ޗައިނާ ސަރުކާރުގެ ހިލޭ އެހީގައި މާލޭގައި ތަރައްގީކުރި ޗައިނާ – މޯލްޑިވްސް ފްރެންޑްޝިޕް ބްރިޖަކީ ރާއްޖެއާއި ޗައިނާ ގުޅުވައިދޭ އެއްބައިވަންތަކަމާއި އުންމީދުތަކުގެ ރަމްޒެއް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު ވިދާޅުވެއްޖެއެވެ.
ރައީސް މުޢިއްޒު މި މޭރުމުން ވިދާޅުވީ، ޗައިނާ – މޯލްޑިވްސް ފްރެންޑްޝިޕް ބްރިޖު ބިނާކޮށް އާންމުންނަށް ހުޅުވާލިތާ 8 އަހަރު ފުރުމާ ގުޅިގެން މީސް މީޑިއާގައި ހިއްސާކުރެއްވި ޕޯސްޓެއްގައެވެ. އެމަނިކުފާނު ވިދާޅުވީ، މާލެއާއި ހުޅުލެ އަދި ހުޅުމާލެ ގުުޅުވައިދިން ސިނަމާލެ ބްރިޖަށް 8 އަހަރުފުރިގެންދާއިރު، މި ބްރިޖު ވެގެންގޮސްފައިވަނީ ދެ ގައުމުގެ ދެމެދުގައިވާ ދެމެހެއްޓެނިވި ގަދަފަދަ ރަމްޒަކަށް ކަމަށެވެ.
Eight years ago today, the China–Maldives Friendship Bridge was opened as a powerful symbol of the enduring friendship between our two nations, connecting our Capital, Malè to the Airport and Hulhumalé.
More than infrastructure, it represents the trust, solidarity and shared… pic.twitter.com/8mxqD6POyL
— Dr Mohamed Muizzu (@MMuizzu) August 30, 2026
ސިނަމާލެ ބްރިޖަކީ ހަމައެކަނި އުމްރާނީ ތަރައްގީގެ ވަސީލަތެއް ނޫން ކަމަށާއި އެއީ ރާއްޖެ އާއި ޗައިނާ ގުޅުވައިދޭ އިތުބާރާއި އެއްބައިވަންތަކަމުގެ ރަމްޒެއް ކަމަށް ވެސް ރައީސް ވަނީ ވިދާޅުވެފައެވެ. ހަމައެހެންމެ ޗައިނާގެ ރައީސް ޝީ ޖިންޕިންގެ ލީޑަރޝިޕްގެ ދަށުން، ދެ ގައުމުގެ ބައިވެރިވުން ކުރިއަށްވުރެ ބޮޑަށް ވަރުގަދަވަމުންދާ ކަމަށް ވެސް އެމަނިކުފާނު ވިދާޅުވިއެވެ.
ރައީސް މުޢިއްޒު ވަނީ، ރާއްޖެއިން ޗައިނާއާއެކު އޮތް ރަހުމަތްތެރިކަން އާލާކޮށް އެކުވެރިކަން އިތުރަށް ވަރުގަދަކުރުމުގައި ދެމިއޮންނާނެކަމުގެ ޔަގީންކަން ދެއްވައިފައެވެ.
ސިނަމާލެ ބްރިޖަކީ ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމްގެ ވެރިކަމުގައި ހުޅުވި ބްރިޖެކެވެ. ތިން އަހަރު ތެރޭގައި މުޅި މަސައްކަތް ނިންމައި ބްރިޖު ރަސްމީކޮށް ހުޅުވީ 30 އޮގަސްޓް 2018 ވަނަ ދުވަހުއެވެ. މި ބްރިޖުގެ މަސައްކަތްތައް ކުރިއަށްދިޔަ ގޮތް އެންމެ ކައިރިން ބައްލަވަމުން ގެންދެވީ އޭރުގެ ހައުސިންގ މިނިސްޓަރުގެ މަގާމުގައި ހުންނެވި މިހާރުގެ ރައީސް ޑރ. މުޙައްމަދު މުޢިއްޒެވެ.
