އެމެރިކާގެ އަސްކަރިއްޔާއިން އީރާނުގެ 3 ތެޔޮ މަނަވަރަކަށް ހަމަލާދީ ހަލާކުކޮށްލުމާ ގުޅިގެން، ބަދަލުހިފުމުގެ ގޮތުން އީރާނުގެ އައި.އާރު.ޖީ.ސީ އިން އެމެރިކާގެ 3 އަސްކަރީ މަނަވަރަށާއި، ބައިނަލްއަޤްވާމީ 3 ތެޔޮ ބޯޓަކަށް މިސައިލާއި ޑްރޯން ހަމަލާތަކެއް ދީފިއެވެ.
އީރާނުގެ ރަސްމީ މީޑިއާއިން ބުނާ ގޮތުގައި، މި ހަމަލާތަކަކީ ހޮރްމުޒް ކަނޑުއޮޅީގައި އެމެރިކާއިން ހިންގާ ޣައިރުޤާނޫނީ ހަރަކާތްތަކަށް ރައްދު ދިނުމުގެ ގޮތުން ދިން ހަމަލާތަކެކެވެ. އެމެރިކާގެ ސެންޓްކޮމްއިން ބުނަނީ އީރާނުން ހަމަލާދިން ނަމަވެސް، އީރާނުގެ އަސްކަރިއްޔާއަށް ޚަރަދުކުރުމަށް ބޭނުންކުރާ ”ޝެޑޯ ފްލީޓް“ ގެ ތެޔޮ ބޯޓުތައް ޙަލާކުކުރުމުގެ އޮޕަރޭޝަންތައް ހުއްޓާނުލައި ކުރިއަށްގެންދާނެ ކަމަށެވެ.
އީރާނުން ވަނީ އެމެރިކާގެ މަނަވަރުތަކުގެ އިތުރުން، އެމެރިކާގެ ސިޔާސަތުތަކަށް ތާއީދުކުރާ އާންމު ތެޔޮ ބޯޓުތަކަށްވެސް ޙަމަލާދީފައެވެ. އެމެރިކާއިން ދަނީ އީރާނުގެ ސިއްރު ތެޔޮ ނެޓްވޯކްގެ ބޯޓުތައް ނައްތާލައި، އައި.އާރު.ޖީ.ސީ އަށް ލިބޭ މާލީ ފައިދާތައް ހުއްޓުވުމަށް މަސައްކަތް ކުރަމުންނެވެ.
