އދ. ހަންޏާމީދޫގައި ޒަމާނީ ފެންވަރަށް ތަރައްގީކުރަމުން އަންނަ ފުޓުބޯޅަ ދަނޑުގެ މަސައްކަތުގެ ބޮޑުބައެއް ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން ނިންމާލައިފިއެވެ،
ޕަބްލިކް ސެކްޓަރ އިންވެސްޓްމަންޓް ޕްރޮގްރާމް (ޕީއެސްއައިޕީ) ގެ ދަށުން ކުރިއަށްގެންދާ މި މަޝްރޫއުގެ ދަށުން މިވަގުތު އެންމެ އިސްކަމެއް ދީގެން ކުރިއަށްދަނީ ފުޓުބޯޅަ ދަނޑުގެ ސަބް-ބޭސް މަސައްކަތްތައް ކަމަށް އެ ކުންފުނިން ވަނީ މައުލޫމާތުދީފައެވެ.
ޕަބްލިކް ސެކްޓަރ އިންވެސްޓްމަންޓް ޕްރޮގްރާމްގެ ދަށުން، އދ. ހަންޏާމީދޫގައި އަޅަމުންދާ ފުޓުބޯޅަ ދަނޑުގެ ސަބް-ބޭސް މަސައްކަތުގެ 85 އިންސައްތަ ވަނީ ނިމިފައި. #TeamRDC pic.twitter.com/ROm90vDNR9
— Road Development Corporation Ltd (@rdcmaldives) August 23, 2026
ފާހަގަކޮށްލެވޭ ގޮތުގައި މި ސަރުކާރުން އަންނަނީ ކުޅިވަރުގެ ދާއިރާއަށް ހާއްސަކޮށްގެން ރާއްޖޭގެ އެކި ކަންކޮޅުތަކުގައި ތަފާތު އެކި މަޝްރޫއުތައް ހިންގަމުންނެވެ. އެގޮތުން ފުޓުބޯޅަ ދަނޑުތަކާއި، ފުޓްސަލް ދަނޑުތަކުގެ އިތުރުން ވޮލީ ކޯޓުތައް އަންނަނީ ތަރައްގީކުރަމުންނެވެ.
އާރްޑީސީގެ އަމާޒަކީ ކަނޑައެޅިފައިވާ ތާވަލާ އެއްގޮތަށް މަޝްރޫއުތައް ނިންމައި، ރައްޔިތުންނަށް މިތަންތަނުގެ ބޭނުން ވީ އެންމެ އަވަހަކަށް ހިފޭނެގޮތް ހަދައިދިނުމެވެ.
