Thursday, 19 November 2026
Ads by

އިސްރާއީލުން ޣައްޒާއަށް ދިން ހަމަލާތަކެއްގައި ޞިއްޙަތާ ބެހޭ ވެރިޔާގެ ދަރިކަލުން ހިމެނޭހެން 4 މީހުން ޝަހީދުވެއްޖެ

އިސްރާއީލުން ޣައްޒާއަށް ދިން ހަމަލާތަކެއްގައި ޞިއްޙަތާ ބެހޭ ވެރިޔާގެ ދަރިކަލުން ހިމެނޭހެން 4 މީހުން ޝަހީދުވެއްޖެ

ޔަހޫދީ އިސްރާއީލުގެ އަނިޔާވެރި ސިފައިން ޣައްޒާގެ އެކި ސަރަޙައްދުތަކަށް ދިން އާ ހަމަލާތަކެއްގައި، ޣައްޒާގެ ޞިއްޙަތާ ބެހޭ ވުޒާރާގެ ޑިރެކްޓަރ ޖެނެރަލްގެ ދޮށީ ދަރިކަލުންނާއި ކުޑަކުއްޖަކު ހިމެނޭހެން ހަތަރު މީހަކު ޝަހީދުވެއްޖެއެވެ.

Ad Image
Ads by

މެޑިކަލް މަސްދަރުތަކުން އަލްޖަޒީރާއަށް މަޢުލޫމާތު ދީފައިވާ ގޮތުގައި، ހޮނިހިރު ދުވަހު ދިން ހަމަލާތަކުގައި ތިން މީހުން ޝަހީދުވެފައިވާއިރު، ހުކުރު ދުވަހު ލިބުނު ޒަޚަމްތަކަށް ފަރުވާދެމުން ދަނިކޮށް އިތުރު ކުއްޖަކު ވަނީ ޝަހީދުވެފައެވެ.

އުތުރު ޣައްޒާގެ ޖަބަލިއާ ރެފިއުޖީ ކޭމްޕް ކައިރީގައި ހުރި ޓެންޓަކުން ނުކުތް ވަގުތު ޔަހޫދީ ޑްރޯން ހަމަލާއެއް އަމާޒުވެ، ޣައްޒާގެ ހެލްތު މިނިސްޓްރީގެ ޑިރެކްޓަރ ޖެނެރަލް ޑރ. މުނީރު އަލް-ބުރުޝްގެ ދޮށީ ފިރިހެން ދަރިކަލުން ބަޞީރު އަލް-ބުރުޝް ވަނީ ޝަހީދުވެފައެވެ. މި ހާދިސާގައި އިތުރު މީހަކު ވަރަށް ބޮޑަށް ޒަޚަމްވިއެވެ. ހަމަލާ އަމާޒުވީ އެ ސަރަޙައްދުގެ ފީލްޑް ހޮސްޕިޓަލެއްގެ ފަހަތުގައި ކުދިންނަށް ކިޔަވައިދެމުންދިޔަ ވަގުތު ކަމަށް ރިޕޯޓްތައް ބުނެއެވެ.

ޑރ. މުނީރު އަލް-ބުރުޝް ވިދާޅުވީ، ހަމަލާ ދިނުމުގެ ކުޑައިރުކޮޅެއް ކުރިން ދެބަފައިން އެކުގައި ތިބި ކަމަށާއި، އިސްރާއީލުން އެ ދެމީހުންނަށް އަމާޒުކުރަމުންދާ ކަމަށް ދަރިފުޅު ބުނި ކަމަށެވެ. އަދި ޓެންޓުން ބޭރަށް ފިޔަވަޅު އެޅިތަނާހެން ސީދާ ޑްރޯން މިސައިލް އޭނާއަށް އަމާޒުވި ކަމަށް ވިދާޅުވިއެވެ. މި ހިތާމަވެރި ވަގުތުގައި ޣައްޒާގެ ހެލްތު މިނިސްޓްރީން ވަނީ ޑރ. މުނީރަށް ތަޢުޒިޔާ ފޮނުވާފައެވެ.

މީގެއިތުރުން، ޣައްޒާ ސިޓީގެ ޝެއިޚް ރަޟްވާން މާރުކޭޓް ސަރަޙައްދުގައި އާންމުންގެ ކާރަކަށް ޑްރޯނަކުން ހަމަލާދީ އެކަކު ޝަހީދުކޮށްލައި، ދެ ކުޑަކުދިން ހިމެނޭހެން ހަތަރު މީހުން ޒަޚަމްކޮށްލާފައިވެއެވެ. މި ހަމަލާގައި ކާރުގައި އަލިފާން ރޯވެ، ޝަހީދުވި މީހާގެ ހަށިގަނޑު ވަނީ ކާކުކަން ވަކިކުރަން ނޭނގޭ ވަރަށް އަނދާފައެވެ. ހަމައެއާއެކު، ޣައްޒާ ސިޓީގެ އިރުމަތީ ޝުޖާޢިއްޔާ ސަރަޙައްދަށް ދިން ހަމަލާއެއްގައިވެސް މީހަކު ޝަހީދުވިއެވެ.

މެދުތެރޭ ޣައްޒާގެ ނުޞައިރާތު ކޭމްޕް ކައިރިން އިސްރާއީލު ސިފައިން ދިން ބަޑީގެ ހަމަލާތަކުގައި ޒަޚަމްވި ފަލަސްޠީނުގެ އަންހެން ކުއްޖަކު އަލްއަޤްޞާ މާޓިއާސް ހޮސްޕިޓަލުގައި ފަރުވާދެމުން ދަނިކޮށް ވަނީ ޝަހީދުވެފައެވެ. އަދި މަޣާޒީ ކޭމްޕް ކައިރިން ޔަހޫދީން ދިން ހަމަލާތަކުގައި އިތުރު އަންހެނަކާއި މީހަކު ވަނީ ޒަޚަމްވެފައެވެ.

އިސްރާއީލުން ޣައްޒާއަށާއި ހިފާފައިވާ ހުޅަނގު އައްސޭރިއަށް ދެމުންދާ ހަމަލާތައް ވަރުގަދަކުރަމުންދާތީ، ޙަމާސްގެ ސިޔާސީ ލީޑަރު ޚަލީލް އަލް-ޙައްޔާ ވަނީ މެދުވެރިންނާ ފޯނުން ގުޅުއްވައި މަޝްވަރާކުރައްވާފައެވެ. މެދުވެރިންގެ ދައުރު އަދާކުރާ ޤަޠަރު، މިޞްރު އަދި ތުރުކީން ވަނީ އިސްރާއީލުގެ މި އުދުވާންތައް ކުށްވެރިކޮށް ބަޔާނެއް ނެރެފައެވެ.

އޮކްޓޫބަރު 2023 ގައި ޔަހޫދީ އިސްރާއީލުން ޣައްޒާގެ ރައްޔިތުންނާ ދެކޮޅަށް ފެށި ނަސްލުހޭދުގެ ހަނގުރާމައިގައި މިހާތަނަށް 73,910 އަށްވުރެ ގިނަ ފަލަސްޠީނުން ޝަހީދުވެ، 174,914 އަށްވުރެ ގިނަ މީހުން ވަނީ ޒަޚަމްވެފައެވެ. ޔުނިސެފުން ހާމަކުރި ގޮތުގައި، ޣައްޒާގައި ކޮންމެ ދުވަހަކު އެވްރެޖްކޮށް ކުޑަކުއްޖަކު ޝަހީދުވަމުންދާއިރު، އެންމެން ހާލުގައި ޖެހި ބިމުގެ ތިންބައިކުޅަ އެއްބައި ސަރަޙައްދު ވަނީ ފުރި ބާރުވެފައެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
hasdfg
އެއްބަސްވުމާ ޚިލާފަށް ޔަހޫދީ ސިފައިންގެ ޓޭންކަރުތައް އަނެއްކާވެސް ޣައްޒާގެ ތެރެއަށް ވަދެގަނެފި
IMG_3459
މަރުގެ އަދަބު ކަނޑައެޅުމާއި ތަންފީޒުކުރުމާބެހޭ ބިލު މަޖިލީހަށް ބަލައިގެންފި
902205083-1686381906617839-6959954579775541330-n-876x657
ހުޅުމާލެ ފޭސް އެކެއްގައި ބީއެމްއެލްއިން ތަރައްގީކުރާ އިތުރު 182 ފްލެޓުގެ ކޮންކްރީޓް މަސައްކަތް ފަށައިފި
Majilis 232
އަބުރާ ބެހުމުގެ ގެއްލުމުގެ ބަދަލަށް ބައި މިލިއަން ރުފިޔާ ނަގައިދެވޭ ބިލު މަޖިލީހަށް ބަލައިގެންފި
Ads by
މަގުބޫލު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި