ވެސްޓު ބޭންކުގެ ޚަލީލް (ހިބްރޮން) ކައިރީގައި އިޒްރޭލު ސިފައިންގެ ދެ މީހަކު މަރުވި ބަޑީގެ ޙަމަލާއަށްފަހު، ހައްދުފަހަނައެޅި ޔަހޫދީ އިސްތިއުމާރީ ވެރިކަމުން ވަނީ މުޅި ވެސްޓު ބޭންކުގައި ވަރުގަދަ އަސްކަރީ އޮޕަރޭޝަނެއް ފަށައި، ޚަލީލް ސިޓީ ބަންދުކޮށް ޙިޞާރުކޮށްފައެވެ.
އިޒްރޭލުގެ ހަރުކަށި ފިކުރު ބޮޑުވަޒީރު ބެންޖަމިން ނަތަންޔާހޫ ވަނީ، ވެސްޓު ބޭންކުގައި މިހާރު ރާވަމުންދާ އަސްކަރީ އޮޕަރޭޝަނަކީ 1967 ވަނަ އަހަރު އިޒްރޭލުން، އިރުމަތީ ޤުދްސް އަދި ޣައްޒާ ހިފިފަހުން އެ ސަރަޙައްދުގައި ހިންގާނެ އެންމެ ބޮޑު އަސްކަރީ އޮޕަރޭޝަން ކަމަށް ބުނެ އިންޒާރުދީފައެވެ. ނިރުބަވެރި އިޒްރޭލުގެ އަސްކަރީ ވެރިޔާ އޭޔާލް ޒަމީރު ވަނީ ޙަމަލާދިން ސަރަޙައްދަށް ޒިޔާރަތްކޮށް، ”ވަރުގަދަ ރައްދެއް“ ދޭނެކަމަށް ބުނެފައެވެ.
Israeli occupation forces have ordered hundreds of Palestinian families in the Ein Dirbah area and its surroundings in Hebron, in the southern occupied West Bank, to forcibly evacuate their homes on foot. pic.twitter.com/WidUcsnWIa
— Quds News Network (@QudsNen) October 23, 2026
އިޒްރޭލު ސިފައިން ވަނީ ޚަލީލް ޕްރޮވިންސަށް ވަދެނުކުމެވޭހެން ހުރި ހުރިހާ މަގުތަކެއް ބަންދުކޮށް، ބުލްޑޯޒަރުތަކާއެކު އަވަށްތަކަށް ވަދެގަނެފައެވެ. ޚަލީލްގެ ފަރްޝް އަލް-ހަވާ ސަރަޙައްދުން މީހުން ދިރިއުޅޭ 3 އެޕާޓްމަންޓުގެ މުޅި ޢިމާރާތަކާއި، ވިޔަފާރި ކުރާ އެތައް ތަނެއް ވަނީ ބިމާހަމަކޮށްލާފައެވެ. މީގެ އިތުރުން ސްކޫލްތަކާއި ޔުނިވަރސިޓީތައް ބަންދުކޮށް، ދަތުރުފަތުރުގެ ޚިދުމަތްތައް ވަނީ ހުއްޓުވާފައެވެ.
Israeli occupation forces mark several Palestinian homes with "X" signs in the Ein Deir Bahha neighborhood of Hebron, south of the occupied West Bank, after forcibly displacing their owners. pic.twitter.com/3lNmvZ4yO7
— Quds News Network (@QudsNen) October 24, 2026
އިޒްރޭލު ސިފައިން ވަނީ ނާބުލުސް، ޖެނީން، ޤަލްޤީލިޔާ، ރާމަﷲ އަދި ޤުދްސްގެ ކައިރީގެ އަވަށްތަކަށް ވަދެގަނެ، މަދުވެގެން 15 ފަލަސްޠީނުން ހައްޔަރުކޮށްފައެވެ. އަދި ފޭރިގެންފައިވާ ބިންތަކުގައި ދިރިއުޅެމުންދާ ހަރުކަށި ފިކުރު ޔަހޫދީ އާންމުންނާ ސިފައިން ގުޅިގެން ޒައިތޫނި ކަނޑަމުންދިޔަ ދަނޑުވެރިންނަށް 21 ޙަމަލާއެއް ދީފައިވާއިރު، ބުރިން އަވަށުން 17 އަހަރުގެ ކުއްޖަކާއެކު 3 މީހަކު ވަނީ ޒަޚަމްކޮށްލާފައެވެ.
After forcibly removing its owners, Israeli occupation forces convert a Palestinian home into a military post during the ongoing offensive in Hebron city, south of the occupied West Bank. pic.twitter.com/zTQrVjoSXD
— Quds News Network (@QudsNen) October 24, 2026
