Thursday, 19 November 2026
Ads by

އެއްބަސްވުމާ ޚިލާފަށް ޔަހޫދީ ސިފައިންގެ ޓޭންކަރުތައް އަނެއްކާވެސް ޣައްޒާގެ ތެރެއަށް ވަދެގަނެފި

އެއްބަސްވުމާ ޚިލާފަށް ޔަހޫދީ ސިފައިންގެ ޓޭންކަރުތައް އަނެއްކާވެސް ޣައްޒާގެ ތެރެއަށް ވަދެގަނެފި

ހަމަލާތައް މެދުކަނޑައިލުމަށް ވެފައިވާ އެއްބަސްވުމާ ކަނޑައެޅިގެން ޚިލާފުވެ، ޔަހޫދީ ޓެރަރިސްޓް ސިފައިން ޓޭންކަރުތަކާއެކު އަނެއްކާވެސް ޣައްޒާގެ މެދުތެރޭގެ ސަރަހައްދުތަކަށް އަރައިގަނެ، ވަރުގަދަ ހަމަލާތަކެއް ދޭން ފަށައިފިއެވެ.

Ad Image
Ads by

ޣައްޒާގެ މަސްދަރުތަކާ ހަވާލާދީ ރިޕޯޓުކޮށްފައިވާ ގޮތުގައި، ޔަހޫދީންގެ އަސްކަރީ ޓޭންކަރުތައް ވަނީ ޣައްޒާގެ މައި އެއް މަގު ކަމަށްވާ ޞަލާޙުއްދީން މަގުން ދަތުރުކޮށްފައެވެ. މިއީ ޔަހޫދީންގެ ބާރުގެ ދަށުގައިވާ ސަރަހައްދު ވަކިކުރާ ރީނދޫ ރޮނގުގެ ހުޅަނގަށް ވާގޮތަށް އޮންނަ ސަރަހައްދެކެވެ. މިއީ ހަމަލާ ބަދަލުކުރުން ހުއްޓައިލުމުގެ އެއްބަސްވުމަށް އަމަލުކުރަން ފެށި ފަހުން، އެއްގަމު މަގުން މިފަދަ ބޮޑު އުދުވާނެއް ހިންގަން ޔަހޫދީ ސިފައިން ޣައްޒާގެ ތެރެއަށް ވަދެގަތް ފުރަތަމަ ފަހަރެވެ.

މި ހަރަކާތްތަކާ ގުޅިގެން ޔަހޫދީ ސިފައިން ވަނީ އެ ސަރަހައްދަށް ވަދެ ރޭޑުތައް ޖަހައި، އާންމުންނަށް އަމާޒުކޮށް ބަޑީގެ ހަމަލާތައް ދޭން ފަށައިފައެވެ. މި ނުރައްކާތެރި ހަމަލާތަކުގެ ސަބަބުން، އެ ސަރަހައްދުގައި ދިރިއުޅެމުންދިޔަ އެތައް އާއިލާއަކަށް ވަނީ ގެދޮރު ދޫކޮށް ރައްކާތެރި ހިސާބުތަކަށް ހިޖުރަކުރަން މަޖުބޫރުވެފައެވެ.

އެއްގަމު މަގުން ދެމުންދާ ހަމަލާތަކުގެ އިތުރުން، ވޭތުވެދިޔަ 24 ގަޑިއިރުގެ ތެރޭގައި ޔަހޫދީން ވަނީ ޣައްޒާއަށް ވައިގެ މަގުން ވެސް އަނިޔާވެރި ހަމަލާތަކެއް ދީފައެވެ. އެގޮތުން ޞަލާޙުއްދީން މަގު ހިމެނޭ ސަރަހައްދަށް ދިން ވައިގެ ހަމަލާއެއްގައި މީހަކު ޝަހީދުވެފައިވާއިރު، ދީރުލް ބަލާޙް އަދި ޣައްޒާ ސިޓީއަށް ދިން ވަކިވަކި ހަމަލާތަކުގައި އިތުރު ދެ މީހަކު ވަނީ ޝަހީދުކޮށްލައިފައެވެ.

2023ވަނަ އަހަރުގެ އޮކްޓޯބަރު 7ވަނަ ދުވަހުން ފެށިގެން ފަލަސްތީނުގެ ރައްޔިތުން ނަސްލުހޭދު ކުރުމަށް ޔަހޫދީން ފެށި ގަތުލުއާންމަށްފަހު، 2025ވަނަ އަހަރުގެ އޮކްޓޯބަރު މަހު ހަމަލާތައް މެދުކަނޑައިލުމުގެ އެއްބަސްވުމެއް އެކުލަވައިލެވުނު ނަމަވެސް، ޔަހޫދީން ދަނީ މެދުކެނޑުމެއްނެތި އެއްބަސްވުމާ ޚިލާފުވަމުންނެވެ. އެއްބަސްވުމުގެ ކުރިން 74،000އަށްވުރެ ގިނަ ފަލަސްތީނު ރައްޔިތުން ޝަހީދުކޮށްލާފައިވާއިރު، އެއްބަސްވުމަށްފަހު ވޭތުވެދިޔަ އަހަރެއްހާ ދުވަހުގެ ތެރޭގައިވެސް 1،600އަށްވުރެ ގިނަ މީހުން ވަނީ ޝަހީދުކޮށްލައިފައެވެ.

މިކަމާ ގުޅިގެން ޙަމާސް ޖަމާއަތުން ބުނެފައިވަނީ، ޔަހޫދީންގެ މި އަމަލުތަކަކީ ވެފައިވާ އެއްބަސްވުން އެއްކޮށް ރޫޅާލައި، މަސްރަހު އިތުރަށް ގޯސްކުރުމަށް ގަސްދުގައި ކުރަމުންދާ ނުރައްކާތެރި ކަންކަން ކަމަށެވެ. އަދި ބައިނަލްއަގުވާމީ މުޖުތަމައުން މި ޖަރީމާތައް ހުއްޓުވުމަށް ފިޔަވަޅު އެޅުމަށް އެ ޖަމާއަތުން ވަނީ ގޮވާލައިފައެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
hasdfg
އެއްބަސްވުމާ ޚިލާފަށް ޔަހޫދީ ސިފައިންގެ ޓޭންކަރުތައް އަނެއްކާވެސް ޣައްޒާގެ ތެރެއަށް ވަދެގަނެފި
IMG_3459
މަރުގެ އަދަބު ކަނޑައެޅުމާއި ތަންފީޒުކުރުމާބެހޭ ބިލު މަޖިލީހަށް ބަލައިގެންފި
902205083-1686381906617839-6959954579775541330-n-876x657
ހުޅުމާލެ ފޭސް އެކެއްގައި ބީއެމްއެލްއިން ތަރައްގީކުރާ އިތުރު 182 ފްލެޓުގެ ކޮންކްރީޓް މަސައްކަތް ފަށައިފި
Majilis 232
އަބުރާ ބެހުމުގެ ގެއްލުމުގެ ބަދަލަށް ބައި މިލިއަން ރުފިޔާ ނަގައިދެވޭ ބިލު މަޖިލީހަށް ބަލައިގެންފި
Ads by
މަގުބޫލު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި