ސަޢޫދީ ޢަރަބިއްޔާގެ 96 ވަނަ ޤައުމީ ދުވަހުގެ މުނާސަބަތުގައި، އެ ޤައުމުގެ ރަސްގެފާނު ސަލްމާން ބިން ޢަބްދުލްޢަޒީޒް އަލް ސުޢޫދަށާއި، ވަލީޢަހުދު އަދި ބޮޑުވަޒީރު މުޙައްމަދު ބިން ސަލްމާން ބިން ޢަބްދުލްޢަޒީޒް އަލް ސުޢޫދަށް، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ނުހަނު އިޚްލާޞްތެރިކަމާއެކު ތަހުނިޔާއާއި ހެޔޮއެދުންތައް ފޮނުއްވައިފިއެވެ.
މީގެއިތުރުން ސަޢޫދީގެ ޝާހީ ޢާއިލާއަށާއި، ސަރުކާރަށް އަދި އުޚުއްވަތްތެރި ރައްޔިތުންނަށްވެސް ރައީސް ވަނީ މި ދުވަހުގެ ތަހުނިޔާ އަރިސްކުރައްވާފައެވެ.
ދިވެހިރާއްޖެއާއި ސަޢޫދީ ޢަރަބިއްޔާއާ ދެމެދު އޮތީ ޤަރުނުތަކެއްވީ ތާރީޚީ ގުޅުމަކާއި އިސްލާމީ އެއްބައެއްވަންތަކަމުގެ މައްޗަށް ބިނާވެފައިވާ ބަދަހި ގުޅުމެއްކަން ރައީސުލްޖުމްހޫރިއްޔާ ފާހަގަކުރެއްވިއެވެ. އަދި ދިވެހިރާއްޖޭގެ އިޤްތިޞާދީ އަދި އިޖުތިމާޢީ ތަރައްޤީއަށް ސަޢޫދީ ޢަރަބިއްޔާއިން ދެމުންދާ ދީލަތި އެހީތެރިކަމާއި ވެދެއްވާ ބޮޑެތި ޤުރުބާނީތަކަށްޓަކައި ދިވެހިރާއްޖެއިން އަބަދުވެސް ނުހަނު އުފަލާއެކު ޝުކުރުވެރިވާކަން އެމަނިކުފާނު ބަޔާންކުރެއްވިއެވެ.
On the occasion of the 96th National Day of the Kingdom of Saudi Arabia, I extend my warmest congratulations and sincere felicitations to the Custodian of the Two Holy Mosques, His Majesty King Salman bin Abdulaziz Al Saud, @KingSalman, Crown Prince and Prime Minister, His Royal… pic.twitter.com/kITSWb8Yih
— Dr Mohamed Muizzu (@MMuizzu) September 23, 2026
ކުރިއަށް އޮތް އަހަރުތަކުގައިވެސް ދެޤައުމުގެ ދެމެދުގައި އޮތް އެކުވެރިކަމާއި، އެއްބައިވަންތަކަމާއި، އެއްބާރުލުމުގެ ގުޅުން އިތުރަށް ބަދަހިވެ، ފުރިހަމައަށް ކުރިއަރައިދާނެކަމުގެ ފުރިހަމަ ޔަޤީންކަން ބަޔާންކުރައްވަމުން، ސަޢޫދީ ޢަރަބިއްޔާއަށް އަބަދުވެސް އަމަންއާމަންކަމާއި، ފާގަތިކަމާއި އަދި ޝަރަފުވެރިކަން މިންވަރުކުރެއްވުން އެދި ރައީސުލްޖުމްހޫރިއްޔާ ވަނީ މާތް ﷲގެ ޙަޟްރަތުގައި ދުޢާދަންނަވާފައެވެ.
