Tuesday, 17 November 2026
Ads by

ހޫޘީންނަށް ޙަމަލާދިނުމަށް ސަޢޫދީއިން ދެފަހަރު މަތީން އެދުމުން އެމެރިކާއިން އެކަމަށް އިންކާރުކޮށްފި

ހޫޘީންނަށް ޙަމަލާދިނުމަށް ސަޢޫދީއިން ދެފަހަރު މަތީން އެދުމުން އެމެރިކާއިން އެކަމަށް އިންކާރުކޮށްފި

ނިމިދިޔަ އަހަރު ވޮޝިންޓަންގައި އެމެރިކާގެ ރައީސް ޑޮނަލްޑް ޓްރަމްޕް، ސަޢޫދީ ޢަރަބިއްޔާގެ ވަލީއަހުދު މުޙައްމަދު ބިން ސަލްމާންއާއެކު. (ހައިޔުން ޖިއަންގް/ދަ ނިއު ޔޯކް ޓައިމްސް)

އެމެރިކާ އާއި ސަޢޫދީ ޢަރަބިއްޔާގެ އަސްކަރީ ގުޅުމަށް އައި ބޮޑު ބަދަލެއްގައި، ޔަމަނުގެ ހޫޘީންނަށް އެމެރިކާގެ ސީދާ ވައިގެ ޙަމަލާތަކެއް ދިނުމަށް ސަޢޫދީގެ ވަލީއަޙުދު މުޙައްމަދު ބިން ސަލްމާން (އެމް.ބީ.އެސް) އެމެރިކާގެ ރައީސް ޑޮނަލްޑް ޓްރަމްޕްގެ ކިބައިން އެދުމުން، ޓްރަމްޕް އެކަމަށް އިންކާރުކޮށްފިއެވެ.

Ad Image
Ads by

’އެކްސިއޯސް‘ އަދި ’އިސްރާއީލް ނޭޝަނަލް ނިއުސް‘ އިން ރިޕޯޓުކޮށްފައިވާ ގޮތުގައި، އީރާނުގެ މަދަދު ލިބޭ ހޫޘީން ޔަމަނުގެ މުހިންމު ރަށެއް ކަމަށްވާ މޯކާ ހިފައި، ބާބުލް މަންދަބު ކަނޑުއޮޅިއާ ދިމާލަށް ކުރިއަރަމުންދާތީ، އެމް.ބީ.އެސް ވަނީ ބުރާސްފަތި ދުވަހު ދެ ފަހަރެއްގެ މަތިން ޓްރަމްޕަށް ގުޅާފައެވެ. ނަމަވެސް އެމެރިކާއިން ސީދާ ޙަމަލާދިނުމަށް ދެކޮޅުހެދުމަކީ، މެދުއިރުމަތީގެ ހަނގުރާމަތަކުގައި ސީދާ ބައިވެރިވުމުގެ ބަދަލުގައި، ހަނގުރާމައިގެ ގެއްލުންތައް ސަރަޙައްދީ ޤައުމުތަކުން އުފުލަންޖެހޭނެކަމަށް އެމެރިކާއިން ކަނޑައަޅާފައިވާކަން ހާމަވާ ކަމެކެވެ.

ސަޢޫދީއިން މަދަދުދޭ ޔަމަނުގެ ފައުޖުތައް ފަހަތަށް ޖެހުމުގެ ފައިދާ ނަގައި، ހޫޘީން ވަނީ މޯކާ ސިޓީ ހިފާފައެވެ. މީގެ ސަބަބުން ބައިނަލްއަޤްވާމީ ވިޔަފާރިއާއި ސައުދީގެ ތެޔޮ އެކްސްޕޯޓްކުރާ މައި މަގެއް ކަމަށްވާ ބާބުލް މަންދަބު ކަނޑުއޮޅިއާ ވަރަށް ކައިރިއަށް ހޫޘީންނަށް ވަނީ އާދެވިފައެވެ. އެމެރިކާގެ ޖާސޫސީ އިދާރާތަކުން ލަފާކުރާ ގޮތުގައި، މި ސަރަޙައްދުގެ ކޮންޓްރޯލް ހޫޘީންނަށް ލިބުމަކީ، ހޮރްމޫޒް ކަނޑުއޮޅީގެ އިތުރުން ރަތް ކަނޑުގެ މަގުންވެސް ދުނިޔޭގެ ވިޔަފާރިއަށް ހުރަސްއަޅައި އެމެރިކާއަށް ފިއްތުންތައް ކުރިމަތިކުރުމަށް އީރާނަށް ލިބޭނެ އިތުރު ބާރެކެވެ.

އެމް.ބީ.އެސް ދެވަނަ ފަހަރަށް ގުޅައި، އެމެރިކާގެ ސީދާ ވައިގެ ޙަމަލާތަކެއް ދިނުމަށް އެދުމުން ޓްރަމްޕު ވަނީ އެކަމަށް ދެކޮޅުހަދާފައެވެ. ސީދާ ޙަމަލާދިނުމުގެ ބަދަލުގައި، އެމެރިކާއިން ނިންމާފައިވަނީ ހޫޘީންގެ މަޤާމުތައް ދެނެގަތުމަށް ބޭނުންވާ ޖާސޫސީ މަޢުލޫމާތާއި ޓާގެޓްތައް ސަޢޫދީއަށް ފޯރުކޮށްދިނުމަށެވެ. މިކަމުގައި އެހީތެރިވުމަށް އެމެރިކާގެ 200 އެއްހާ ސިފައިން މިހާރުވެސް ސަޢޫދީގައި ޙަރަކާތްތެރިވަމުންދެއެވެ.

މި މައްސަލައިގެ ސީރިއަސްކަމާ ގުޅިގެން، އެމެރިކާގެ ސެންޓްރަލް ކޮމާންޑުގެ ވެރިޔާ އެޑްމިރަލް ބްރެޑް ކޫޕަރ ވަނީ ބުރާސްފަތި ދުވަހު ސަޢޫދީއަށް ޒިޔާރަތްކޮށްފައެވެ. ޓްރަމްޕް ސަރުކާރުގެ އިސް އޮފިޝަލަކު ހާމަކުރި ގޮތުގައި، ރަތް ކަނޑުގެ ސަލާމަތްތެރިކަން ކަށަވަރުކުރުމަކީ އެމެރިކާގެ އަމާޒެއް ނަމަވެސް، އެމެރިކާއިން ބޭނުންވަނީ މިފަދަ ހަނގުރާމަތަކުގައި ސަރަޙައްދީ ބައިވެރިން އިސްނަގައިގެން ޙަރަކާތްތެރިވުމަށެވެ. މިއީ އެމެރިކާގެ އަސްކަރީ ފައުޖުތަކަށް ލިބިދާނެ ގެއްލުމަކުން ސަލާމަތްވުމަށްޓަކައި، އެ ޤައުމުގެ މަސްލަޙަތު ޙިމާޔަތްކުރުމަށް ސަރަޙައްދީ ޤައުމުތައް ބޭނުންކުރަމުންދާކަން ދައްކައިދޭ ކަމެކެވެ.

Ads by
މިލިޔުމާއި ގުޅޭ

ކޮމެންޓް

guest
0 ކޮމެންޓް
ކުރީގެ
ފަހުގެ އެންމެ ގިނަ ވޯޓް
ހަބަރުގެ ތެރެއިން ހިޔާލު
...ހިޔާލުތައް ކިޔާލުމަށް
Ads by
ފަހުގެ ޚަބަރު
7e4540a4-916a-4870-a24f-014e071673d4
އިސްތިސްނާއެއް ނެތި ހުރިހާ ދާއިރާއަކުން އަމަލީ ނަތީޖާ ނެރެދެވިއްޖެ: ރައީސް
9b5b4d8e-b840-4da1-851e-160614c56bed
އުމްރާނީ ތަރައްގީގެ ފުރިހަމަ މާނަ ނުކުންނާނީ އިހުތިރާމު ކުރުމުގެ ސިފަ އަށަގަނެގެން: ރައީސް
original
އެކަމަކީ ޤައުމަށް ފައިދާވާ ކަމެއްނަމަ ނުރުހުން އަމާޒުވިޔަސް ކުރައްވާނަން: ރައީސް
Raees 564
ދަރަންޏާއި ބިލުތަކަށް ބޮޑު ހޭދައެއްކޮށް، ބަޖެޓު ޑެފިސިޓް އެއް އަކުރަށް ތިރިކޮށްފިން: ރައީސް
Ads by
މަގުބޫލު
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި
IMG_3293
2015 ގައި މާބަނޑު އަންހެނަކު މަރުވި އެކްސިޑެންޓް: ފިރިމީހާއާއި ދަރިފުޅު މަރުގެ ދިޔަ ބޭނުމެއް ނުވި
Dhivehi Raeesun 123
ޖުމުހޫރީ ދުވަސް: އަމިއްލަ މިނިވަންކަމާއި، ސިޔާދަތާއި އިސްތިޤުލާލުގެ ތާރީޚީ ރަމުުޒު
Adam Azim 1414
ވެރިކަމުގައި އިބޫ ނުވަތަ ނަޝީދު ހުންނެވި ނަމަ ރަސްމާލެ އޯކޭ: އާޒިމް
Moosun2525
ދުނިޔޭގެ މޫސުމަށް ބޮޑެތި ބަދަލުތަކެއް އަތުވެދާނެ ކަމުގެ އިންޒާރު ނާސާއިން ދީފި