ޕާކިސްތާނުގެ ސުޕްރީމް ކޯޓުގެ އަމުރަކަށް އިސްލާމްއާބާދުގެ ހޮސްޕިޓަލަކަށް ގެންގޮސް މެޑިކަލް ޗެކްއަޕް ހެދުމަށްފަހު، ކުރީގެ ބޮޑުވަޒީރު އިމްރާން ޚާން އަނބުރާ އަދިއާލާ ޖަލަށް ބަދަލުކޮށްފިއެވެ. ޕާކިސްތާނުގެ އިންފޮމޭޝަން މިނިސްޓަރު އަޠާއްލާ ތަރާރު ހާމަކުރި ގޮތުގައި، ޚާއްޞަ ޑޮކްޓަރުންގެ ޓީމަކުން (ކާޑިއޮލޮޖިސްޓަކާއި، އައި ސާޖަންއަކާއި އަދި ފިޒީޝަނެއް ހިމެނޭ) އިމްރާން ޚާން ބަލައި، އޭނާގެ ދުޅަހެޔޮކަން ރަނގަޅުކަމަށް ކަނޑައަޅާފައެވެ.
ކޯޓުން ކުރިން ޢާމުރުކުރީ ޝިފާ އިންޓަރނޭޝަނަލް ހޮސްޕިޓަލަށް ގެންދިއުމަށް ކަމަށްވިޔަސް، އިމްރާން ޚާންގެ ސަޕޯޓަރުން އެއްވުމުގެ ސަބަބުން ސެކިއުރިޓީ ބެލެހެއްޓުމަށްޓަކައި އޭނާ ގެންދެވުނީ ސަރުކާރުގެ ޕީ.އައި.އެމް.އެސް ހޮސްޕިޓަލަށްކަމަށް ފުލުހުން މައުލޫމާތު ދެއެވެ. މެޑިކަލް ޗެކްއަޕްގެ ހުރިހާ މަރުޙަލާއެއްގައި އިމްރާން ޚާންގެ ކޮއްކޮ ޑރ. އުޒްމާ ޚާން ބައިވެރިވިއެވެ. އިމްރާން ޚާންގެ ލޮލަށް ދިމާވެފައިވާ މައްސަލައަކާ ގުޅިގެން ސިއްޙީ ފަރުވާ ދިނުމަށް އޭނާގެ ޤާނޫނީ ޓީމުން ވަނީ ކޯޓުގައި އެދިފައެވެ.
ޕަކިސތަނ ޒިނދަބަދ