ރާއްޖޭގެ ކަނޑުފަޅުގެ މާހައުލު ރައްކާތެރިކޮށް، ދެމެހެއްޓެނިވި ގޮތެއްގައި ތިމާވެށި ހިމާޔަތްކުރުމަށް ކުރަމުން އަންނަ މަސައްކަތްތަކަށް އެއްބާރުލުން ދިނުމުގެ ގޮތުން، ނިވަ ކުރުނބާ މޯލްޑިވްސްގައި ކުރިއަށްގެންދާ މުރަކަ އިންދުމުގެ ޕްރޮގްރާމުގައި ބޭންކް އޮފް މޯލްޑިވްސް (ބީއެމްއެލް) އިން ބައިވެރިވެއްޖެއެވެ.
އެ ރިސޯޓުގެ ފަރުތައް އާލާކުރުމުގެ މަގުސަދުގައި ކުރިއަށްގެންދިޔަ މި ހަރަކާތުގައި ބީއެމްއެލްގެ ސީއީއޯ އަދި މެނޭޖިންގ ޑިރެކްޓަރ މުޙައްމަދު ޝަރީފްގެ އިތުރުން، ބޭންކުގެ އިސްވެރިންނާއި މުވައްޒަފުންގެ އިތުރުން އެ ރިސޯޓުގައި ޗުއްޓީ ހޭދަކުރަމުންދިޔަ ފަތުރުވެރިން ވަނީ އަމަލީ ގޮތުން ބައިވެރިވެ، މުރަކަ އިންދުމުގައި އެހީތެރިވެދީފައެވެ.
We joined a coral planting activity at Niva Kurumba Maldives, supporting the ongoing efforts to protect and restore the country’s marine ecosystems. 🪸
Our CEO and MD, Mohamed Shareef, members of the Bank’s leadership team, staff, along with tourists staying at Niva Kurumba… pic.twitter.com/sINrN6LvUT
— Bank of Maldives (@bankofmaldives) September 7, 2026
ނިވަ ކުރުނބާ މޯލްޑިވްސް އަކީ ކަނޑުތަކުގެ ދިރުންތައް ހިމާޔަތްކުރުމަށާއި ފަރުތައް އާލާކުރުމަށް ހިންގާ ހަރަކާތްތަކުގައި އާންމުން ބައިވެރިކުރުމަށް އަބަދުވެސް ފުރުސަތު ފަހިކޮށްދެމުން އަންނަ ފަރާތެކެވެ.
މިފަދަ ތިމާވެށީގެ ހަރަކާތްތަކަށް އަބަދުވެސް އެއްބާރުލުން ދެމުން އަންނަ ބީއެމްއެލްއިން ވަނީ މީގެ ކުރިން ވެސް ރާއްޖޭގެ އެކި ހިސާބުތަކުގައި ފަރުތައް އާލާކުރުމުގެ މަޝްރޫއުތަކަށް އެހީތެރިކަން ފޯރުކޮށްދީފައެވެ. އޭގެ ތެރޭގައި ގދ. ވާދޫގައި ”ވާދޫ އެސޯސިއޭޝަން ފޮ ފިއުޗަރ ޑިވެލޮޕްމަންޓް“ އިން ކުރިއަށްގެންދިޔަ މަޝްރޫއާއި، ބ. ދަރަވަންދޫގައި ހިންގި ”މުރަކަ ފާމް އިނިޝިއޭޓިވް“ ފާހަގަކޮށްލެވެއެވެ.
