މާލެއިން 25 އަހަރުގެ ޒުވާނަކު ގެއްލިގެން ހޯދުމުގެ މަސައްކަތް ދިވެހި ފުލުހުންގެ ހިދުމަތުން ފަށައިފިއެވެ.
ގެއްލިގެން ހޯދަމުންދަނީ ލ. މުންޑޫ / ގުލްޒާރުގެ، މަރްޔަމް މާއީ ޖަމީލް (25އ) އެވެ. މިކަމާ ގުޅިގެން ފުލުހުން ބުނެފައިވަނީ، މަރްޔަމް މާއީ ޖަމީލް ވީނުވީއެއް ނޭނގި ގެއްލިގެން އާއިލާގެ ފަރާތުން ރިޕޯޓު ކޮށްފައިވާ ކަމަށެވެ. އެހެންކަމުން އޭނާ ހޯދުމުގެ މަސައްކަތް ކުރަމުންދާ ކަމަށް ފުލުހުން ވަނީ ބުނެފައެވެ.
މިވަގުތު މާލޭގައި ދިރިއުޅެމުން އަންނަ މަރްޔަމް މާއީ ޖަމީލް ގެއްލިގެން ފުލުހުންނަށް ރިޕޯޓުކޮށްފައިވަނީ، މި މަހުގެ 1 ވަނަ ދުވަހުގެ ފަތިހުގެ ވަގުތުގައި ކަމަށް ފުލުހުން ވަނީ މައުލޫމާތުދީފައެވެ.
ފުލުހުން ވަނީ، މަރްޔަމް މާއީ ޖަމީލާ ގުޅޭ އެއްވެސް މައުލޫމާތެއް ލިބިފައިވާ ފަރާތެއްވާނަމަ ހެންވޭރު ޕޮލިސް އިންވެސްޓިގޭޝަންގެ ނަންބަރު 9400053 ނުވަތަ ފުލުހުންގެ ހޮޓްލައިން ނަންބަރު 3322111 އަށް ގުޅައި އޭނާގެ މައުލޫމާތު ހިއްސާކުރުމަށް އެދިފައެވެ.
