ޝަރުއީ ދާއިރާއަށް ދިގު މުއްދަތަކަށް ހިދުމަތްކުރެއްވި ބޭފުޅަކު ކަމުގައިވާ، އަލްއުސްތާޛު ޢަލީ ޝަފީޤް އަވަހާރަވުމާ ގުޅިގެން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ތައުޒިޔާގެ މެސެޖެއް ފޮނުއްވައިފިއެވެ.
ޢަލީ ޝަފީޤް އަވަހާރަވުމުގެ ހިތާމާގައި މީސް މީޑިއާގައި ހިއްސާކުރި މެސެޖެއްގައި ރައީސް މުޢިއްޒު ވިދާޅުވީ، ޝަރުއީ ދާއިރާގައި 34 އަހަރަށްވުރެ ދިގު މުއްދަތެއްގައި ހިދުމަތްކުރައްވައިފައިވާ، ބޭފުޅަކު ކަމުގައިވާ، މެޖިސްޓްރޭޓް ރިޓަޔަރޑް އަލްއުސްތާޛު ޢަލީ ޝަފީޤް އަވަހާރަވުމުގެ ހިތާމައިގައި، އެ އާއިލާއަށާއި ޝަރުއީ އަދި ގާނޫނީ ދާއިރާގައި ހިދުމަތްކުރައްވާ ހުރިހާ ފަރާތްތަކަށް ތައުޒިޔާ ދަންނަވާ ކަމަށެވެ.
إِنَّا لِلَّٰهِ وَإِنَّا إِلَيْهِ رَاجِعُونَ،
ޝަރުޢީ ދާއިރާގައި 34 އަހަރަށްވުރެ ދިގު މުއްދަތެއްގައި ޚިދުމަތްކުރައްވައިފައިވާ، މެޖިސްޓްރޭޓް ރިޓަޔަރޑް އަލްއުސްތާޛު ޢަލީ ޝަފީޤް އަވަހާރަވުމުގެ ހިތާމައިގައި، އެ ޢާއިލާއަށާއި ޝަރުޢީ އަދި ޤާނޫނީ ދާއިރާގައި ޚިދުމަތްކުރައްވާ ހުރިހާ… pic.twitter.com/1EmOopsZzL— Dr Mohamed Muizzu (@MMuizzu) August 25, 2026
ޝަރުއީ ދާއިރާގައި ހިދުމަތްކުރެއްވުމުގެ އިތުރުން ޢަލީ ޝަފީޤަކީ، ދ. މީދޫގައި އަދި ހުޅުމާލޭގައި ކީރިތި ގުރުއާން އުނގަންނައި ދެއްވުމުގެ މަސައްކަތް، ދިގު މުއްދަތެއްގައި ކުރެއްވި، ދީނަށް ލޯބިކުރައްވާ، ހުލްގު ހެޔޮ، މުޖްތަމައުގެ އިހްތިރާމް ލިބިވަޑައިގެން ހުންނެވި ގާރީއެއް އަދި އެދުރެއް ކަމަށް ވެސް ރައީސްގެ މެސެޖުގައި ފާހަގަކުރައްވާފައިވެއެވެ.
ހަމައެހެންމެ، ރައީސް މުޢިއްޒު ވަނީ މާތްﷲ ގެ ތަނަވަސް ރަހުމަތްފުޅާއި ރުހިވޮޑިގަތުމުގައި، ސުވަރުގޭގެ ދާއިމީ ނިއުމަތުގައި މަރްހޫމް ޢަލީ ޝަފީޤް ލެހެއްޓެވުމަށް އެދިވަޑައިގެން ދުއާދަންނަވައިފައެވެ.
