Tuesday, 17 November 2026
Ads by

ސަރުކާރާއެކު މަސައްކަތްކޮށް، 2028 ގައި ރައީސް މުޢިއްޒަށް ދެވަނަ ދައުރެއް ހޯދައިދޭން އަދާލަތުން ސޮއިކޮށްފި

ސަރުކާރާއެކު މަސައްކަތްކޮށް، 2028 ގައި ރައީސް މުޢިއްޒަށް ދެވަނަ ދައުރެއް ހޯދައިދޭން އަދާލަތުން ސޮއިކޮށްފި

ރައީސް ޑރ. މުޙައްމަދު މުޢިއްޒުގެ ސަރުކާރުގެ ބައިވެރިއެއްގެ ގޮތުގައި ކުރިއަށްދިއުމަށާއި، 2028 ވަނަ އަހަރު ބާއްވާ ރިޔާސީ އިންތިޚާބުގައި އެމަނިކުފާނަށް އިތުރު ދައުރެއް ކާމިޔާބުކޮށްދިނުމަށް އެހީތެރިވުމަށް އަދާލަތު ޕާޓީން ޕީޕަލްސް ނޭޝަނަލް ކޮންގްރެސް (ޕީއެންސީ) އާއެކު ރަސްމީ އެއްބަސްވުމެއްގައި މިއަދު ސޮއިކޮށްފިއެވެ.

Ad Image
Ads by

ބާސެލޯ ނަސަންދުރާގައި މިއަދު ބޭއްވި ޚާއްޞަ ރަސްމިއްޔާތެއްގައި، ވެރިކަންކުރާ ޕީއެންސީގެ ފަރާތުން މި އެއްބަސްވުމުގައި ސޮއިކުރެއްވީ އެ ޕާޓީގެ ޗެއާޕާސަން ޢަބްދުއްރަޙީމް ޢަބްދުﷲ އެވެ. އަދާލަތު ޕާޓީގެ ފަރާތުން އެއްބަސްވުމުގައި ސޮއިކުރެއްވީ އެ ޕާޓީގެ ރައީސް އައްޝައިޚް މުޙައްމަދު ޝިފާނެވެ.

ރައީސުލްޖުމްހޫރިއްޔާ އަދި ޕީއެންސީގެ ރައީސް ޑރ. މުޙައްމަދު މުޢިއްޒުވެސް ބައިވެރިވެވަޑައިގެންނެވި މި ރަސްމިއްޔާތުގައި ސޮއިކުރެވުނު މި އެއްބަސްވުމަކީ، މިދިޔަ ހޮނިހިރު ދުވަހުގެ ރޭ އަދާލަތު ޕާޓީގެ މަޝްވަރާ މަޖިލީހުން ފާސްކުރި ޤަރާރަކަށް އަމަލީ ސިފަ ގެނައުމުގެ ގޮތުން އެކުލަވާލި އެއްބަސްވުމެކެވެ.

އަދާލަތު ޕާޓީގެ ދުސްތޫރުގެ 46.1 ވަނަ މާއްދާއިން މަޝްވަރާ މަޖިލީހަށް ލިބިދޭ އިޚްތިޔާރުގެ ދަށުން ފާސްކުރި އެ ޤަރާރުގައި ވަނީ، ރައީސް މުޢިއްޒުގެ ދަޢުވަތު ޤަބޫލުކޮށް، މި ރިޔާސީ ދައުރުގެ ބާކީ އޮތް މުއްދަތުގައި ސަރުކާރު ހިންގުމުގައި ބައިވެރިވުމަށް ނިންމާފައެވެ. ހަމައެއާއެކު، ކުރިއަށް އޮތް ރިޔާސީ އިންތިޚާބުގައި ޕީއެންސީއާއެކު ކޯލިޝަން ހަދައި، އެ ޕާޓީގެ ކެންޑިޑޭޓް ރައީސް މުޢިއްޒަށް ތާއީދު ހޯދުމަށް ކެމްޕޭން ކުރުމަށްވެސް އެ ޤަރާރުގައި ވަނީ ކަނޑައަޅާފައެވެ.

ސަރުކާރާއެކު ގުޅިގެން މަސައްކަތްކުރުމަށް ނިންމި ސަބަބު ހާމަކުރަމުން އަދާލަތު ޕާޓީން ނެރުނު ޤަރާރުގައި ބުނެފައިވަނީ، އެ ޕާޓީ އުފެއްދުމުގެ މައިގަނޑު މަޤްޞަދަކީ އިސްލާމްދީނާއި ދިވެހި ޤައުމިއްޔަތުގެ އިތުރުން ރާއްޖޭގެ މިނިވަންކަމާއި ސިޔާދަތު ރައްކާތެރިކޮށް، އިސްލާމީ އުސޫލުތަކުގެ މަތިން ޤައުމު ތަރައްޤީކުރުން ކަމަށެވެ. އެހެންކަމުން، ޤައުމީ އެއްބައިވަންތަކަން ވަރުގަދަކޮށް ސިޔާސީ ހަމަޖެހުން ދެމެހެއްޓުމަށްޓަކައި ސަރުކާރާއެކު މަސައްކަތްކުރުމަކީ ޤައުމަށް އެންމެ މަޞްލަޙަތު ހުރި ގޮތް ކަމަށް އެ ޕާޓީގެ މަޝްވަރާ މަޖިލީހުން ދެކެއެވެ.

ރާއްޖޭގައި ސިޔާސީ ޕާޓީތައް އުފެއްދުމުގެ ހުއްދަ 2005 ވަނަ އަހަރު ލިބުމާއެކު އެންމެ ފުރަތަމަ އުފެދުނު ޕާޓީތަކުގެ ތެރޭގައި ހިމެނޭ އަދާލަތު ޕާޓީއަކީ، ރާއްޖޭގެ ވެރިކަމަށް އަންނަ ކޯލިޝަން ސަރުކާރުތަކުގައި މުހިންމު ދައުރެއް އަދާކުރަމުން އަންނަ ޕާޓީއެކެވެ. އެގޮތުން 2008، 2013 އަދި 2018 ވަނަ އަހަރުގެ ރިޔާސީ އިންތިޚާބުތަކުގައިވެސް އެކި ޕާޓީތަކާއެކު ކޯލިޝަން ހަދައިގެން ސަރުކާރު އުފެއްދުމުގައި އެ ޕާޓީން ވަނީ މުހިންމު ބައިވެރިވުމެއް އަދާކޮށްފައެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި