Tuesday, 17 November 2026
Ads by

ބޭރުގެ އިންވެސްޓްމަންޓްތަކަށް މަރުހަބާ ކިޔުމަކީ އިގްތިސޯދީ ތަރައްގީއާއި މިނިވަންކަމުގެ އަސާސް: ނަޝީދު

ބޭރުގެ އިންވެސްޓްމަންޓްތަކަށް މަރުހަބާ ކިޔުމަކީ އިގްތިސޯދީ ތަރައްގީއާއި މިނިވަންކަމުގެ އަސާސް: ނަޝީދު

ބޭރުގެ އިންވެސްޓްމަންޓްތަކަށް މަރުހަބާ ކިޔުމަކީ އިގްތިސޯދީ ގޮތުން ކުރިއަރައި، ގައުމުގެ މިނިވަންކަމާއި އިސްތިގުލާލު ހިމާޔަތްކުރުމަށް އޮތް އެންމެ މުހިންމު އަސާސް ކަމަށް ކުރީގެ ރައީސް އަދި އެމްޑީޕީގެ ޗެއާޕާސަން މުހައްމަދު ނަޝީދު ވިދާޅުވެއްޖެއެވެ.

Ad Image
Ads by

ސޯޝަލް މީޑިއާ ޕްލެޓްފޯމް އެކްސްގައި ކުރެއްވި ޕޯސްޓެއްގައި ނަޝީދު ވިދާޅުވީ، އިސްތިއުމާރީ އަޅުވެތިކަން ތަހައްމަލުކުރި ގައުމުތަކުގެ ތެރެއިން ހަގީގީ ތަރައްގީ ހޯދިފައިވަނީ ފޮރިން ޑައިރެކްޓް އިންވެސްޓްމަންޓް (އެފްޑީއައި) އަށް ފުރުސަތު ދިން ގައުމުތަކަށް ކަމަށެވެ.

ނަމަވެސް، ބޭރުގެ އިންވެސްޓްމަންޓްތަކަކީ ހަމައެކަނި ގައުމުގައި ހުންނަ ރޯ މެޓީރިއަލް ނުވަތަ ގުދުރަތީ ވަސީލަތްތައް ނަގައިގެން ގެންދިއުމަށް އޮންނަ ކަމަކަށް ވެގެން ނުވާނެކަން އެމަނިކުފާނު ފާހަގަކުރެއްވިއެވެ.

އޭގެ ބަދަލުގައި، ރޯ މެޓީރިއަލް ޕްރޮސެސްކޮށް، ގައުމުގައި އުފެއްދުންތެރިކަން އިތުރުކުރުމަށް މަގުފަހިވާ ފަދަ އިންވެސްޓްމަންޓްތަކަކަށް އެ ކަންކަން ވުން ލާޒިމް ކަމަށްވެސް ނަޝީދު ވިދާޅުވިއެވެ.

މިސާލެއްގެ ގޮތުން ސިންގަޕޫރާއި ދެކުނު ކޮރެއާ ފަދަ ގައުމުތަކަށް އަލިއަޅުއްވާލައްވަމުން އެމަނިކުފާނު ވިދާޅުވީ، ބޭރުގެ އިންވެސްޓްމަންޓްތަކުގެ ސަބަބުން އެ ގައުމުތަކުގެ މިނިވަންކަމަށާއި އިސްތިގުލާލަށް އެއްވެސް އުނިކަމެއް އައިސްފައި ނުވާ ކަމަށެވެ.

އެއާ ހިލާފަށް، އެފަދަ އިންވެސްޓްމަންޓްތަކުން އެ ގައުމުތަކުގެ އިގްތިސޯދު ވަރުގަދަވެ، އަމިއްލަ އިސްތިގުލާލު ދިފާއުކުރުމުގެ ގާބިލުކަން ލިބި، ބައިނަލްއަގުވާމީ މައިދާނުގައި ވަރުގަދަ ޖާގައެއް ކަށަވަރުކުރެވުނީ ކަމަށް ނަޝީދު ވިދާޅުވިއެވެ.

ރައީސް ނަޝީދު މިފަދަ މޭރުމަކުން ވާހަކަފުޅު ދައްކަވާފައި މިވަނީ، ސަރުކާރުން ހިންގާ ރަސްމާލެ މަޝްރޫއު ކުރިއަށް ގެންދަންވާނީ ރައްޔިތުންގެ ފެންނަ ނުފެންނަ ވޯޓެއް ނެގުމަށްފަހު ކަމަށާއި، އެކަން އެގޮތަށް ނުކުރާނަމަ މަގުމައްޗަށް ނުކުންނަން ޖެހޭނެ ކަމަށް ބުނެ އެމްޑީޕީގެ ގައުމީ މަޖިލީހުން ދާދި ފަހުން ގަރާރެއް ފާސްކޮށްފައިވާ ދަނޑިވަޅެއްގައެވެ.

އެމްޑީޕީގެ ގިނަ މެންބަރުން ރަސްމާލެ މަޝްރޫއާ ދެކޮޅަށް ވަކާލާތު ކުރައްވަނީ، އެ މަޝްރޫއުގެ އެއްބަސްވުންތައް ހާމަނުކުރުމާއި ރައްޔިތުންގެ މަޝްވަރާއެއް ނެތި ކުރިއަށް ގެންދާތީ ކަމަށް ބުނެއެވެ.

އެހެންނަމަވެސް، ޕާޓީގެ ގިނަ މެންބަރުންގެ ވިސްނުމާ ތަފާތުކޮށް، ރަސްމާލެ މަޝްރޫއަށް ފުރިހަމައަށް ތާއީދުކުރައްވާކަން ރައީސް ނަޝީދު މީގެ ކުރިންވެސް ވަނީ ހާމަކުރައްވާފައެވެ.

މި މަޝްރޫއާ ގުޅޭގޮތުން ސަރުކާރުގެ އިސްވެރިން އެކި ގޮތްގޮތަށް ވާހަކަ ދައްކަވަމުން ގެންދަވާއިރު، ރަސްމާލެ މަޝްރޫއު ހިންގުމަށް ފެންނަ ނުފެންނަ ވޯޓެއް ނަގަން ނުޖެހޭނެ ކަމަށް ރައީސުލްޖުމްހޫރިއްޔާ ވަނީ މީގެ ކުރިން ވިދާޅުވެފައެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި