ޣައްޒާގެ އިމާރާތްތައް ސުންނާފަތިނުކޮށްލާ ހުރީ ކީއްވެތޯ ސުވާލުކޮށް އިޒްރޭލު ސިފައިންނަށް ގޮވާލައި ވީޑިއޯއެއް ހެދި ލަންޑަނުގައި ދިރިއުޅޭ ސިކް ނަސްލުގެ ހިންދޫ މީހެއްގެ ރެސްޓޯރެންޓަށް ބޮޑެތި ގެއްލުންތަކަކާ ކުރިމަތިވެއްޖެއެވެ. ހިންދޫ އަދި ސިޚް ދީނުގެ މައިންބަފައިންނަށް އުފަން ހަރްމަން ސިންގް ކަޕޫރު ދަނީ ކެނޑިނޭޅި އިސްލާމްދީނާ މުސްލިމުންނާ ދެކޮޅަށް ސޯޝަލްމީޑިއާގައި ޕޯސްޓުކޮށް ނަފްރަތު އުފައްދާ ނަސްލީގޮތުން މީހުންނާ ދިމާކޮށް ފާޅުކުރަމުންނެވެ.
🇬🇧🇮🇱🇵🇸 A restaurant owner in London went from demanding MORE destruction in Gaza to BEGGING people to save his business.
The owner of Singh's Dining posted a video questioning why a building in Gaza was still standing and directing his remarks at Netanyahu and the Israeli…
— Mario Nawfal (@MarioNawfal) October 13, 2026
ހަރްމަން ސިންގް ވަނީ ފާއިތުވި ސެޕްޓެމްބަރު މަހު، ޣައްޒާގައި ހުރި ސްކޫލެއްގެ އިމާރާތެއް ދައްކާލުމަށްފަހު، އެތަން ބިމާހަމަނުކޮށް ހުރީ ކީއްވެތޯ އަހައި އިޒްރޭލުގެ ބޮޑުވަޒީރަށާއި ސިފައިންނަށް ގޮވާލާފައެވެ. ގިނަ ބަޔަކު މިކަން ސިފަކުރީ ޣައްޒާ ސުންނާފަތިކުރުމަށް އޭނާ ހިތްވަރުދިނީ ކަމުގައެވެ.
މި ވީޑިއޯއާ ގުޅިގެން ގިނަ ބަޔަކު ވަނީ އޭނާގެ ’ސިންގްސް ޑައިނިންގ‘ ރެސްޓޯރެންޓާ ދެކޮޅަށް އޮންލައިންކޮށް ދަނީ ހަރަކާތްތެރިވަމުންނެވެ. އެގޮތުން ގޫގުލްގައި ގިނަ ޢަދަދަކަށް 1-ތަރީގެ ރިވިއުތައް ދީ، ރެސްޓޯރެންޓުގެ ރޭޓިންގ ވަނީ ވަރަށް ބޮޑަށް ދަށްކޮށްލާފައެވެ. މީގެ އިތުރުން ރެސްޓޯރެންޓުގެ ވެބްސައިޓް ހެކްކޮށް، އޮންލައިންކޮށް އޯޑަރު ނުނެގޭގޮތް ވަނީ ހަދާފައެވެ.
މިކަމާ ގުޅިގެން ރެސްޓޯރެންޓަށް ލިބެމުންދާ އާމްދަނީ ދަށްވެ، ކުލި ނުދެއްކިގެން ކޯޓަށް ދާންޖެހިދާނެކަމުގެ ބިރު ހީވޭފައިވާކަމަށް ހަރްމަން ސިންގު ވަނީ ބުނެފައެވެ. އޭނާ މިހާރު ވަނީ ވިޔަފާރި ސަލާމަތްކޮށްދިނުމަށް އެދި ޢާންމުންގެ ކިބައިން އާދޭސްކޮށްފައެވެ.
