އިޒްރޭލާއި ލުބުނާނު ގުޅޭ ބޯޑަރު ކައިރީގައި ނުގޮވާ އޮތް ބޮމެއް ނުވަތަ ހަތިޔާރެއް ގޮވުމުގެ ސަބަބުން އަނިޔާވި މީހުންގެ ތެރެއިން އެކަކު މަރުވެފައިވާކަން ކަށަވަރުކޮށްދީފިއެވެ. އަދި މި ޙާދިސާގައި ގާތްގަނޑަކަށް 24 މީހަކަށް އަނިޔާވެފައިވެއެވެ.
މި ޙާދިސާގައި މަރުވެފައިވަނީ އެ ސަރަޙައްދަށް ސްކޫލް ދަތުރެއްގައި ގޮސް އުޅުނު ކުއްޖެކެވެ. މީގެ އިތުރުން 19 މީހަކަށް އެކިވަރުގެ އަނިޔާތައް ލިބިފައިވާއިރު ބައެއް މީހުންގެ ޙާލު ސީރިއަސްއެވެ.
އިޒްރޭލުގެ މީޑިއާތަކުން ރިޕޯޓުކުރާ ގޮތުގައި، މި ޙާދިސާ ހިނގާފައިވަނީ ސްކޫލް ކުއްޖަކު އެ ނުގޮވާ އޮތް ބޮން ނަގައި އޭނާގެ ދަބަހަށް ލުމުންނެވެ. މި ޙާދިސާ ހިނގާފައިވަނީ ރާމިމް ރިޖް ނަމަކަށް ކިޔާ ސަރަޙައްދުގައެވެ. މިއީ އިޒްރޭލާއި ލުބުނާނު ބޯޑަރުގައި އޮންނަ، ގިނަ ޢަދަދަކަށް ހަތިޔާރު ބޭނުންކުރާ ސަރަޙައްދެކެވެ.
