Tuesday, 17 November 2026
Ads by

އެއްވެސް ރައްޔިތަކަށް ދީފައިވާ ގޯއްޗެއް އަތުނުލާނެ، ބޭރު ބަޔަކަށް ބިމެއް މިލްކެއް ނުކުރެވޭނެ: ރައީސް

އެއްވެސް ރައްޔިތަކަށް ދީފައިވާ ގޯއްޗެއް އަތުނުލާނެ، ބޭރު ބަޔަކަށް ބިމެއް މިލްކެއް ނުކުރެވޭނެ: ރައީސް

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު--- ފޮޓޯ: ރައީސުލްޖުމްހޫރިއްޔާގެ އޮފީސް

ރަސްމާލެ މަޝްރޫއުގެ ދަށުން އެއްވެސް ރައްޔިތަކަށް ދޫކޮށްފައިވާ ގޯއްޗެއް އަތުނުލާނެ ކަމަށާއި، އަދި ބޭރުގެ އެއްވެސް ފަރާތަކަށް އެތަނުން ބިން މިލްކު ނުކުރެވޭނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެއްވައިފިއެވެ.

Ad Image
Ads by

ދައުލަތުގެ މީޑިއާ، ޕީއެސްއެމްއިން ގެނެސްދޭ ”ނޭޝަން ޗެޓް“ ޕްރޮގްރާމުގައި ވާހަކަފުޅު ދައްކަވަމުން ރައީސް މުޢިއްޒު ވަނީ، ރަސްމާލޭގައި 20 ބިލިއަން ޑޮލަރުގެ މަޝްރޫއެއް ހިންގުމަށް ޔޫއޭއީގެ އީގަލް ހިލްސް ކުންފުންޏާއެކު ވެފައިވާ އެއްބަސްވުމަކީ ގާނޫނާ ހިލާފު ކަމެއް ކަމަށް ވިދާޅުވެ ކުރީގެ ރައީސް ޢަބްދުﷲ ޔާމީންގެ އިތުރުން ސިޔާސީ ބައެއް ފަރާތްތަކުން ކުރަމުންދާ ތުހުމަތުތަކަށް ރައްދު ދެއްވައިފައެވެ.

ރައީސް ވިދާޅުވީ، ގޯއްޗަށް އެދި ހުށަހަޅާފައިވާ ފޯމުތައް ދިރާސާކޮށް ނިމުމުން، ހައްގުވާ ހުރިހާ ފަރާތްތަކަށް ގޯތި ހަވާލުކުރުމުގެ އިތުރުން، ފްލެޓް އެޅުމަށް ބޭނުންވާ ޖާގަވެސް ރަސްމާލެއިން ލިބިގެންދާނެ ކަމަށެވެ. މީގެއިތުރުން، މި މުޅި މަޝްރޫއު ނިންމުމަށް ގާތްގަނޑަކަށް 10 އަހަރު ދުވަސް ހޭދަވާނެ ކަމަށް ލަފާކުރެވުނު ނަމަވެސް، ބިން ހިއްކައި ނިމުމާއެކު މި އަހަރުގެ ތެރޭގައި ފެނާއި ނަރުދަމާ، ކަރަންޓު އަދި މަގުހެދުމުގެ މަސައްކަތްތައް ބަޔަކާ ހަވާލުކުރައްވާނެ ކަމަށް ވިދާޅުވިއެވެ. އަމާޒަކީ ގޯތި ލިބޭ ފަރާތްތަކަށް ވީހާވެސް އަވަހަކަށް އިމާރާތްކުރަން ފެށޭނެ އިންތިޒާމު ހަމަޖެއްސުން ކަމަށްވެސް އެމަނިކުފާނު ފާހަގަކުރެއްވިއެވެ.

ރަސްމާލޭގެ އިތުރުން ގުޅިފަޅާއި ގިރާވަރުފަޅުގެ އިންފްރާސްޓްރަކްޗަރ މަސައްކަތްތަކަށްވެސް ސަރުކާރުން ބޮޑު އިސްކަމެއް ދެއްވާކަން ހާމަކުރައްވަމުން ރައީސް ވިދާޅުވީ، އަގުތައް ބޮޑުވުމުގެ ސަބަބުން ގިރާވަރުފަޅު ހިއްކުން މަޑުޖެހިފައި އޮތް ނަމަވެސް، މިހާރު އެ މައްސަލަ ހައްލުކުރެވިފައިވާ ކަމަށެވެ. އަދި ގުޅިފަޅުގެ ފެނާއި ނަރުދަމާގެ މަސައްކަތްވެސް ވަރަށް އަވަހަށް ފެށިގެންދާނެ ކަމަށް އެމަނިކުފާނު ވަނީ ވިދާޅުވެފައެވެ.

އީގަލް ހިލްސް ކުންފުންޏާއެކު ކުރިއަށްގެންދާ މަޝްރޫއުގެ ތަފްސީލު ދެއްވަމުން ރައީސް ވިދާޅުވީ، މި މަޝްރޫއަށް ދައުލަތުން އެއްވެސް ސޮވެރިން ގެރެންޓީއެއް ނުދޭނެ ކަމަށާއި، އެއްވެސް ލޯނެއް ނުނަގާނެ ކަމަށެވެ. އަދި އެއްވެސް ޓެކްސް ކޮންސެޝަނެއް ނުވަތަ ޑިއުޓީ މައާފުކުރުމެއްވެސް ނޯންނާނެ ކަމަށް އެމަނިކުފާނު ވިދާޅުވިއެވެ. ބޭރު ފަރާތްތަކަށް ބިން މިލްކުކޮށްދޭ ވާހަކަ ދޮގުކުރައްވަމުން ރައީސް ވިދާޅުވީ، ގާނޫނުއަސާސީއާ ހިލާފަށް އެއްވެސް ކަމެއް ނުކުރައްވާނެ ކަމަށާއި، މި މަޝްރޫއުގެ ދަށުން ބިން ދޫކުރާނީ ހަމައެކަނި ކުއްޔަށް ކަމަށެވެ.

”މިލްކު ނުވެ، މިތަނަށް ގެނެވެންއޮތް އެންމެ ގިނަ އިންވެސްޓްމަންޓް ގެންނަން އަޅުގަނޑު ބޭނުންވަނީ،“ – ރައީސް މުޢިއްޒު ވިދާޅުވިއެވެ.

މި ބިޔަ މަޝްރޫއުގެ ސަބަބުން ރާއްޖޭގެ ޖީޑީޕީ އިތުރުވެ، އިގުތިސާދު މުޅިން އާ އުސްމިނަކަށް ވާސިލުވެ، ގިނަ އަދަދެއްގެ ވަޒީފާގެ ފުރުސަތުތައް އުފެދިގެންދާނެ ކަމަށް ރައީސް ފާހަގަކުރެއްވިއެވެ. އަދި ގައުމަށް ފައިދާހުރި ބޮޑެތި ކަންކަން ފަށާއިރު، ގައުމީ ވިސްނުމެއް ނެތް ސިޔާސީ ބަޔަކު އަބަދުވެސް ހުރަސްއަޅަން މަސައްކަތްކުރާ ކަމީ ހިތާމަކުރައްވާ ކަމެއް ކަމަށާއި، ނަމަވެސް އެފަދަ ކަންކަމުގެ ސަބަބުން މަޝްރޫއު ހުއްޓިގެން ނުދާނެ ކަމުގެ ފުރިހަމަ ޔަގީންކަން ރައީސް މުޢިއްޒު ވަނީ ދެއްވައިފައެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި