އުފެދުމާއި، ދައުލަތުގެ ފިއްތުންތަކާއި ހަމަނުޖެހުންތަކާ ހެދި އެ ގައުމުގައި ތިބި އެތައް ލައްކަ ޔަހޫދީންގެ އާބާދީ ވަނީ މަދު ބަޔަކަށް ދަށްވެފައެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
Screenshot_20261119_102939_Chrome
ކުޑަކުދިންނަށް ކުރާ އަނިޔާތައް ރިޕޯޓްކުރުމަކީ ގާނޫނީ ގޮތުން ލާޒިމު ކަމެއް: މިނިސްޓްރީ
fgd
ގުރައިދޫގައި ތޫނު އެއްޗަކުން ހަމަލާދީ ހިންގި މާރާމާރީއާ ގުޅިގެން 2 މީހަކު ހައްޔަރުކޮށްފި
693278370
ބަޣުދާދުގައި ޔަހޫދީންގެ ތަރިކަ ދާރުލްއާސާރެއް ހުޅުވުމާ ގުޅިގެން އީރާނަށް ތާއީދުކުރާ ޖަމާއަތަކުން އިންޒާރު ދީފި
mauroofu
ރިއަލް އެސްޓޭޓް ބިލާމެދު ނުރުހުން ފާޅުކުރައްވައި، މެންބަރު މައުރޫފް މަޖިލީހުގައި އެ ބިލް ވީދާލައްވައިފި
Ads by
މަގުބޫލު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި