Tuesday, 17 November 2026
Ads by

ގުރުއާނާ ބެހޭ ދާއިރާއިން ރާއްޖޭގައި ފެންނަމުން ދަނީ އުންމީދީ ދުވަސްތަކެއް: ޝަހީމް

ގުރުއާނާ ބެހޭ ދާއިރާއިން ރާއްޖޭގައި ފެންނަމުން ދަނީ އުންމީދީ ދުވަސްތަކެއް: ޝަހީމް

އިސްލާމިކް މިނިސްޓަރު ޑރ. މުޙައްމަދު ޝަހީމް ޢަލީ ސަޢީދު---

ކީރިތި ގުރުއާނާ ބެހޭ ދާއިރާއިން ރާއްޖެއިން މިހާރު ފެންނަމުންދަނީ އުފާވެރި އަދި އުންމީދީ ދުވަސްތަކެއް ކަމަށާއި، މި ހެޔޮ ބަދަލުތައް ދެމެހެއްޓުމަށް އެންމެހައި ފަރާތްތަކުން ގުޅިގެން މަސައްކަތްކުރަންޖެހޭ ކަމަށް އިސްލާމިކް މިނިސްޓަރު ޑރ. މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.

Ad Image
Ads by

މިނިސްޓަރު ޝަހީމް މިހެން ވިދާޅުވީ ކީރިތި ގުރުއާން ކިޔެވުމުގެ 38 ވަނަ ގައުމީ މުބާރާތުގެ ނަތީޖާ ފާޅުކުރުމަށް ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ. މިނިސްޓަރު ފާހަގަކުރެއްވި ގޮތުގައި، ގައުމީ ގުރުއާން މުބާރާތުގެ ދިގު ތާރީހުގައި ގެނެވުނު އެންމެ މުހިންމު އަދި އެދެވޭ ބަދަލަކީ، ބައިވެރިވާން އެދޭ އެންމެހައި ފަރާތްތަކަށް ފުރުސަތު ހުޅުވާލުމެވެ. މީގެކުރިން ސްކޫލްތަކުން ކޮންމެ އުމުރުފުރާއަކުން ވާދަކުރެވެނީ ހޮވާލެވޭ މަދު ދަރިވަރުންތަކަކަށް ކަމުގައި ވީނަމަވެސް، ގެނެވުނު އިސްލާހީ ބަދަލާއެކު، ކުރިން ގާތްގަނޑަކަށް 800 ދަރިވަރުން ވާދަކުރި މި މުބާރާތުގައި މިއަހަރު 3،000 އަށްވުރެ ގިނަ ބައިވެރިން ވާދަކޮށްފައިވާކަން މިނިސްޓަރު ބަޔާންކުރެއްވިއެވެ.

”ކުރިން ސްކޫލް މުބާރާތް ނުބޭއްވުމުގެ ސަބަބުން ގައުމީ ޤުރުއާން ކިޔެވުމުގެ މުބާރާތް އޮތީ ސްކޫލް މުބާރާތެއްގެ ސިފައަށް ބަދަލުވެފައި. ނަމަވެސް، ގައުމީ ފެންވަރުގެ މިފަދަ މުބާރާތެއް މިއަށްވުރެ ފުޅާ ދާއިރާއެއްގައި ބޭއްވެންޖެހޭ،“ – މިނިސްޓަރު ޝަހީމް ވިދާޅުވިއެވެ.

މީގެއިތުރުން، ރަށްރަށުގައާއި ސްކޫލްތަކުގައި ވަރަށް ރޭވުންތެރިކަމާއެކު ގުރުއާން މުބާރާތްތައް އިންތިޒާމުކުރެވެމުންދާކަން ފާހަގަކުރައްވައި މިނިސްޓަރު ވިދާޅުވީ، ގައުމީ މުބާރާތަކީ ހަމައެކަނި ވަކި މުއައްސަސާތަކަކަށް ހާއްސަވުމުގެ ބަދަލުގައި، މުޅި ގައުމަށް އާންމުކޮށް ހުޅުވާލެވިފައިވާ ފުޅާ މުބާރާތަކަށް ވާންޖެހޭ ކަމަށެވެ. އަދި މުބާރާތުގެ ވަނަތަކަށް ދެވޭ އިނާމުތައް ބޮޑުކުރުމަކީ މި ދާއިރާއަށް އާންމުންގެ ޝައުގުވެރިކަން އިތުރުވެގެންދިޔަ މުހިންމު ސަބަބެއް ކަމަށާއި، މިފަހަރުގެ މުބާރާތުގެ އިންތިޒާމުތައް ފެނިގެންދިޔައީ ވަރަށް ފުރިހަމަކޮށް ކަމަށްވެސް ވިދާޅުވިއެވެ.

ކީރިތި ގުރުއާން ކިޔެވުމުގެ ގައުމީ މުބާރާތަކީ ދިވެހިރާއްޖޭގައި ބޭއްވޭ އެންމެ ޝަރަފުވެރި އަދި އެންމެ އަގުބޮޑު އިނާމުތައް ދެވޭ މުބާރާތަށް ހެއްދެވުމަކީ ސަރުކާރުގެ މުހިންމު އަމާޒެކެވެ. އެގޮތުން، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ނިންމެވުމާ އެއްގޮތަށް މި މުބާރާތުގެ ހަރަދުތައް ސީދާ ދައުލަތުގެ ބަޖެޓުން ހަމަޖައްސަވައި، އިނާމުތަކުގެ އަގު ވަނީ ބޮޑުކުރައްވާފައެވެ. އަދި މުބާރާތުގެ ތިން ގޮފިންވެސް އެއްވަނަ ހޯދާ ދަރިވަރުންނަށް ރައީސުލްޖުމްހޫރިއްޔާގެ ހާއްސަ ސްކޮލަރޝިޕެއް ދެއްވުމަށްވެސް ވަނީ ހަމަޖެހިފައެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި