އިންޑިއާގެ އާންދްރާ ޕްރަދޭޝްގެ ވިސާކަޕަޓްނަމްގެ އަމިއްލަ ސްކޫލެއްގައި، ފިލާވަޅު ނުނިންމާ އޮތުމުން ޓީޗަރަކު ދިން ޙަމަލާއަކަށްފަހު 6 އަހަރުގެ ކުޑަކުއްޖަކު ހޭނެތިގެން ވެއްޓި މަރުވި ހާދިސާއަކާ ގުޅިގެން މުޅި އިންޑިއާގައި ބޮޑު ކަންބޮޑުވުމަކާއި ނުރުހުންތެރިކަމެއް އުފެދިއްޖެއެވެ. މަރުވެފައިވަނީ ”ލިޓްލް ގާޑަން ސްކޫލް“ ގައި ޔޫ.ކޭ.ޖީ ގައި ކިޔަވަމުންދިޔަ ޕްރަނޭ ތޭޖާ ކިޔާ 6 އަހަރުގެ ފިރިހެން ކުއްޖެކެވެ. މި ހާދިސާ ހިނގާފައިވަނީ ކްލާސްރޫމުގެ ސީސީޓީވީ ކެމެރާއަށް ރެކޯޑުވެފައިވަނިކޮށެވެ.
A 6-year-old went to school, but never came back home. 💔
No child should ever lose their life in a place meant for learning and safety. Justice must be served. 🙏 pic.twitter.com/bku4tyDedF
— Aanvi Singh ( HINDU ) (@madanmo95322469) August 21, 2026
ވީޑިއޯއިން ފެންނަ ގޮތުގައި، ހޯމްވޯކް ނުނިންމުމުން ޓީޗަރު އެ ކުއްޖާއާ ސުވާލުކޮށް ކުއްޖާގެ ޔުނިފޯމުގައި ހިފައި ގާތަށް ދަމައިގަތުމަށްފަހު ވަނީ ކަންފަތްމަތީގައި ޖަހާފައެވެ. އެއާއެކު ކުއްޖާ ވަގުތުން ހޭނެތިގެން ޓީޗަރުގެ އުނގުމައްޗަށް ވެއްޓުނެވެ. ކުއްޖާ ހޮސްޕިޓަލަށް ގެންދިޔައިރުވެސް މަރުވެފައިވާކަމަށް ޑޮކްޓަރުން ވަނީ ކަށަވަރުކޮށްދީފައެވެ. ފުލުހުން ވަނީ ޝައްކުކުރެވޭ މަރުގެ މައްސަލައެއްގެ ގޮތުގައި މި މައްސަލަ ރެޖިސްޓްރީކޮށް ތަޙުޤީޤު ފަށާފައެވެ.
އާންދްރާ ޕްރަދޭޝްގެ އެޑިއުކޭޝަން މިނިސްޓަރު ނާރާ ލޯކޭޝް ވަނީ މި ހާދިސާ ކުށްވެރިކޮށް، ކުށްވެރިވާ ޓީޗަރަށާއި ސްކޫލް މެނޭޖްމަންޓަށް ފިޔަވަޅު އަޅާނެކަމަށް ބުނެފައެވެ. އަދި މި މައްސަލަ ބެލުމަށް 3 މެންބަރުންގެ ޚާއްޞަ ކޮމިޓީއެއް ވަނީ އެކުލަވާލާފައެވެ.
