މާލޭގައި ހިންގި މާރާމާރީއެއްގައި މީހަކަށް އަނިޔާވެއްޖެއެވެ.
މާލެ، ގަލޮޅު، ހުވަފެނީގޯޅީގައި ބަޔަކު މާރާމާރީ ހިންގާ ކަމުގެ މައުލޫމާތު 2026 ސެޕްޓްމްބަރު 17 ވަނަ ދުވަހުގެ ދަންވަރު 02:32 އެހައިކަންހާއިރު ދިވެހި ފުލުހުންގެ ޚިދުމަތަށް ރިޕޯޓްކޮށްފައިވާ ކަމަށް ފުލުހުންގެ ޚިދުމަތުން ވަނީ މައުލޫމާތު ދެއްވާފައެވެ.
މި މާރާމާރީގައި އަނިޔާވެފައިވަނީ އުމުރުން 35 އަހަރުގެ ދިވެހި ފިރިހެނަކަށެވެ. އެ މީހާއަށް ލިބުނު އަނިޔާތަކާ ގުޅިގެން ފަރުވާދިނުމަށްޓަކައި ވަނީ ވިލާ މެޑިކަލް އަދި އައިޖީއެމް ހޮސްޕިޓަލަށް ގެންގޮސްފައެވެ. މައުލޫމާތު ލިބިފައިވާގޮތުމް ޒަހަމް ވެފައި ވަނީ މއ. ނައިޓްވިލާ، އިބްރާހިމް އަބްދުﷲ (ގައްބަރޭ) އެވެ. އޭނާއަކީ ބޮޑެތި މާރާމާރީތަކުގެ ކުށުގެ ރެކޯޑްވެސް އޮތް ފަރާތެކެވެ.
މި މައްސަލަ ފުލުހުންނާއި ކަމާބެހޭ އިދާރާތައް ގުޅިގެން އިތުރަށް ތަހުގީގު ކުރަމުންދާ ކަމަށް މައުލޫމާތު ލިބިފައިވެއެވެ.
