Tuesday, 17 November 2026
Ads by

އެމެރިކާގެ ވައިގެ ދަތުރުފަތުރު އަލުން ފަށައިފި؛ ހުއްޓުނީ ބާވެފައިވާ އާލާތްތަކަށް މައްސަލަ ޖެހިގެން

އެމެރިކާގެ ވައިގެ ދަތުރުފަތުރު އަލުން ފަށައިފި؛ ހުއްޓުނީ ބާވެފައިވާ އާލާތްތަކަށް މައްސަލަ ޖެހިގެން

އެމެރިކާގެ ވައިގެ ދަތުރުފަތުރު އަލުން ފެށުން --- ފޮޓޯ: އޭއެފްޕީ

އެމެރިކާގެ އެއާ ޓްރެފިކް ކޮންޓްރޯލް ނިޒާމުގެ ބާވެފައިވާ އާލާތްތަކަކަށް ދިމާވި ޓެކްނިކަލް މައްސަލައަކާ ގުޅިގެން އެ ގައުމުގެ ވައިގެ ސަރަހައްދު ގަޑިއިރުތަކަކަށް ބަންދުކޮށްފައި އޮތުމަށް ފަހު، ދަތުރުފަތުރު އަލުން ފަށައިފި އެވެ.

Ad Image
Ads by

ޓްރާންސްޕޯޓޭޝަން ސެކްރެޓަރީ ޝޯން ޑަފީ ވައިޓް ހައުސްގައި ބޭއްވި ނޫސްވެރިންގެ ބައްދަލުވުމެއްގައި ވިދާޅުވި ގޮތުގައި، އީސްޓަން ޓައިމް އިން ރޭ 8:15 ގައި އެމެރިކާގެ ވައިގެ ސަރަހައްދު ވަނީ އަލުން ހުޅުވާލާފަ އެވެ. އެހެންނަމަވެސް، ވައިގެ ދަތުރުފަތުރު އެއްކޮށް ހުއްޓުމަކަށް އައުމުގެ ސަބަބުން ދިމާވި ބުރޫއެރުންތައް ފިލައި، ހުރިހާ ފްލައިޓްތަކެއްގެ އޮޕަރޭޝަންތައް އާންމު ހާލަތަކަށް ރުޖޫއަވާނީ މަޑުމަޑުން ކަމަށް އޭނާ ފާހަގަކުރެއްވި އެވެ.

މި ހާދިސާ މެދުވެރިވާން ދިމާވި ސަބަބު ސާފުކޮށްދެއްވަމުން ޑަފީ ވިދާޅުވީ، ސިސްޓަމްތަކަށް ޑޭޓާ އޯވަލޯޑްވެ، ނެޓްވޯކް ސްވިޗްތަކާއި ރައުޓަރުތައް ހުއްޓުމަކަށް އައީ ކަމަށެވެ. މިއީ ބާވެފައިވާ ހާޑްވެއާތަކަށް ދިމާވި މައްސަލައެއްކަން ފާހަގަކުރައްވައި، އެމެރިކާގެ އެއާ ޓްރެފިކް ކޮންޓްރޯލް ނިޒާމު ޒަމާނީކޮށް އަޕްގްރޭޑް ކުރުމަށްޓަކައި 30 ބިލިއަން ޑޮލަރުގެ ބަޖެޓެއް ހޯދުމަށް ވައިޓް ހައުސްއިން ކޮންގްރެސްގައި އެދުނުތާ އެންމެ ދުވަހެއް ފަހުން މިފަދަ ކަމެއް ހިނގުމުން، އެ ފައިސާ ދޫކުރަން ރައްޔިތުން ބޭނުންވޭތޯ އޭނާ ސުވާލު އުފެއްދެވި އެވެ. ނަމަވެސް، އެމެރިކާގެ ވައިގެ ދަތުރުފަތުރަކީ އަދިވެސް ފުރިހަމައަށް ރައްކާތެރި ހިދުމަތެއް ކަމުގެ ޔަގީންކަން އޭނާ ދެއްވި އެވެ.

މި ބައްދަލުވުމުގައި ބައިވެރިވެވަޑައިގެންނެވި ހޯމްލޭންޑް ސެކިއުރިޓީ ސެކްރެޓަރީ މާކްވޭން މުލިން ވަނީ، މިއީ އެމެރިކާއަށް އަމާޒުވި ސައިބާ ހަމަލާއެއް ކަމަށް ފެތުރެމުންދާ އަޑުތައް ދޮގުކުރައްވާފަ އެވެ. އަދި ދުނިޔޭގެ އެކި ކަންކޮޅުތަކުގެ ހިދުމަތްތަކަށް ބުރޫއެރި މައިކްރޮސޮފްޓްގެ ޓެކްނިކަލް މައްސަލައާ މިކަމާ އެއްވެސް ގުޅުމެއް ނެތް ކަމަށް ވެސް އޭނާ ވިދާޅުވި އެވެ.

ސައިބާ ހަމަލާއެއް ދީފި ނަމަ އާންމު ގޮތެއްގައި ކޮންމެވެސް ބަޔަކު އެކަމުގެ ޒިންމާ ނަގާނެ ކަމަށާއި، ނަމަވެސް މި ހާދިސާގައި އެފަދަ އެއްވެސް ނިޝާނެއް ފެންނަން ނެތް ކަމަށް މުލިން ވިދާޅުވި އެވެ. އެހެންނަމަވެސް، އެމެރިކާގެ ސަލާމަތީ ބާރުތަކާއި ގާނޫނު ތަންފީޒުކުރާ އިދާރާތަކުން މި މައްސަލަ އިތުރަށް ތަހުގީގު ކުރަމުން އަންނަ ކަމަށާއި، އެއްވެސް ކަމެއް އަދި އެއްކޮށް ދޫކޮށްނުލާ ކަމަށް އޭނާ ހާމަކުރެއްވި އެވެ.

ވައިގެ ދަތުރުފަތުރު ހުއްޓުނުތާ ފަސް ގަޑިއިރު ވީއިރު ވެސް ރައީސް ޑޮނަލްޑް ޓްރަމްޕް އެއްވެސް ބަޔާނެއް ނުދެއްވާތީ އަމާޒުވި ފާޑުކިޔުންތަކަށް ރައްދު ދެއްވަމުން، ޑަފީ އާއި މުލިން ވަނީ ރައީސްގެ ދިފާއުގައި ވާހަކަ ދައްކަވާފަ އެވެ. އެގޮތުން، ހާދިސާ ހިނގުމާއެކު ޓްރަމްޕް ވަގުތުން ކަމާބެހޭ އިސް ފަރާތްތައް އޮފީހަށް ހާޒިރުކުރައްވައި، ހާލަތު ވަރަށް ގާތުން ބައްލަވައި މައުލޫމާތު ސާފުކުރައްވަމުން ގެންދެވި ކަމަށް މުލިން ވިދާޅުވި އެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި