ޔަމަނުގެ ވެރިކަންކުރާ ޞަންޢާއާއި އިތުރު 9 ޕްރޮވިންސަކަށް ފާއިތުވި 24 ގަޑިއިރު ތެރޭގައި 61 ވައިގެ ޙަމަލާދީފައިވާ ކަމަށް ޙޫޘީން ހާމަކޮށްފިއެވެ. މިއާއެކު، ހަނގުރާމަ ފެށުނީއްސުރެ ޔަމަނަށް ދެވުނު ވައިގެ ޙަމަލާތަކުގެ ޢަދަދު 4,000 އިން މައްޗަށް ގޮސްފައިވާ ކަމަށް ޔަމަނުގެ އަސްކަރީ ބާރުތަކުން ބުނެއެވެ.
ޙޫޘީންގެ ހެލްތު މިނިސްޓްރީން ހާމަކުރި ގޮތުގައި، ތަޢިޒް ޕްރޮވިންސްގެ ޕްލާސްޓިކް ފެކްޓަރީއަކަށާއި، ސަޢޫދީ ބޯޑަރު ކައިރީގަޢި އޮން ޞަޢުދާ ޕްރިވިންސްގެ އަލް-ޠަލްޙް ސަރަޙައްދަށް ދިން ޙަމަލާތަކުގައި 20 އާންމުން ވަނީ މަރުވެ ނުވަތަ ޒަޚަމްވެފައެވެ.
ޙޫޘީ އަސްކަރިއްޔާއިން ބުނި ގޮތުގައި، ރިޔާޟުގެ ކިންގް ޚާލިދު އެއާޕޯޓަށް ދިން ހަމަލާއަށްފަހު، ދައްމާމުގެ ކިންގް ފަހަދު އެއާޕޯޓަށް އަމާޒުކޮށް ވަނީ ޑްރޯން ހަމަލާތަކެއް ދީފައެވެ. އަދި ސަޢޫދީ ޢަރަބިއްޔާގެ ދެކުނުގެ ސަރަޙައްދުތަކަށްވެސް އިތުރު އަސްކަރީ ޙަރަކާތްތައް ވަނީ ހިންގާފައެވެ.
ޙޫޘީން ވަނީ ސަޢޫދީ ޢަރަބިއްޔާގެ ވައިގެ ސަރަޙައްދަކީ އެމީހުންގެ އަސްކަރީ ޙަރަކާތްތައް ހިންގާނެ ތަނެއްގެ ގޮތުގައި ކަނޑައަޅާފައެވެ. ނަމަވެސް، މައްކާއާއި މަދީނާގެ މަތިން އޮންނަ ވައިގެ ސަރަޙައްދު މި ޙަމަލާތަކުން އިސްތިސްނާވާނެ ކަމަށް ޙޫޘީން ވަނީ ބުނެފައެވެ.
