މި. ދިއްގަރުގެ ކަރަންޓުގެ ހިދުމަތް މިހާރަށްވުރެ އިތުރަށް ހަރުދަނާކޮށް އެ ރަށުގެ ކަރަންޓް އުފެއްދުމުގެ ގާބިލުކަން އިތުރުކުރުމަށްޓަކައި އެ ރަށަށް އާ ޖަނަރޭޓަރު ސެޓެއް ގެންގޮސްފިއެވެ.
މިކަމާ ގުޅިގެން އެ ރަށުގައި ކަރަންޓުގެ ހިދުމަތް ފޯރުކޮށްދެމުން އަންނަ ސްޓެލްކޯއިން ބުނެފައިވަނީ، ދިއްގަރުގެ ކަރަންޓުގެ ހިދުމަތް އިތުރަށް ހަރުދަނާކޮށް، ރަށުގެ ކަރަންޓު އުފެއްދުމުގެ ގާބިލުކަން އިތުރުކުރުމަށްޓަކައި 360 ކިލޯވޮޓްގެ ޖަނަރޭޓަރު ސެޓެއް އެ ރަށަށް ގެންގޮސް ކޮމިޝަންކޮށް ބޭނުން ކުރަން ފަށާފައިވާ ކަމަށެވެ.
މ. ދިއްގަރުގެ ކަރަންޓުގެ ޚިދުމަތް އިތުރަށް ހަރުދަނާކޮށް، ރަށުގެ ކަރަންޓު އުފެއްދުމުގެ ގާބިލްކަން އިތުރުކުރުމަށްޓަކައި 360 ކިލޯވޮޓްގެ ޖަނަރޭޓަރު ސެޓެއް އެ ރަށަށް ގެންގޮސް ކޮމިޝަންކޮށް މިހާރު ވަނީ ބޭނުން ކުރަން ފަށާފައި. މި ޖަނަރޭޓަރު ސެޓާއެކު، ދިއްގަރުގެ ކަރަންޓުގެ ޖެނެރޭޝަން… pic.twitter.com/f7jhkvTNNO
— STELCO (@STELCOMALDIVES) August 21, 2026
އަދި މި ޖަނަރޭޓަރު ސެޓާއެކު، ދިއްގަރުގެ ކަރަންޓުގެ ޖެނެރޭޝަން ކެޕޭސިޓީ އިތުރުވެ، ރައްޔިތުންނަށް އެކަމުގެ ފަސޭހަތައް ލިބިގެންދިއުމުގެ އިތުރުން ރަނގަޅު ފެންވަރެއްގައި ކަރަންޓުގެ ހިދުމަތް ފޯރުކޮށްދިނުމަށް މަގުފަހިވެގެންދާނެ ކަމަށް ވެސް އެ ކުންފުނިން ވަނީ ބުނެފައެވެ.
ސްޓެލްކޯއިން އަންނަނީ މާލޭ ސަރަހައްދުގެ އިތުރުން އަތޮޅުތެރޭގެ ބައެއް ރަށްރަށުގައި ވެސް ކަރަންޓުގެ ހިދުމަތް ފޯރުކޮށްދެމުންނެވެ. ސްތެލްކޯއިން އަންނަނީ އެ ރަށްރަށުގައި ފޯރުކޮށްދެމުން އަންނަ ކަރަންޓުގެ ހިދުމަތްތައް މިހާރަށްވުރެ ބޮޑަށް ފުޅާކުރުމަށް ވެސް ވަރަށް މުހިއްމު ގިނަ މަސައްކަތްތަކެއް ކުރަމުންކަން ފާހަގަކޮށްލަންޖެހެއެވެ.
