ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމްގެ ވެރިކަމުގައި ހިންގެވި ކޮރަޕްޝަނާއި ހިންގެވި ޚުދުމުޚުތާރު އަމަލުތައް ހަނދާންކޮށްދެއްވައި، ރައްޔިތުންގެ މަޖިލީހުގެ އިނގުރައިދޫ ދާއިރާގެ މެންބަރު އަދި މަޖިލީހުގެ މެޖޯރިޓީ ލީޑަރު އިބްރާހީމް ފަލާޙު ވަރުގަދަ ރައްދެއް ދެއްވައިފިއެވެ.
ފަލާޙު މިފަދައިން ރައްދު ދެއްވީ، ޕީޕަލްސް ނެޝަނަލް ފްރަންޓް (ޕީއެންއެފް) އިން ބޭއްވި ”ފެހި ސިގްނަލް“ ޖަލްސާގައި ވާހަކަފުޅުދައްކަވަމުން، ރައްޔިތުން ނިކަމެތި ހާލުގައި ތިއްބާ ސަރުކާރަށް ސަނާކިޔާ ވަކި ބަޔަކު މުއްސަނދިވަމުންދާ ކަމަށާއި، ސަރުކާރުގެ ކޮރަޕްޝަންގެ ސަބަބުން ރައްޔިތުން ރުޅިއަންނަ ކަމަށް ވިދާޅުވެ ރައީސް ޔާމީން ދެއްކެވި ވާހަކަފުޅުތަކާ ގުޅިގެންނެވެ.
މެންބަރު ފަލާޙު ސޯޝަލް މީޑިއާ ޕްލެޓްފޯމް ’އެކްސް‘ ގައި ކުރެއްވި ޕޯސްޓެއްގައި ވިދާޅުވީ، އިންސާނާގެ ލަދުހަޔާތް ނެތިއްޖެނަމަ ކޮންމެފަދަ ވާހަކައެއް ވެސް ދައްކަފާނެ ކަމަށެވެ. އަދި ކޮރަޕްޝަން ހިންގުމުގައި ދުނިޔޭގެ ފެންވަރުގެ ރެކޯޑު ރާއްޖޭގައި ހެދީ ރައީސް ޔާމީން އިސްވެ ހުންނަވައިގެން ހިންގެވި ވެރިކަމުގައި ކަމަށާއި، އޭރުގެ އެންޓި ކޮރަޕްޝަން ކޮމިޝަން (އޭސީސީ) އޮތީ ”ކޯމާއެއްގައި“ ބާއްވާފައިކަން މި ޤައުމުގައި ނުދަންނަ މީހަކު ނޫޅޭނެ ކަމަށް ވިދާޅުވެ ފަލާޙު ވަނީ ވަރަށް ބޮޑަށް ފާޑުވިދާޅުވެފައެވެ.
އިންސާނާގެ ލަދުހަޔާތް ނެތިއްޖެނަމަ ދެން ހަމަ
ކޮންމެފަދަ ވާހަކައެއްވެސް އޭނާ ދައްކަފާނެއެވެ. ކަރަޕްޝަން ހިންގުމުން ދުނިޔޭގެ ފެންވަރުގެ ރެކޯޑް ރާއްޖޭގައި ހެދީ މީނާއިސްވެ ހުރެ ހިންގިވެރިކަމުގައިކަމާއި، އޭރު ގެ އެންޓި ކަރަޕްޝަންކަމިިޝަން މިކަލޭގެ ބޭއްވީ ކޯމާގައި ކަން ނުދަންނަ މީހަކު… pic.twitter.com/oimy0W14qZ— Ibrahim Falah (@IbrahimFalahR) September 11, 2026
ޔާމީންގެ ޒާތީ މުއްސަނދިކަމަށް އިޝާރާތް ކުރައްވަމުން ފަލާޙު ވިދާޅުވީ، ގ. ދޫވެހި ނަމުގައި އެޅި ގަނޑުވަރާއި، މިހާރު ހަމަ އެ ނަމުގައި ހެންވޭރު ކޮޅުގައި އަޅުއްވަމުން ގެންދަވާ 18 ބުރީގެ 5 ތަރީގެ ހޮޓަލަކީ ކޮން ތަނެއް ”ދަވާލައިގެން“ އެޅި ތަންތަންތޯ ސުވާލުކުރާ މީހުން މަދު ނޫން ކަމަށެވެ. އަދި ސިންގަޕޫރާއި ދުބާއީގެ ފިކްސްޑް ޑިޕޮޒިޓް އަދި އިންވެސްޓްމަންޓް އެކައުންޓްތަކުގައި ހުރި ޑޮލަރުތަކުގެ މަތިން ހަމަގައިމުވެސް އެމްޑީޕީގެ މީހުން ހަނދާން ނުނެތޭނެ ކަމަށް ވެސް އޭނާ ފާހަގަކުރެއްވިއެވެ.
މީގެއިތުރުން، ރައްޔިތުން ކަންބޮޑުވެ ފިތިބާރުވެ، ރުޅިގަދަވެގެން ޔާމީން ވެރިކަމުން ބޭލި ހަނދާން ނެތުނީތޯ ސުވާލު އުފައްދަވަމުން، އެމަނިކުފާނުގެ ވެރިކަމުގައި ހިނގައިދިޔަ ކަންކަން ފަލާޙު ވަނީ ހަނދާންކޮށްދެއްވާފައެވެ. އޭގެ ތެރޭގައި ހިމެނެނީ:
- ސުޕްރީމް ކޯޓުގެ ބެންޗު ބޭނުން ގޮތަކަށް ބަދަލުކުރުން.
- ސުޕްރީމް ކޯޓުގެ ޓިނު ނަގައިގެން، އެ ކޯޓުގެ ފަނޑިޔާރުންނާއި އުއްތަމަ ފަނޑިޔާރު ހައްޔަރުކޮށް ޖަލަށްލުން.
- ޕާޓީ ބަދަލުކުރުމުން މަޖިލިސް މެންބަރުންގެ ގޮނޑި ގެއްލޭ ގޮތަށް ޤާނޫނު ފާސްކޮށް، މިނިވަން މުއައްސަސާތައް ޕެރަލައިޒް ކޮށްލުން.
- އޭރު ޤައުމުގައި ތިއްބެވި ހުރިހާ ސިޔާސީ ލީޑަރުން ހައްޔަރުކުރުން.
- ވެރިކަމުގައި ހުންނަވައިގެން ނައިބު ރައީސުންނާއި އުއްތަމަ ފަނޑިޔާރު މަޤާމުން ވަކިކުރުމެވެ.
ފަލާޙުގެ ޕޯސްޓް ނިންމަވާލައްވަމުން ވިދާޅުވީ، މި ވާހަކަތައް ދައްކާނެ މީހަކު މިއަދު ނެތް ކަމަށް ހީކުރައްވައި ރައީސް ޔާމީން ”ހުދުކާފޫރަށް“ ބަދަލުވެއްޖެ ކަމަށެވެ. އަދި އަމިއްލަ އަމިއްލައަށް ތިމަންނައަކީ ”ރައީސް ޔާމީން“ އޭ ނިދީގައި ވެސް ވިދާޅުވަމުން ގެންދަވަނީ އެ ސަބަބާ ހުރެ ކަމަށް ވިދާޅުވެ ފަލާޙު ވަނީ ޔާމީނަށް ވަރުގަދަ ބަހުގެ ހަމަލާއެއް ދެއްވާފައެވެ.
ޒާތީ މުއްސަނދިކަމެއްނޫން ދެލޯފިޅާ އެއްވެސް ވެރިޔަކަޢް ރިޔާސީ ދައުރުގަ ގަނޑުވަރެއް ބިނާކުރެވުނުތަ ޔާމީނަޢް ނޫނީ ކޮންތާމުންތޯ?ލަަރި ހޮވަި ހައިމު ރައީސްމީހާއަޢް މަހަކު ލިބޭ ލައްކައެއްހާ ރުފިޔާ އާމީން އެކަމެއްނުވާނެ ނާއިލްވެސް ސިނކުނޑި ބަހައްޓައިހެން ލިޔެލަބަލަ