ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ މައްޗަށް ހަގީގަތާ ހިލާފު ބޮޑެތި ދޮގު ތުހުމަތުތަކެއްކޮށް، ”އަދަދު“ ނޫހުން އާންމުކުރި ”އައިޝާ“ ޑޮކިއުމެންޓްރީއާ ގުޅިގެން އައިޝަތު ޢީޝާ އަޝްރަފްގެ މައްޗަށް އުފުލާފައިވާ ގަޒުފުކުރުމުގެ ދައުވާގެ ޝަރީއަތުގެ ފުރަތަމަ އަޑުއެހުން ކްރިމިނަލް ކޯޓުން މިއަދު ސިއްރުކޮށްފިއެވެ.
ކްރިމިނަލް ކޯޓުގައި މިއަދު ހެނދުނު 10:00 ގައި ތާވަލުކުރެވުނު މި އަޑުއެހުން ސިއްރުކޮށްގެން ކުރިއަށް ގެންދަން ނިންމީ ދައުލަތުގެ ފަރާތުން އެގޮތަށް އެދުމުންނެވެ.
މި މައްސަލަ ކުރިއަށްދަނީ އެ ކޯޓުގެ ބީ 1 ސެކްޝަންގައެވެ. މި ސެކްޝަން ހިންގަވަނީ ގާޒީ އިބްރާހީމް ޒިހުނީއެވެ. މި ޑޮކިއުމެންޓްރީއާ ގުޅިގެން ފުލުހުން ހިންގި ތަހުގީގަށް މީގެ ކުރިން އީޝާ ފުލުހުންގެ އިދާރާއަށް ހާޒިރުކޮށްފައިވާއިރު، އޭނާ ރާއްޖެއިން ފުރުން މަނާކޮށް ޕާސްޕޯޓުވެސް ވަނީ ހިފަހައްޓައިއެވެ.
މީގެއިތުރުން، މި ޑޮކިއުމެންޓްރީ ތައްޔާރުކުރުމުގައި އަމަލީ ގޮތުން ބައިވެރިވިކަމުގެ ތުހުމަތުގައި ”އަދަދު“ ނޫހުގެ ސީއީއޯ ޙުސައިން ފިޔާޒު މޫސާ އާއި އެ ނޫހުގެ އެޑިޓަރު ޙަސަން މުޙައްމަދުގެ ޕާސްޕޯޓު ވެސް ހިފަހައްޓާފައިވާކަން ފާހަގަކޮށްލަންޖެހެއެވެ. އަދި މި ދެ މީހުންގެ މައްޗަށް ވެސް ދައުލަތުން ވަނީ ގަޒުފުގެ ދައުވާ އުފުލައިފައެވެ.
މި މައްސަލައިގެ ހައްސާސްކަމަށް ބަލައި، ”އައިޝާ“ ޑޮކިއުމެންޓްރީއާ ގުޅޭ އެއްވެސް ވާހަކައެއް ދެއްކުން މަނާކޮށް ކްރިމިނަލް ކޯޓުން މީގެކުރިން ވަނީ ”ގެގް“ އަމުރެއް ވެސް ނެރެފައެވެ. އެ އަމުރާ ހިލާފުވުމުން ”އަދަދު“ ނޫހުގެ ދެ ނޫސްވެރިޔަކު ކޯޓުގެ ހުރުމަތް ކެނޑި ކަމަށް ކަނޑައަޅައި، އެ މީހުން ޖަލަށް ލުމަށްވެސް ކޯޓުން މީގެކުރިން ވަނީ ހުކުމްކޮށްފައެވެ.
އަންހެން ގާޒީއެއް ނެތީތޯ?
މީ ލަދެއް ޙަޔާތެއްހުރި އަންހެނެއްނޫން އަމިއްލައަޢް ރުހިގެން ފާފައެއްކޮއްފަ ބޭޒާރުވަނީ ތިމާ