Tuesday, 17 November 2026
Ads by

ޕީއެންސީން ތަންފީޒުކުރަނީ އިސްލާމްދީނަށް ނަސްރުދިނުމުގެ ސިޔާސަތު: ރައީސް މުޢިއްޒު

ޕީއެންސީން ތަންފީޒުކުރަނީ އިސްލާމްދީނަށް ނަސްރުދިނުމުގެ ސިޔާސަތު: ރައީސް މުޢިއްޒު

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު--- ފޮޓޯ: ޕީއެންސީ

ޕީޕަލްސް ނޭޝަނަލް ކޮންގްރެސް (ޕީއެންސީ) އަކީ އިސްލާމްދީނުގެ މަތިވެރި އަސާސްތައް ނެގެހެއްޓުމާއި ދީނަށް ނަސްރުދިނުމުގެ ސިޔާސަތުތައް ތަންފީޒުކުރާ ޕާޓީއެއް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިރޭ ވިދާޅުވެއްޖެއެވެ.

Ad Image
Ads by

ޕީއެންސީގެ މަތީ މަޖިލިސް ނިންމުމަށް ބޭއްވި ރަސްމިއްޔާތުގައި ވާހަކަފުޅުދައްކަވަމުން ރައީސް މުޢިއްޒު ވިދާޅުވީ، ޕީއެންސީގެ އެންމެހައި ހަރަކާތްތަކާއި ނިންމުންތައް ބިނާވެފައިވަނީ އިސްލާމީ އަގީދާއާއި ގައުމިއްޔަތުގެ ވަރުގަދަ ބިންގަލުގެ މައްޗަށްކަން ފާހަގަކުރެއްވިއެވެ. އަދި މި ސަރުކާރުން ފުރަތަމަ ދުވަހުން ފެށިގެން ވެސް އެންމެ އިސްކަމެއް ދެމުންދަނީ އިސްލާމީ ސަގާފަތް އާލާކޮށް، ދީނީ ކަންކަމަށް ފުރިހަމައަށް ނަސްރުދިނުމަށް ކަމަށް ވިދާޅުވިއެވެ.

މާޒީގެ ތަޖުރިބާތަކަށް އަލިއަޅުއްވާލައްވަމުން ރައީސް ވިދާޅުވީ، ޕީއެންސީގެ ފިކުރާ ހިލާފު ބަޔަކަށް ވެރިކަމުގެ ބާރުތައް ލިބުނު ކޮންމެ ދަނޑިވަޅެއްގައި ފެނިގެންދިޔައީ ގައުމު ހަލާކުގެ ތެރެއަށް ވައްޓާލަނިވި ފިކުރުތަކެއްގެ މަތީގައި ކަންކަން ކުރި މަންޒަރު ކަމަށެވެ. އެހެންކަމުން، ގައުމުގެ ކުރިއެރުމާއި ހަމަޖެހުމަށް އޮތް އެންމެ އިތުބާރުހުރި މަގަކީ ޕީއެންސީގެ ސިޔާސަތުތަކާއެކު ކުރިއަށްދިއުން ކަމަށާއި، މި ސަރުކާރުން އަބަދުވެސް މަސައްކަތްކުރާނީ ރައްޔިތުންގެ ވިންދާ އެއްގޮތަށް، ރައްޔިތުންގެ ފަރާތުން ކަމަށް އެމަނިކުފާނު ވިދާޅުވިއެވެ.

ރައްޔިތުން ނިންމާ ސިޔާސީ ނިންމުންތަކުގެ ސަބަބުން ގައުމުގެ މުސްތަގުބަލަށް ނޭދެވޭ އަސަރުތަކެއް ކުރެވިދާނެކަމުގެ އިންޒާރު ދެއްވަމުން، މާޒީގައި ސިޔާސީ އޮއިވަރުގެ ތެރެއިން ނުބައި ނިންމުންތަކެއް ނިންމިފައިވާކަން ރައީސް ހަނދާންކޮށްދެއްވިއެވެ. އެހެންކަމުން ކޮންމެ ނިންމުމެއްގައި ވެސް ގައުމީ މަސްލަހަތު އިސްކުރުމަށް އެމަނިކުފާނު އިލްތިމާސްކުރެއްވިއެވެ.

މީގެއިތުރުން، ދިވެހިންގެ ތެރޭގައި އޮތް އަބުރުވެރިކަމާއި އިހުތިރާމް ކުރުމުގެ ރީތި އާދަތައް ހީނަރުވެގެންދިޔައީ، ވަކި ބަޔަކު ރާވައިގެން ގައުމުގެ އިސްވެރިންގެ އަބުރު ކެނޑުމަށް ހިންގި ސިޔާސީ ހަރަކާތްތަކުގެ ސަބަބުން ކަމަށާއި، އެއީ އިސްލާމްދީނާއި ދިވެހި ސަގާފަތާ މުޅިން ހިލާފު ކަންކަން ކަމަށް ރައީސް ވިދާޅުވިއެވެ. ގައުމުގައި ދީނާ ހިލާފު ކަންކަން ހިނގުމުގެ ސަބަބުން، މީގެކުރިން ސައްތަ އިންސައްތަ އިސްލާމީ ގައުމެއްގެ ގޮތުގައި ދިވެހިން ދީނުގެ ދިފާއުގައި ތެދުވަންޖެހުނުކަންވެސް އެމަނިކުފާނު ފާހަގަކުރެއްވިއެވެ.

ޕީއެންސީއަކީ އަދުލުވެރިކަމާއި، އިންސާފާއި، އިހުލާސްތެރިކަމުގެ ބިންގަލުގެ މަތީގައި އޮތް ބިނާކުރުވަނިވި ފިކުރުގެ ހަމައެކަނި ޕާޓީކަން ފާހަގަކުރައްވައި، އެހެން ފިކުރުތަކާ މި ޕާޓީގެ ސިޔާސަތުތައް އަޅާކިޔުމަށް ރައީސް އެދިވަޑައިގަތްއެވެ. އަދި ގައުމަށްޓަކައި އިހުލާސްތެރި މަސައްކަތްތަކެއް ކުރާ އެއްވެސް ބަޔަކު ޕީއެންސީގެ ގައުމީ ފަލްސަފާއާ ދެބަސްނުވާނެ ކަމަށް ވިދާޅުވިއެވެ.

ރައީސްގެ ވާހަކަފުޅު ނިންމަވާލެއްވީ މި ސަރުކާރުން މިހާތަނަށް ހާސިލުކޮށްފައިވާ މުހިންމު ކާމިޔާބީތަކަށް އަލިއަޅުއްވާލައްވަމުންނެވެ. އެގޮތުން، ވެރިކަމާ ހަވާލުވިއިރު ގައުމު އޮތް އިގްތިސާދީ އަދި އިޖުތިމާއީ އަނދަވަޅުން ސަލާމަތްކޮށް، ގައުމުގެ ދަރަނި ދެއްކުމާއި، ހިންގުމުގެ ނިޒާމު ހަރުދަނާކޮށް ކޮރަޕްޝަން ނައްތާލުމާއި، ގައުމީ ސަލާމަތާއި ދިފާއީ ބާރު ވަރުގަދަކުރުމަށް ގިނަގުނަ އިސްލާހީ ފިޔަވަޅުތަކެއް އަޅުއްވާފައިވާކަން ރައީސުލްޖުމްހޫރިއްޔާ ފާހަގަކުރެއްވިއެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި