Tuesday, 17 November 2026
Ads by

ޕީއެންސީ މެމްބަރުންގެ އަދަދު 80،083 އަށް އަރައިފި

ޕީއެންސީ މެމްބަރުންގެ އަދަދު 80،083 އަށް އަރައިފި

ޕީއެންސީގެ ކޮންގްރެސް ނިންމުމުގެ ޖަލްސާގެ ތެރެއިން --- ފޮޓޯ: އެކިއެމްވީ

ޕީއެންސީގެ މެމްބަރުންގެ އަދަދު 80،083 އަށް އަރާފައިވާކަން، ޕީއެންސީގެ ރައީސް އަދި ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިރޭ އިއުލާން ކުރައްވައިފިއެވެ.

Ad Image
Ads by

ޕީއެންސީގެ މަތީ މަޖިލިސް ނިންމުމަށް ބޭއްވި މި ޖަލްސާގައި މިރެއާ ހަމައަށް ޕާޓީގެ މެމްބަރުންގެ އަދަދު 80،083 އަށް އަރާފައިވާކަން އިއުލާންކުރެއްވީ ޕާޓީގެ ރައީސް ޑރ. މުއިއްޒުއެވެ. ޕީއެންސީގެ ކޮންގްރެސް، 15 ސެޕްޓެމްބަރު 2026 ގައި ފެށުމާ ހިސާބަށްވެސް އެ ޕާޓީއަށް ވަނީ 79،000 އަށްވުރެ ގިނަ މެމްބަރުން ސޮއިކޮށްފައެވެ.

ރާއްޖޭގައި މިވަގުތުއޮތް އެންމެ ބޮޑު ސިޔާސީ ޕާޓީއަށް ޕީއެންސީވެފައިވާއިރު، 1،000 އަށް ވުރެ ގިނަ މަންދޫބުންގެ ކުރިމަތީގައި ރައީސް ޑރ.މުއިއްޒުއަށް ވަނީ ކުރިއަށް އޮތް ރިޔާސީ ޓިކެޓްވެސް އަރުވާފައެވެ. އެމަނިކުފާނަށް ޓިކެޓު އަރުވައިދެއްވީ އެ ޕާޓީގެ ޗެއާޕާސަން އަދި ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ އެވެ.

މިއީ ޕީއެންސީގެ ރިޔާސީ ޓިކެޓު ރައީސް ޑރ. މުއިއްޒަށް އެރުވި ދެވަނަ ފަހަރެވެ. އެންމެ ފުރަތަމަ އެމަނިކުފާނަށް ރިޔާސީ ޓިކެޓު އެރުވީ 2023 ވަނަ އަހަރުގެ އޮގަސްޓް މަހުއެވެ. އެ އިންތިޚާބުގައި ރައީސް ޑރ. މުއިއްޒު ވަނީ 129,159 (54.04 އިންސައްތަ) ވޯޓު ހޯއްދަވައި، ބޮޑު ތަފާތަކުން އިންތިޚާބު ކާމިޔާބު ކުރައްވާފައެވެ.

ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ސަރުކާރުން ހޯދާފައިވާ އިގްތިސާދީ އަދި އިޖުތިމާއީ ކާމިޔާބީތަކަށް އަލިއަޅުއްވާލައްވާފައެވެ. އެގޮތުން، ވެރިކަމާ ހަވާލުވެވަޑައިގަތްއިރު ދައްކަންޖެހިފައި ހުރި ބޮޑެތި ދަރަނިތައް ދައްކައި ނިންމަވައި، ގައުމު ބަނގުރޫޓުވިޔަ ނުދީ ސަލާމަތកުރެއްވިކަން ފާހަގަކުރެއްވިއެވެ. އެގޮތުން އިންޑިއާގެ އެސްބީއައި މެދުވެރިކޮށް ނެގި 150 މިލިއަން ޑޮލަރުގެ ލޯނާއި، 524.68 މިލިއަން ޑޮލަރުގެ ސުކޫކުގެ އިތުރުން 400 މިލިއަން ޑޮލަރުގެ ކަރަންސީ ސްވޮޕް ފެސިލިޓީ ހިމެނޭހެން ޖުމްލަ 1.34 ބިލިއަން ޑޮލަރުގެ ދަރަނި މި ސަރުކާރުން ވަނީ ދައްކާފައެވެ.

އޭގެ އިތުރުން، ޒުވާނުން އަޚުލާގީ ގޮތުންނާއި ޖިސްމާނީ ގޮތުން ދުޅަހެޔޮ ބަޔަކަށް ހެދުމަށް ފެށި ”ދިވެހި ވަތަނީ ހިދުމަތް“ ޕްރޮގްރާމާއި، 700 އަށްވުރެ ގިނަ ޒުވާން ޚަތީބުން ތަމްރީނުކުރުމާއި، ކީރިތި ގުރްއާން ހިތުދަސް ހާފިޒުންގެ އަދަދު އިތުރުކުރުމަށް ކުރެވޭ މަސައްކަތթަކަކީ ވެސް ކާމިޔާބު ކަންކަމުގެ ގޮތުގައި ފާހަގަކުރެއްވިއެވެ.

ތަރައްގީގެ މަޝްރޫއުތާ ބެހޭގޮތުން ވާހަކަފުޅު ދައްކަވަމުން، ރާއްޖޭގެ އެކިކަންކޮޅުތަކުގައި 2،000 އަށް ވުރެ ގިނަ މަޝްރޫއު ހިނގަމުންދާކަމާއި، އޭގެ ތެރެއިން އެންމެ ގިނަ މަޝްރޫއުތައް ނިމިގެންދާނީ 2027 ވަނަ އަހަރު ކަމަށް ރައީސް ވިދާޅުވިއެވެ. މާލެ ސަރަހައްދުގެ ބޯހިޔާވަހިކަމުގެ ބޮޑެތި މަޝްރޫއުތައް 2028 ވަނަ އަހަރުގެ މެދުތެރެއަށް ނިންމުމަށް އަމާޒުހިފާފައިވާއިރު، ސަރުކާރުގެ ބޮޑު އަމާޒަކީ 2040 ވަނަ އަހަރަށް ދާއިރު ރާއްޖެއަކީ ތަރައްގީވެފައިވާ ގައުމަކަށް ހެދުމެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
mutholibi and saeed
"އަދަދު" ނޫސްވެރިން 2 މިނިސްޓަރަކާއި މަގުމަތިން ދިމާކޮށް ފުރައްސާރަކޮށްފި
large_thumb_1794838270108
މާފަރާއި ފޮއްދޫގައި އަލަށް ބިނާކުރި ފުލުހުންގެ މަރުކަޒު ރަސްމީކޮށް ހުޅުވައި ޚިދުމަތް ދޭން ފަށައިފި
vazeerunge majilis
ސިޔާސަތުތަކަށް ފަންނީ ތަޖުރިބާކާރުންގެ އިލްމީ ލަފާ ހޯދަން ކޮމިޓީތަކެއް އުފައްދަވަނީ
big_y0OjWZ5sc0AZ00GFfi0UbJiYK
2028 ގައި ރައީސް މުޢިއްޒަށް ދެވަނަ ދައުރެއް ދިނުމަކީ ޤައުމުގެ ހަމަޖެހުމަށް އޮތް ހަމައެކަނި މަގު: ޢަބްދުއްރަޙީމް
Ads by
މަގުބޫލު
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި